ممكن تقدمين تنازل ....

[حبيبه هيثم]

مساء الخير
ما ادري جا بالى موضوع ودي نتناقش فيه
هل ممكن تقدمون تازلات علشان زوجج او عيالج:eh_s(1)::eh_s(14):
مثال ما تدرسين علشان زوجج حاب تقعدين بالبت تهدين وظيفتج علشان اهو حاب تخدمينا وتخدمين عيالا ممكن ولا ماراح تسمحيلا يمحى حياتج
خلونا نتناقش اشرايكم:bbbiu:​

 

[طيش سكر]

مممممممممممممممممم


ماادري ! اخاف اندم بعدين


شوفي اذا كنت جامعيه وتخرجه بوقتها عادي ..

بس توي ادرس وباجي لي سنتين

لاوالله مااتنازل

 

[دلع العتبان]

على حسب ان كانت شهادتي قويه حييل مااقدر اقعد بالبيت صعبه اما ان كانت العكس لا والله الزم رضا الزوج واداره بيتي ولكل شخص ظروف هالامور موقاعده

 

[ياغفور اغفر لي]

مااتنازل عن الشهادة عن الوظيفة ممكن

 

[•Brown•Sugar•]

^
^
^
^

صح كلامها ..
ما اتنازل عن الشهاده .. اما الوظيفه عادي
لان انا ما اظمن عمري بعد جم سنه ممكن الدنيا تحدني ع الشغل

 

[كربون امها]

شوفي حسب شخصية الريال في اجباري وفيهم سنعين ويتفاهمون
اذا زوجي من النوع الاجباري امشي مع رايه لوظيفتي كبيره لان بخسر عيالي
وبييتي حلاته الشي رضا من طرفين تقولين ليش اقولج لو صارت اي مشكله
بعيالي بغيابي وبيتي يقعد يحاسبني ويحسسني اني ام فاشله وعديمه ضمير ويمكن العمر كله يعايرني0 وان كان متفاهم ويتفاهم لاوالله حلاته الوظيفه كيان للانسان
بس طبعا اظبط اموري مع عيالي مو اقطهم عند الخادمه علبو اني ادور كياني امحق

 

[بحرينيه كوول21]

جوفي أنا زوجي يطحن يبيني اكمل دراسه ويوم كملت يقول لي اشتغلي
لان يقول لي مابيج تقعدين بالبيت وتتمللين
انه للحين ماعندي يهال لكن ماحب اشتغل والتزم بالدوام
واكاني قاعده فالبيت صج اتملل ساعات بس أهون من الشغل جربت اشتغل وكل يوم والثاني غيااب خخخ *

 

[أم ميميتو]

والله يعتمد حسب الزوج اذا يستاهل اتنازل على عشانه ولا لأ واذا يقدر يوفرلي احتياجاتي ولا ما يقدر اما اذا عشان ولدي اتنازل عن الدراسه و الوظيفه مستعده اتنازل عن عمري كله عشان عيون ولدي حبيبي الله لا يحرمني منه بس*

 

[دلوعة صلوح]

حسب الريال اذا يستاهل والا لا ؟

 

[أغلى حبيبه]

شوفي اذا الريل يستاهل عادي اتنازل عن واااايد اشياء

وانا تنازلت عن الوظيفه مااحب الالتزام كلش

وبعدين انا وايد احاتي عيالي وين اخليهم اذا داومت ولا ايون من المدارس ومايلاقون غداهم زاهب

واذا مرضوا من يسهر معاهم

وانا نوعي حيل حيل حيل قنوووعه

وتنازلت عن وااااايد اشياء عشان زوجي وعيالي وبيتي

 

[sosowaty]

لا ما اتنااازل نهايئاا

 

[نبض خفوقي]

اتنازل اذا يستاهل عن الوظيفه<< بس طبعآ يكون قادر ع انه يعوضني ماعلي قاصررر
اما الدراسه لا لاني ممكن احتاجها << تفكر تتطلق خخخخخخخخخخخخخخخخخخخ

واذا كبرت تلاقائي بتنازل عشان عيالي لو كانو بسن المراهقه خخخخخخخخخخخخخخ















<< تحياتي طموشه تايم

 

[شيخة العوب2]

صح والله علي حسب الرجاال اناا زوجي طحنت عمري ذبحت عمري بجيت بالليل وبالنهاار سبحاان الله عشان ابي الوظيف والله ماخلاااااني اتوووووظف قالي اقعدي بالبيت عند عياالج هذي احلااا واحسن وظيفه

 

[عنيفه]

انا عن نفسي كان باقي لي كورس واخلص ووقفت قيدي وسافرت معاه

بس مايمنع ان لي كياني وعلاقاتي واهدافي

يعني انا ضحيت بدراستي عشان عيالي بس مع هذا حاولت اني ازيد ثقافتي بالدورات بالمعاهد الخاصه

يسلموووووووووووووو

 

[زوجة عزيز]

أي عادي تنازلت عن أشياء وإيد

 

[ابي اصير ممثلة]

اي ممكن اتنازل عن كل شي حتى جوازي اقدر اتنازل عنه عشانهم الريال والعيال عزوه محد لج غيرهم اهلج مو نافعينهم

 

[swanyway]

شهادة لا مااتنازل لو ايش , وظيفه ماراح اتنازل للريال بتنازل للاطفال اخاف عليهم من سوالف الخدم و التشتت انا ام قليب خلقه مع عيال خواتي حتى لا صار شئ مايعلموني و حوادث اليهال خلتني اخاف منهم و لا اجيسهم كيف عيالي , بس اهم شئ شهادتي و دورات وعندي خبرة يعني لو عندي اطفال بين كل سنه والثانية اخذ دورة شهر ولا اسبوعين عشان لا سمح الله احتديت للشغل ماابتدي من الصفر كأني وحده توها متخرجة

 

[$$king moon$$]

على حسب الوضع

 

[عاشقة_الجمال]

انا تنازلت عن الوظيفه عااااااااااااادي ريلي وعيالي يستاهلوووون

 

[ام زهقانه]

شوفي أنا تنازلت ودعت كلام أنا اشتغل واص. عليج. انتي وعوالم الان ما عندي. الا رابعه متوسط. والحين لا والله ملئت من ابي شغل يغنيني عن حاجته
ابي مصروف لي محد يتحكم فيه أبا رجال بعد فتره يمل من الصرف ومصاريف اعتمدي علي نفسك ولا. تصيرين نفس غلطتي