مناشدة لأختي الصابرة المحتسبة

[مشمشة برتقالية]

ألسلام عليكم أختي الصابرة المحتسبة جزاك الله على ماتقدمينة من خدمة للأخوات جعله الله في ميزان حسناتج أختي موضوعي بإختصار عندي بنتي عمرها 19 سنة عندها إعاقة ذهنيه من 7سنوات بدت تدهور حالتها وتأخرها الدراسي المهم فتحت ملف تعليمي عند المجلس الأعلى لكن للأسف ماحد نادانا لنا سنة من قدمنا الطلب ولاحياة لمن تنادي والبنت في البيت لها 7سنين تبي تروح للمدرسة تبي أخصائية نفسية تسمع لها ساعديني شنو أسوي ألحين​

 

[ام عفاف الكويت]

حبيبتي والله يارب تشافيها لج بالشهر الفضيل
وتعطيها الصحه والعافيه
ويفرح قلبج فيها
ويطمن قلبج ياحياتي
وان شاء الله الصابره ماتقصر والبنات بعد
الله يخليها لج لو اعرف اقولج
بس ماعرف
دشيت ادعي لها

 

[@شمس الضحى@]

الله يشفيهاا
رااحعي المجلس الاعلى اسالي واسالي اذا بتنطرين تراا بتقعدين سنيييييييييييين

 

[سمسومه الحبوبه]

الله يشافيها ومشرفتنا الغاليه ماتقصر ان شاء الله تفيدك

 

[مشمشة برتقالية]

جزاكم الله خير على الرد وأنا بانتظار رد إختي الصابرة المحتسبة

​

 

[الصابرة المحتسبة]

رد : مناشدة لأختي الصابرة المحتسبة

وعليكم السلام

هلا بالغالية

عسى ربي ياجرج ويثبتج.

انتي رحتي التطوري والوراثة وخلصتي منهم؟

حطي بالج لازم تراجعينهم واتأكدين من ان اوراقج كاملة ومو ناقصة شي .

- اللجنه التعليمية ما اطول أكثر من 20 يوم.

 

[بنت صباح الناصر]

عسى الله يشافيها ويصبر قلبج يااختي

 

[مشمشة برتقالية]

جزاكم اللة كل خير على الدعاء الطيب ولكم مثله أختي الصابرة التعليمية اللي بالدور الخامس ما طلبت أوراق من التطوري بس الوراثة راجعناهم وسوينا فحوصات وإختبار ذكاء وكملنا ملف البنت وقالو خلاص احنا نتصل عليكم عشان موعد اللجنة لأن ألحين إجازة ماكو دكاترة وعليها لنا سنة ماحد دق علينا أذكر وحدة منهم قالتلي ترى حدها في التعليم 21سنه ما أدري شنو تقصد الله المستعان وهو خير الرازقين

​

 

[قفشه شكر]

الله يشاااااافيهاااااا ياااااارب ويمسح على قلبج بالصبر

 

[الصابرة المحتسبة]

رد : مناشدة لأختي الصابرة المحتسبة

هلا مشمشة


راجعيهم ولا تحاتين

وشوفي هالموضوع

- - && ماذا تعرفين عن الرعاية النهارية في الكويت&& (http://www.q8yat.net/showthread.php?t=608088)

 

[مشمشة برتقالية]

السلام عليكم أختي الصابرة جزاك الله خير على الرابط بس عندي سؤال أنا تابعة لمنطقة العاصمة وين تكون الرعاية النهارية وهل أقدر ألحين أروح أشوف المكان وسجل بنتي؟:aha::aha:​

 

[الصابرة المحتسبة]

رد : مناشدة لأختي الصابرة المحتسبة

تقدرين تشوفين المكان وتزورينهم

فرع حولي

- العنوان : حولي – شارع القاهرة – خلف كلية الدراسات التجارية بنين
- الهاتف : 2631277 الفاكس : 2616492