ممكن مساعده؟

[ام^صالح]

اول شي مساء الخير

بنات تكفون اي وحده تعرف احد بالمجلس الاعلى للمعاقين تساعدني

ولدي شهر ثنين يصير عمره ثلاث سنوات ومو راضين يدخلونه باللجنة التعليمية حق هالسنة

يعني اعاقته تتطلب التدخل المبكر هل فيه استثناءاات ياليت تفيدوني وماتبخلون علي بمساعدتكم

 

[داون سندروم]

هلاأم صالح
اولا حبيبتي شنو نوع الأعاقة عند ولدج؟؟
ثانيا انا اعرف وحده بس ما ادري عن نوع سلطاتها هناك لأن عمري ما طلبت شي منها
ثالثا الحضانات مو كل شي يسونه لازم متابعه فى البيت علشان الطفل يصير ممتاز
رابعا فيه حاضانات تدخل بالأقساط كل شهر تدفعين مبلغ
ارجو ان اكون اجبت على استفسارك وايضا وضحت لك اشياء يمكن انت ما تعرفينها من قبل
تقبلي تحياتي

 

[@شمس الضحى@]

ياليت اقدر اساعدج بس والله العظيم ماعرف احد

 

[NoWay2know]

وانا بعد اتمنى افيدج واساعدج .. لكن عذريني مابيدي شي .. غير أدعليج . الله يسهل أموركم ان شاءالله

 

[ام^صالح]

الله يعطيييكم العافيه ويشافي ابناء المسلمين كاااااااااااافه

وماقصرتوا

 

[مرمر]

والله مااعرف احد ولا من عيوني

حتي ماادري والله شلون طريقتهم لان بيتي الي الحين ماكملت الثلاث سنوات انشاءالله اخر 6

اهو من متي نسوي اوراقهم

 

[ام^صالح]

انا من عرفت باعاقته بديت اسوي اوراقه بس دخلته الحضانه وصارت تكاليفه اكبر من طاقتي بس الحمدلله على كل حال

وقالوا اذا تعرفين احد هناك راح يمشونهاا لج بس للاسف مااعرف وقلت يمكن احد من البنات اهني يفيدني

بس انتي لازم تبدين فيهاا لان باب التسجيل يفتح يوم الاحد 18-1

 

[داون سندروم]

اي إعاقة بالكويت مركزالوراثة يحولها للمجلس لأعلي للمعاقين
ومن الأجراءات او الخدمات اللي يقدمها المجلس اذا بلغ الطفل 3 سنوات تقديمن طلب للحضانه
يطلب منك المجلس اختبار ذكاء من الطب التطوري الله يعينك عليهم ثم بعد ذالك
ترجعين على المجلس اللي حظه حلو يكون مكمل عمره 3 سنوات قبل شهر 9 بداية دخول المدارس اللي يكمل 3سنوات بعد شهر تسعه
لأسف ما يأخذونه إلا السنه اللي بعدها وفى هذه الحالة لا تتركين الطفل قاعد بالبيت وديه حضانه حرام يضيع عليه الوقت والحضانات
يدخلون بأقساط يعني كل شهر مبلغ وعسى الله يعينا أهالي ذوي الأحتياجات الخاصة

 

[داون سندروم]

أم صالح حبيبتي شيكي على الخاص ما تضيج إلا تنفرج

 

[مرمر]

اي إعاقة بالكويت مركزالوراثة يحولها للمجلس لأعلي للمعاقين
ومن الأجراءات او الخدمات اللي يقدمها المجلس اذا بلغ الطفل 3 سنوات تقديمن طلب للحضانه
يطلب منك المجلس اختبار ذكاء من الطب التطوري الله يعينك عليهم ثم بعد ذالك
ترجعين على المجلس اللي حظه حلو يكون مكمل عمره 3 سنوات قبل شهر 9 بداية دخول المدارس اللي يكمل 3سنوات بعد شهر تسعه
لأسف ما يأخذونه إلا السنه اللي بعدها وفى هذه الحالة لا تتركين الطفل قاعد بالبيت وديه حضانه حرام يضيع عليه الوقت والحضانات
يدخلون بأقساط يعني كل شهر مبلغ وعسى الله يعينا أهالي ذوي الأحتياجات الخاصة

حبيبتي داون سيندروم انا توها سنتين ونص طبعا مسوية اوراقها وتراجع التدخل المبكر ومركز الوراثة من ولادتها
سؤال متي اسوي اوراق الحضانة ومن وين ابدي وشنو يطلبون

 

[داون سندروم]

حبيبتي مرمر معنا كلامك بنتك تكمل 3 سنوات بالصيف صح؟؟؟؟؟؟؟؟؟؟؟ يعني تقريبا شهر 6
تروحين أعتقد الدور الخمس فى المجلس وتقولين بودي بنتي حضانه راح يطلبون منج تقريرمن الطب التطوري القثيث
وبعدين ترجعين للمجلس يكملون الأجرائات بس اذا مستوي ذكاءها اقل من 50 ما يودونها حضانات على كيفك يخلونها تروح
اللي بحولي يعني موذاك المستوي وفى هذه الحاله انصحج تودينها على حسباج وانشاء الله تجيب نتيجه زينه
انت دربتيها عدل ؟؟؟؟؟؟؟؟؟؟؟؟؟؟
مفروض بنتج مخلصه بورتج ابوسنتين وباديه فى 3 سنوات

 

[الصابرة المحتسبة]

بشرينا يالغالية ام صالح شصار على الموضوع؟؟؟؟