ممكن مساعده منكم؟؟

[*نوفه*]

السلام عليكم

شلونكم شخباركم

انشالله تمام

تمام؟

دووووم انشالله

المهم ندش بالموضوع _03BA:

بنات ياحلوين ابيكم تساعدوني وتقولولي شنو اقدر اسوي من علبت ماي صحه فاضيه اي حجم واي شكل حتى الي تصير مثل القلاسات او الصغااااااااار بليــــــــز ساعدوني :0bee2e8d89:

لانه جد لاعت جبدي وانا افكر شنو اسوي والدكتوره طالبة منا نستخدمهم بانتاج اي شي مفيد :cxxxp:

وانا فكرت مزهريه او علبة اقلام بس المشكله صارت فكره مستهلكه

وابصراحه انا ابي شي غريب علشان يعجب الدكتوره لانه تحب الافكار الغريبه

بليز لا تبخلون علي بافكاركم الابداعيه​

 

[الفجر البعيد222]

لازم علب الماي ؟؟؟
امممممممم
ماعندي فكرة سوري

 

[*نوفه*]

اي لازم علب ماي شرط اساسي

يسلمو حبيبتي

 

[Miss-Madry]

اممم جربي تسوين فيهمم حصاله او تقصين نص البطل وتقظينه قضوض صغار وتحطين شمعه امم>>اخاف يسيح او تحطين رمل ملوون ونسقيه كديكووور.


هذا الي طلع ببالي

 

[*نوفه*]

شلون احط شمع مافهمت؟؟؟

 

[Miss-Madry]

يعني البطل تقصينه بنص وتحطين شمعه جذي

لقيت لج هاللنك يمكن يفيدج


http://www.q8yat.net/showthread.php?t=21822


وان شاء الله افدتج

 

[AFRoDiT]

عندي فكرتين ..


الفكره الأولى , تشترين الشمع الجيل الشفاف .. في منه الوان
ذوبيه داخل البطل و حطيله فتيل .. وبما انه شفاف تقدرين تحطين ورد أو أصداف أو أي شي للتزيين ..


الفكره الثانيه, حددددي حبيتها توها طلعت معاي ..

دوري أصغر حجم من البطول
اشتري علبة ألوان غواش من أي مكتبه حتى بربع أو نص تحصلينهم مو شرط نوعيه ممتازه ,, وهم تقدرين تستخدمين ملونات الطعام .. تعبين البطول بماي+ أي لون .. تذوبين اللون بالماي عدل .. وتحطين كل بطل لون غير
سكري البطل بالغطا ماله بإحكااام .. و لو تحطين صمغ قوي على الحواف يكون أحسن عشان لايتسرب الماي الملون


خلصتي من تعبئة البطول, ولاتترسين البطل خلي الماي لي النص عشان لايصير وايد ثقيل , وسكرتيهم بـ إحكاااام (تقدرين تلونين أغطية البطول بنفس لون الماي الي بالبطل عشان يعطي شكل) ..


ألحين تاخذين البطول واتييبين صمغ قوي و تلزقينهم في بعض , فوق بعض .. سوي منهم كره أو مكعب أو أو هرم أو أي شكل
تخيلي شكلهم شلون بيصير حلوو؟؟

اخذيلج لمبه أو أبجوره وحطي الشكل الي سويتيه من البطول فوقه ..

يعني سويلج دزاين يصير كأنه ثريا ..

بتصير روووعه لما الاضاءه تعكس ألوان الماي


وعندي بعد فكره شفتها بالنادي العلمي..

تقدرين تحطي البطلين فوق بعض , وتسوين منهم ساعه رمليه ..




شرايج في الأفكار؟؟؟

اذا يتني فكره يديده بقوللج

 

[*نوفه*]

يسلمووووووووووووووووووو


حبايبي خوووووووووووووووووووش افكار والله


فديتكم ماتقصرون

 

[*نوفه*]

بس شنو شمع الجيل وين احصله؟؟

 

[*نوفه*]

للرفع

 

[أخت رضاب]

شوفي في ماي اسمه مسافي صغير حيل ما يبيله قص زينيه بورود مجففه وخليه علبة اكسسوارات مثلا"

 

[*نوفه*]

مشكورين حبايبي

ماقصرتوا والله