ممكن مساعده يابنات الكويت

[شوبارد قطر]

انا حابه اجي الكويت على نص شهر واحد وباقعد 3 ايام
ابي تنصحوني شلون ارتب جدولي بحيث استمتع بوقتي للاماكن اللي تستاهل اني اشوفها بهذي الايام القليله
انا بعلمكم شنو اللي بخاطري في البدايه انا بيكون معاي عيالي سن 4 و 5 سنوات ابيهم يستمتعون
اذا في شي يناسبهم
وانا ابي اشتري لبس من بدلات كشخه وفساتين لاعراس عندي انا ذوقي ناعم وبنفس الوقت يكون فخم واحب الناس تسالني من وين هذا :wqedqw:
وابي مكان للسكن يكون مرتب ونظيف " فندق" وبشرط يكون المجماعات قريبه منه
اممممم وشو المطاعم بعد اللي تستاهل الزياره احنا من محبي الاكل الايراني :eh_s(9):
وانا بشوف المشاركات وبقرا بس حبيت اكتب موضوع خاص فيني لترتيب جدول
بس بليز بنات انا افضل تبعثون لي على الخاص حتى يسهل علي اني اشيك متى مابغيت

 

[krkooora]

الفندق
عندج فندق المارينا حلو
بالسالميه قريب يم المجمعات ( المارينا مول - مجمع الفنار - سوق السالميه..الخ ) و المطاعم وغيره

---

بالنسبه حق الاماكن اللي تزورونها
يعني نسقي اليوم الاول تروحون المباركيه هناك سوق شعبي مثل سوق واجف عندكم ونيس و حلو اللي مايزوره جنه مايه الكويت
و يوم الثاني الافنيوز و فيه العاب حق اليهال بالطابق الاول فوق ماجيك بلانت صوب المطاعم و مجمع 360
و اليوم الثالث سوق السالميه المارينا و الفنار --------- ليلى جاليري و مجمع زهره > حق لبس السهره

اذا تبون العاب حق اليهال روحو حديقة الشعب حلوة و الجو هالفترة عجيب


---
المطاعم
انتي قلتي تحبين الاكل الايراني
عيل لازم تجربين مطعم شبستان موجود بالطابق الثاني بمجمع 360
و عندج بعد مطعم جاردن بالافنيوز الطابق الثاني يم اتش اند ام

اي استفسار حبيبتي لا يردج شي انا بالخدمه كلميني بالخاص
وحياج الله بالكويت

 

[محظوظه ومبروكه]

ياهلا مسهلا

حياكم الله


بالنسبة لفساتين الأعراس


مجمع المهلب -- بمنطقه حولي



منطقه السالميه

مجمع ليلى جاليري

مجمع جاليريا 2000

----------------

بنسبه الالعاب الاطفال

ديسكفري مجمع ترفيهي و تعليمي خاص بالطفل

المدينة الترفيهية
المركز العلمي
حولي بارك





​

 

[la Rose]

الفساتين ليلى جاليري فوق في حلووين
و واذا مناسبه اقريبه وايد وماديتج تسمح روحي لبوشية السوداء بالرايه سنتر شغل ناعم بس على مستوى وغالي

 

[Mjnont '3lay]

تنور الكويت حياكم الله
بالنسبه للفنادق عندج موفنبيك المينا فضيع عجييييييييييب وتحت فيه باللوبي قعده عجيييبه وتطلبين كيك وعصاير وهالشغلات
وبره فيه مثل حديقه وفي مطعم نظام بوفيه وتقدرين تطلبين طلبات عاديه وعالبحر والجو روووووعه روووووعه انصحج فيه
بس مو حلو مجمعات كلش بس الجو فيه شي شي فضيييع

واذا تبين جنب مجمعات عندج فندق مرينا مقابله مطاعم ومجمع مرينا والسالميه وحولهم الفنار وسنتربونت وماكس وهالسوالف يعني كل شي تلقينه بالسالميه

وبالنسبه للماطعم عندج فريج صويلح حق مجابيس وهالسوالف فضيييييع واكثر السعوديين يجون الكويت عشانه والله كل ما امره القى دفنة شباب سعوديين عنده المهم وعندج الصخره فضييييييييييييييييييع مطعم لبناني مقاااابل مرينا بالضبط ومطعم مغل محل وقيصر هندي حلوين وامم ملك الصاج الايراني حلوووووووووووووووو فضييييييييييييييييييييييييييييييييييييييييع والله نصيحه جربيه هو مطعم ايراااني بس للامانه ولا مره رحت له ومادري اذا فيه قعده ولا لا بس كل ما اشتهيت كباب طلبت منه من كثر ماهو حلووو وهذا رقمه اطلبي منه يوصله لج بالفندق عادي 25615666 وعندج مطعم بيتزا ان حلو وبيتزا هت ولا اروع وعندج سوالف وجبات احلى مطاعم وجبات سريعه عندي تكساس وبرقر كنج وماكدونالدز ومطاعم ايطاليه وهالسوالف عندج الافنيو و360 فري على مطاعمهم حلوين وعلى فكره كل المطاعم اللي قلت لج عنها بالسالميه ما عدا مطعم الايراني مدري وين صاير بالضبط بس عندج رقمه والافنيوز صوب الشويخ و360 ما ادله بالضبط بس احنا دايما نطلع له على طريج جنوب السره وقريب علينا


وبالنسبه للفساتين روحي الحمرا مول وانتي مغمضه حلويييييييين يعجبوووني الحمرا بالفروانيه وعندج فساتين مجمع المهلب بحولي حلوه بعد بس شوي غاليه وعندج فساتين الجليب حلوييييييييييييييييييييييييين و رخاص اغلى فستان على 60 دينار وعندج الفحيحيل مري على فساتينهم حلوين

والالعاب حولي بارك بحولي والشعب بالسالميه وبروي بمجمع الافنيوز والمدينه الترفيهيه


والاماكن اللي قعداتها حلوه عندج حديقة سلوى روووووعه داخل فيه ماكدونالدز وحلو وخاصتن بهالجو الحلو القعده عجيبه هناك والحديقه كبيييره
وعندج القهوه الشعبيه صوب شارع الخليج فيه العاب حق الجاهال داخل وفيه قعده ارضيه وتطلبين قوري الجاي مع المشويات والقعده فضيييعه
وعندج سوق الكويت كل شي شعبي فيه وحلو ورخيص

وانشاءالله ما اكون نسيت شي واذا تبين شي لا يردج شي راسليني بالخاص ولج عيوني