ممكن يرفضوني الديوان !! منو مثل حالتي ....

[رحـيـل ~|]

السسسلام عليكم


الديوان راح يفتح التسجيل بعد جم يوم على حسب المكتوب بموقعهم

فقررت إني اسجل واجرب حظي :eh_s(2):

وانا ادرس بجامعه خاصه ومطوله على التخرج

يعني راح اقدم على شهادتي الثانويه

واي بعد مفصوله من قطاع خاص صار لي سنه الحين :eh_s(2):

بعد هالقصه كلها عادي الديوان اقدم فيه وانا ادرس او ممكن يرفضوني
وتهقون اطول نفس الحالات اللي اشوفها اقعد سنه وسنتين على مايطلع اسمي :eh_s(14):

وياليت اللي تدرس بجامعه خاصه وبعدين سجلت بالديوان تذكر لي تجربتها
او اذا تعرف احد نفس حالتي

ومشكورين :eh_s(8):

 

[رحـيـل ~|]

شدعوه كل هالمشاهدات ولا رد

 

[الفوز حلو]

اتوقع لا مايصير الله اعلم

 

[ورد الطايف]

ماعندي خبر
بس انتي روحي وشوفي
الله يوفقج

 

[ضايـعه بالطوشه]

روحيلهم بنفسج احسن

 

[عروسة الكويت]

مافي معلوم والله :d

 

[السلام عليكم2]

اتوقع مايصير لانج تدرسين بس هذا توقع ومو اكيد

وبخصوص وضعج هل انتي مفصوله من القطاع الخاص بسبب الغياب او هالاسباب ول من غير سبب

يعني هل تعتبرين من المسرحين وشنو مكتوب في كتاب انهاء خدمتج

اذا من غير سبب فاصلينج لحقي زهبي اوراقج ودقي علي دعم العماله ١٠٣ يعطونج موعد وروحي عشان يمشون لج راتب المسرحين توهم قرو القانون وفتحو الباب من الاسبوع الي طاف وانت قبل يومين سجلت واذا كنتي من ضظمت المسرحين الي نفصو من غير سبب قوليلي عشات اقولج شنو الاوراق المطلوبه وشراح تسوين عشان يمشون لج الراتب

 

[Angel_store]

اب اب اب

 

[Esraa.a]

عاااااااادي تتوظفين بس على شهادة الثانويه


ولا تعتقدين إنه الجامعي يتوظف أسرع من الدبلوم والثانوي >> كله نفس الشي طواااله بطوااااااله

بس طبعا انتي كتوظيف على شهادة ثانويه عامه الخيارات راح تكون أقل جدامج




بشكل عام نظام الديوان >> عقب كم شهر من التقديم يطلع إسمج بوزاره من الوزارات
إذا رفضتي >> عقبها عاد نطري سنه سنتيييييييييين على ما يطلع إسمج مره ثانيه




والخيارات اللي تحطينها بالترتيب لما تسجلين بالديوان >> الأماكن والوزارات اللي تبينها


كلللللللللللله حجي فاااااااااااااضي


اهما يحطونج بالمكان اللي فيه شواغر حتى لو انتي مو حاطه الوزاره برغباتج

 

[lilla]

اذا تدرسين مايصير تقديم عالديوان
وانا الي شايفته انه الي شهادتهم ثانويه يتوضفون اسرع من الدبلوم والجامعه

 

[ام مهاوش]

دامج تدرسين بجامعه خاصه وعلى حسابج مالهم شغل فيج اما اذا كنتي جامعه حكوميه او بعثه داخليه لا مايصير مالهم شغل اذا كنتي موظفه بقطاع خاص ودامج كنتي موظفه بقطاع خاص لج الاوليه بالتوظيف بالحكومه
سجلي حق المسرحين عند دعم العماله بسرعه دامهم فتحو المجال حق الكل وسجلي بالديوان لما يفتح التسجيل
انا كنت موظفه بقطاع خاص وقدمت استقالتي عقبها سجلت بالديوان على شهادة الثانويه والحمدالله اقل من سنه طلع اسمي بالديوان

 

[قهوه ساده]

عادي شكثر اعرف بنات يدرسون بجامعه خاصه ومقدمين على الديوان ومتوظفين
اما سالفة الفصل يبيلها تروحين الديوان والا اتدقين وتأكدي

 

[رحـيـل ~|]

مشكورين بنات كلكم ماتقصرون
بس انا ادرس بجامعه خاصه وعلى حسابي
مو بجامعه حكوميه انا شفت بالموقع جامعة الكويت والتطبيقي ومو مذكور الجامعات الخاصه
والمشكله ماقدر اروح الديوان بس ماقصرتو يعطيكم العافيه كلكم

 

[رحـيـل ~|]

بنات يعطيكم العافيه اللي تعرف رقم اتصل عليه ياليت تكتبه
لاني صعب اروح للديوان بليز اللي عندها رقم لهم تساعدني

 

[fatma j]

الارقام موجوده بالموقع
دقي وسالي

 

[عسل مرت قيمر]

للاسف حبيت افيدج بس ماعتدي فكره

ارفعلج الموضوع