ممكن مساعدة... ضروري!!

[صفاء5]

صباح الخير على أحلى الدير
صباح الخير على أهل الكويت وديرتهم الحلوة
لو سمحتوا انة من البحرين
وحابين نزور الكويت بس يومين-على حسب الميزاانية
سمعنا عن المباركية وان شاء الله اول ما نوصل بنروحها
بس بسألكم المباركية تعتبر في أي منطقة
وبغيت _خبركم احنا النسوان موتنا التسوق- فوين الاسواق الحلوة والرخيصة القريبة من المباركية
عندي محل وابي اجيب له شغلات من الكويت يعني عطورات وساعات وهالاشياء وين احصلها وارخص ارخص الاسعار
وشنو الاشياء الي تنصحوني اشتريها؟؟!!
سمعت بعد عن سوق الجمعة -هل هي فقط يوم الجمعة والا في أيام ثانية؟؟؟
مع العلم ان احنا بنكون في الكويت الاحد والاثنين 29 و30 نوفمبر؟؟هل بتكون المحلات فاتحة على اساس تعويض اجازة العيد؟؟
المسامحة ادري ازعجتكم بس طمعان في كرمكم !!

 

[ّأشواق]

هلاااا بج اختي وحياج الله يالغاليه عاد انا توني راده منكم مالي يومين ...........

سوق المباركيه هذا بالكويت بالديره وفيه هنود يبيعون العطورات وهالسوالف جمله وسوق الجمعه مايفتح الا الجمعه والسبت والله يعينج بتجين على اجازة العيد زحمه والسكن بيكون غالي ..........

وعندج سوق المعلم بالسالميه حلو وبيعجبج اسعاره مناسبه وكل شي فيه .......... من كل النواحي

واذا بغيتي تسالين عن شي لايردج الا لسانج وهلا فيج مره ثانيه

 

[حبيبة الملايين]

حياج الله بديرتج الثانيه واذا تبين اشياء رخيصه عندج اللي ذكرتيهم سوق الجمعه والمباركيه وسوق السالميه القديم اعتقد وانشالله اكون افدتج

 

[@فطفوووطه@]

حبوبه عندج سيتي سنتر بالسالميه رخيص وحوش السالميه عند صوب الفنار ومجمع منيره هذا رخيص وحياج الله

 

[دلوعة ميدو]

حياج الله ...تنورينا
مثل ما قالولج البنات ستي سنتر رخيص والحوش السالمية والمحاميد والسوق اللي يمة لانة بيهدمونة فكل ارخيص الحين ومكانة بسالمية
وان شالله البنات يفيدونج اكثر