ممكن خدمه يا معلمات رياض الطفال؟؟؟

[حاااايره]

السلام


حبايبي دكتورتي طالبه مني اسوي مقابلة مع معلمات رياض الطفال وانا بصراحه ثقلانه مالي خلق اتعنى للروضه

فبما ان حبايبي كويتيات مايقصرون بخلي المقابله مفتوووحه قولو همومكم وطلعوا اللي بقلوبكم شاللي عاجبكم وشاللي مو عاجبكم شنو اقتراحاتكم وانا بجمع كلامكم وارتبه


اتمنى ما تطنشووون والف شكر حبايبي

 

[nora_84]

الله يعينج والله
انا كل شي مو عاجبني
شكاويي ما راح تخلص اولهم انه يوفرون معلمة حركيه يعني مو معقوله فوق الكراف الي نكرفه نرد وناقز ونط مع الياهال
وثاني شي يوفرون مكتبة قرطاسيه بكل روضه وناخذ منها الي نبي بدون ما انتعنه بعد الدوام
وثالث شي يوفرون شركة تنظيف في بداية كل سنه يديده تنظف المدرسه والصفوف وتجهزهم تجهيز كامل
ورابع شي تكون كلمة الموجهين وحده بكل الرياض مو كل موجه تقول الي تبيه واحنه انفذ

وهذا الي ابالي الحين واتمنى اني فدتج

 

[حاااايره]

تسلمييييييييييين نورا الله يعينج عالوضع

ماقصرتي عالرد



بانتظار البقية

 

[عالي مستواها]

والله أنااا قلبي مترووووسه :eh_s(16): يبيلي مجلداات عشان أعبر عن ما يختلج صدرري

شوفي الله يسلمج انا طالبة تربية عملي يعني هالكورس كاان أول كورس لي انزل الميدان وأدرس بس بقولج شنو اللي ضيق خلقي وتعبني

أول شي أنا أشوف المشكلة بتأسيس المدرسات يعني أنا طلعت من الكلية ماعرف شي عن الروضة كل المواد اللي خذيناها مواد نظرية علم نفس وتربية مالها علاقة بالروضة وطريقة التعامل مع الأطفال

كان المفروض من قبل يعلمونا نظام الروضة والروتين اليومي فيها وطريقة أو خطوات كل نشاط ... هم حتى المواد العملية اللي حاطينها مثل " الموسيقى " و " الفنية " مالهم علاقة بالطفل لا من قريب ولا بعيد .. اتوقع الكل لمس هالشي وشافه يعني بالفنية يخلونا نرسم ويقيمنا على رسوماتنا بالله شنو استفيد أنا من هالمادة بمجال عملي ؟ نفس الشي الموسيقى المفروض يعطونا أغاني تخدم الخبرات

انا طلعت من الكلية ما أعرف الخبرات اللي يتم شرحها ولا سبق أنها مرت علي ما كنت أعرف الأنشطة اللاصفية ولا أعرف الحلقة شنو .. هذا كله انصدمت فيه بالعملي .. منو فاضيلي يعلمني هذي مو شغلة المدرسات ولا المشرفات كان المفروض انا طالعه من الكلية أعرفهم صح ؟

الحمد لله عدت على الخير لكن شذنب الطالبات يمرون باللي حنا مرينا فيه ومو كل وحدة تحصل لها مدرسة سنعه تساعدها

نقطة ثانية .. مدرسات الرياض شغالين اليوم كله حتى بالفرصة والمطعم مقابله الأطفال علمًا بأن الفرصة تاخذ تقريبًا ساعة والمطعم ثلث ساعة غير الفترات اللي تقدم فيها الدروس صرااحة ضغط على الفاضي يعني الفترات هذي لازم يحطون منفذات الخدمة يمسكون لأنه ماعندهم شغل

هذا إلى جانب النقطة اللي ذكرتها الاخت نوره عن الحركية .. مو معقول مدرسة الروضة بتااع كلوو ... الحركية المفروض يقدمونها مدرسات تخصصهم بدنية

هذا غير تأثيث الصف والوسائل والمصاريف اللي ما تخلص

صراحة أنا متأمله خير بالخبر اللي سمعته عن المنهج الجديد اللي بيقرونه للرياض .. لأنه المنهج هذا صج فااشل ما يتعلم الطفل منه شي

كلي أمل أنه ما يخيب ظني ويكون القرار مدروس قبل تطبيقه مو مثل المنهج المطور اللي عوروا روسنا فيه بالكلية وقصووا علينا " أنتوا بتطلعون فاهمين أكثر من المدرسات " وانصدمنا يوم نزلنا الميدان أنه لا حنا فاهمين النظام ولا المدرسات فاهمين ..

 

[حاااايره]

امبي فووووووووووووق احباطي جاني احاااااااااااااااااااااااااااااااااااط



عموووووووما بعد عمري الله يعينج وتسلميلي عالرد الف الف شكر