ممكن مساعده يا ابله الروضه

[عشق قلبين]

السلام عليكم ورحمه الله وبركاته

كيف حالكم يامعلمات رياض الاطفال:eh_s(6):

انا عندي بنت بثاني روضه مشكلتي معاها انها تكتب الكلمات من اليسار لليمين

يعني مثلا عطوها كلمه خباز

تكتب خباز من اليسار لليمين اتمنى تكونون فهمتوني

ودايما سريعه بالعد يعني لما يعطونها امتحان تعد وتكتب العدد تلاقينها تعد بسرعه وتكتبه خطا تعبت وانا اقولها عدي شوي شوي لانها ماشاء الله عارفه الارقام بس السرعه تلخبطها

وثاني شي اتمنى انكم تفهموني اياه لما يعطون بنتي املاء كلمات اقعد اخليها تنسخ الكلمه لين تحفظها وبعدين اخليها تكتبها بصفحه ثانيه بروحها ماتعرف؟
مع انها تنسخ وهي واثقه تقولين خلاص الحين بتكتبها عن غيب واهي مغمضه بس للاسف كله تتنح
انا كنت رافضه اني اضربها لما ادرسها لاني اخافها تتعقد بس مرات تطلعني عن طورني وتخليني امد ايدي عليها غصب يارب تسامحني :0bee2e8d89:

اتمنى منكم يا معلمات رياض الاطفال تساعدوني وتعطوني نصايح اتعامل فيها مع بنتي بهالمرحله من الدراسه
يارب انك تعيني

 

[مع وقف التنفيذ]

بالنسبه للعد خليهاتكتب الارقام ع راس الصفحه كلهم عشان واهي تعدوولا تحسب تكون جدام عينها

 

[عشق قلبين]

مشكوره اختي

 

[*أم*خالد*]

لمه تنسخ الكلمه خليها تنسخ عن غيب

يعني مو تطالع الكلمه وتنقلها لأ .. تنسخ والكلمه مغطاة

 

[عشق قلبين]

مشكوره اختي ام مناف