ممكن حد يجاوبني

[م مرتاحه احبك]

السلام عليكم حبايبي​

انا توني دريت اني حامل بس خايفه وايد انه يكون حمل خارج الرحم نفس حملي السابق
والدكتورة قالت راح تسوي لي تلفزيون لكن مش الحين لان مايبين​

اللي تعرف اي شهر يبين كيس الجنيني اذا هو خارج الرحم او داخل فالتلفزيون !!!!
وهل التفزيون اللي عن طريق المهبل ينزل الياهل ولا لاء!!!!!
جاوبوني الله يجزاكم خير​

 

[sosowaty]

و عليكم السلام

ما فهمت شنو ع التلفزيون

اذا قصدج سونار سوووي بالثاااامن

عشان يبين كل شي

و ان شاء الله ما فيج الا العافيه و حمل سليم

 

[م مرتاحه احبك]

يعني اقصد اي شهر يبين كيس الحمل اذا هو خارج الرحم او داخل !!
ان شاءالله حبيبتي

 

[sosowaty]

الجيس يبين من اسبووع السادس بس الجنين ما يبين الا بالثامن

 

[زين ودلال]

بالاسبوع الخامس او السادس يبين

وان شاء الله مايكون خارج الرحم

 

[sosowaty]

من اسبوع السادس يبين اذا خارج الرحم او داخله و ان شاء اله داخل الرحم لا تحاتين و لا تفكرين وايد

 

[Flower20]

اسم الله عليج لا توسوسين
الي حامل خارج الرحم ينزل عليها دم وتحس بعوار قوي في واحد من المبايض

 

[م مرتاحه احبك]

حبيباتي الله يطمنكم ويريحكم........ وربي يسممممع منكم

 

[م مرتاحه احبك]

فلووور حبيبتي اي انا جذي صادني من سنة لكن الحين الحمدلله ما احس باي شي بس انا وسواسيه من هالسالفه لان وايد عانيت بذيج الحمله

والله كريم

 

[Flower20]

واذا مصرة تسوين سونار داخلي لا تخلينها تدخله وايد عشان لا يتأذى الجنين مع اني ما انصح فيه

 

[م مرتاحه احبك]

مممممممم اي انا قالت لي امي انه مب زين السونار الداخلي بس خايفه انه تسوي لي اياه اذا مابين بالتلفزيون العادي!!

 

[Flower20]

لا توسوسين حياتي ان شاءالله حملج سليم دام ما حسيتي بالاعراض الي قبل والي اعرفه انه ما يتكرر هالحمل وتعوذي من الشيطان

 

[م مرتاحه احبك]

ان شاءالله حبيبتي ماقصرتي والله يجزاج خير

 

[sosowaty]

لا تسوووين سونار داخلي نصيحه تررا يضر حيل

 

[ناتشوو]

الله ييسر امورج
اذا احتجتي له خل تسويه
مايضر
لاتخافين
هي دكتورة وعارفة شغلها
انا جربته كنت بالثاني او شهر ونص ناسية
بس بيتأكد من نبض البيبي
وانشالله يبين معاج ان حمل زين من الخارجي ع طول

 

[كستنائيـة ع ـسل]

اسم الله عليج لا توسوسين
الي حامل خارج الرحم ينزل عليها دم وتحس بعوار قوي في واحد من المبايض

???????? صججج انا جذذذي. ينزل معاي دم كل يوم وحيييل يعوورني ع جنب واحس بعواوات الدوره ??

 

[عواش دق دي]

لالااااااا تقولين جذي اااانشاء الله داخل الرحم

وتولدين بالسلامه

 

[م مرتاحه احبك]

حبيبتي كستنائيه اذا شاكه روحي من الحين للدكورة وخلها تتابعج وتشوف ولاتحاتين ان شاءالله مايطلع الا كل خير.....

بنات انا محتارة ناس تقول لي يضر السونار الداخلي وناس تقول لا!!!

 

[أأأميرة الورد]

الله يطمن قلبج

 

[م مرتاحه احبك]

اجمعين حبيبتي