ممكن مساعده-خلع الاطفال حديثي الولاده

[جود 74]

السلام عليكم

ممكن مساعد انا بنتى فيها خلع من ولادتها وقالى الدكتور استمرى على الحفاضتين لمدة شهرين ولما خلص الشهرين ماانفع وقال حطو جهاز الخلع وبعد شهرين ونصف ولانفع
قرر الدكتور بعدها عمل عمليه لها لما يتم عمرهاا سنه ونصف يعنى ان شاء الله شهر واحد الجاى
سؤالى

من جرب عملية الخلع ؟

وابى نصااائح عن العمليه ومخااطرهاا ؟

من احسن دكتور فى مستشفى الرازى ؟

الرجاء افيدونى
ولكم جزيل الشكر

 

[lady_flana]

رد: ممكن مساعده

ماادري بس الله يشافيج لج بنتج يارب...ولا تحاتين ادعي لها انشالله خير

 

[جود 74]

رد: ممكن مساعده

تسلمين على المرور

 

[صبا أحلى البنات]

رد: ممكن مساعده

الله يشفيها يارب ويجعلها قرة عين ولاتنسين الدعاء

 

[جود 74]

رد: ممكن مساعده

تسلمين يابنت عمى

 

[وسامي]

رد: ممكن مساعده

حبيبتى تطمني مالها شر وسوي عمليتها ومالها الا العافية بنت اختي مسويتها بالرازي عند د. حسين سالم تراه ممتاز يسوي لها اسهل طريقة بحيث يبتعد على قد مايقدر عن الدرل والبراغي يعني علاج مبدئي اذا مشى معاها كمل واذا مامشى يسوي لها اللي بالدرل والبراغي بس عموما انتي استخيري والله يكتب لك كل خير وبنت اختي كان عمرها سنه وثلاث شهور والحين مره بثانيه روضة وتمشي عدل ومافيها شى ولا تسمعين كلام الناس ان قالوا لك لاتسوينها والا روحي للعتيبي والا اي دكتور شعبي وتروح السنين عليك وماراح تستفيدين وحرام سويها قبل لاتكبر البنت واتصعب وترا الدكتور قايل ان الكويت رايدة بعمليات الخلع ويجون دكاترة من المانيا علشان يتعلمون من عملياتنا فى الخلع واتمنى انها تنجح عمليتها وتمشي ويخليها ربي لك ويبلغك فيها انشالله

 

[أحلى عيون]

لا تخافين يا غاليه انا بنات اختي اثنينهم مسوين العمليه مافيهم الا العافيه

وعندي زوجه ولد خالي بعد اعيالها 4 حطت لهم الجهاز وما نفع وبعدين سوت العمليه

الله يشفي بنتي يارب

 

[جود 74]

رد: ممكن مساعده

حبيبتى تطمني مالها شر وسوي عمليتها ومالها الا العافية بنت اختي مسويتها بالرازي عند د. حسين سالم تراه ممتاز يسوي لها اسهل طريقة بحيث يبتعد على قد مايقدر عن الدرل والبراغي يعني علاج مبدئي اذا مشى معاها كمل واذا مامشى يسوي لها اللي بالدرل والبراغي بس عموما انتي استخيري والله يكتب لك كل خير وبنت اختي كان عمرها سنه وثلاث شهور والحين مره بثانيه روضة وتمشي عدل ومافيها شى ولا تسمعين كلام الناس ان قالوا لك لاتسوينها والا روحي للعتيبي والا اي دكتور شعبي وتروح السنين عليك وماراح تستفيدين وحرام سويها قبل لاتكبر البنت واتصعب وترا الدكتور قايل ان الكويت رايدة بعمليات الخلع ويجون دكاترة من المانيا علشان يتعلمون من عملياتنا فى الخلع واتمنى انها تنجح عمليتها وتمشي ويخليها ربي لك ويبلغك فيها انشالله

الله يجزاك كل الخير

ويطمن بالج ويريحج مثل ماريحتينى

 

[وسامي]

حاضرين للطيبين وطمنينا عليها اذا سويتي العملية