ممكن مساعدة بديكور غرفتي

[ة_ةة_ة]

السلام

ممم بغيت شوركم بنات تكفون


انا غرفتي شوي صغيرة وغير كذا صارلي فترة ماجددت فيها شي يعني باختصار الغرفة كركبة الحين :eh_s(13):


قررت اصبغها واغير الموكيت والستاير بس الديكور الدولاب والسرير والتسريحة ماراح اغيرهم

قلت بصبغها بلون احمر او عنابي ورصاصي غامق وبيج الطريقة بتكون خطوط طولية بالالوان الثلاثة على الجدارين اللي مقابلين بعض بالطول والجدارين اللي مقابلين بعض بالعرض محتارة وش اصبغهم قلت يمكن عنابي بس للحين محتارة

خفت تصغر الغرفة زود لانها اساسا مو كبيرة

ياليت تساعدوني في اختيار الالوان واذا عندكم نصايح اني اغير الالوان بعد لاتبخلون علي :eh_s(17):

ووش تنصحوني بعد اخذ موكيت او جلاد ؟؟

 

[pqrs700]

cheap bags

authentic coach handbags authentic coach handbags wholesale ysl muse bag sale burberry canvas tote fake burberry wallet

 

[emankuwaiti]

أنصحج بالالوان الفاتحة عشان تعطيج وسع

 

[المهندسة لـولـو]

انصحج تبتعدين كلش ملش عن الالوان الغامجة مثل العنابى والاحمر والرصاصي يعني الالوان اللي انتى مختارتهم مو حلوين اولا

وثانيا تعطى ضيق للغرفة دايما ينصحون ان الغرفه الضغيرة لازم تكون الوانها فاتحه وغير جذي لا تفكرين

اصبغى سادة مو لازم حركات وتفننى باللوحات والحركات الثانيه وبس

 

[FJ style]

هالالوان تقت القلب وتصغر المساحة
في بيت اهلي واحد من اخواني استخدم هالالوان من ادخل غرفته انقت قلبي

فتحي الالوان ولا تستخدمين الخطوط راح تصغر المساحة

روحي ابيات واخذي فرة وطلة على ورق الحائط وراح تييج الافكار بالهبل
اختاري لون ورق فاتح شوي وركبيه على طوفة وحدة ويفضل اللي ورا سريرج وباجي الطوف اخذي من الوان الورق الدرجات الفاتحة وصبغيه سادة بدون شي
وبدعي باللوحات والديكورات الناعمة

مثلا عندج الازرق والبيج
او الاخضر الفستقي والبيج
او البنفسجي والابيض
يعني الوان فاتحة هادية
وورق الحائط عندهم راح يعطيج افكار عجيبة
لكن لازم تراعين ان هالالوان تمشي على درجة لون الخشب اللي بأثاث غرفتج

باختصار حاولي تفتحين الوان الصبغ

 

[FJ style]

شوفي هالصور للغرف الصغيرة مناسبة وتوسعها بنظرج