مناقشات <رشيقات العيد> ملاحظات ،، نفسيات ،، ربعن تعاونوا ماذلوا :)

[Aryam30]

فاطمه لما تنظمين اكلج بتشوفين شلون وزنج راح ينزل

 

[fatma A]

Aryam30

مع اني ما اتريق كلش اقعد على الظهر واكل توست جبن بسكوت جاي قهوه خضروات او فواكه

 

[fatma A]

قررت انشالله كل ما افكر اكل ارقص على الاقل شي احسن من شي

 

[كتكوته نورة]

صباااح الخير بنااات

شلونكم اليوم مع الدااايت ؟؟....

الحمدلله كل شئ أوكي :eh_s(15):

 

[fatma A]

كليت كورن فلكس رجيم بس زاد وزني ما ادري ليش

 

[Aryam30]

انا مو راضيه عن نفسي اليوم

 

[زعفرانة_73]

^^^
ليش اريام عسى ما شر؟؟​

 

[الوناسة]

أن اليوم زين بالنسبة للأكل بس الماي يمكن بس اقلاصين وماسويت رياضة كلش

 

[fatma A]

بنات في يوم يكون اوف شنو تاكلون وشنو الكميه

 

[ضــمــاد]

أريام .. ليش مو راضيه ؟


الوناسه .. أشوه الله يتمم عليج


فطومه .. بالنسبه لي .. الوجبه المفتوحه تكون غداي .. أكل اللي بخاطري

يعني ممكن اطلب بس احذف البطاط والبيبسي ..

أكل اي شي اشتهيه .. لكن الريوق والعشاء .. مايتغيرون مثل الايام اللي طافة


الخميس اللي طاف .. كانت الوجبه الـ free عالعشا .. لانه زوارتنا فقلت اخليها عشا بدال الغدا


ممم كليت ووحليت بعد لووول .. القصد لاتخلين اليوم كله اووف


يعني عندج ( ريوق / غدا / عشا ) اختاري وجبه وحده تكون فري


شخصيا ً أحب الريوق أو الغدا



الريوق أحيانا ً اشتهي اطلب من ماكدونالز أحب بيضهم وخبزهم

​

 

[زعفرانة_73]

صباح الخير بنات
بالنسبه لى ما اعتقد راح اسوى يوم مفتوح بالوقت الحالى لأن قاعده اتابع وزنى مو راضى ينزل مقهوره حدى:eh_s(2): ،مع انى شديده بالألتزام من ناحية الأكل​

 

[اثمان]

صباح الخير

اقروا هالخبر

بالصور.. «سبعينية» تتحدى فتيات الـ 20 بتسلق الحبل وتمارين الضغط والبطن!

 

[زعفرانة_73]

بنات شدو الهمه:n2006107: ما ظل الا جم يوم على قياس الوزن.​

 

[تمره بحلاوتها]

شلونكم ياحلوات

قررت اخلي وجباتي لمدة أسبوع بس سلطات

+ عصير أناناسkdd + شاي أخضر + ماي فقط

كل يومين بشتري ٦ علب من سلطات اللي بالجمعيات

وافضل سلطات امريكانا أو أي سلطة دايت

وان شاءالله يبين قبل رمضان

وبرمضان راح يكون أكلي كالأتي :

الفطور
حليب أو لبن
٥ تمرات
٣ لقيمات
شوربة عدس

الساعه ٩م
قهوه
استكانة مكسرات أو طبق حلو الكاسات

السحور
روب مع خيار
أو
كورن فليكس الرجيم مع حليب
*+
موزه
+
شاي أخضر

والمااااااااااي ماراح أنساه طبعاً

أدعولي
والله كريم ​

 

[فواصل]

صباح الفل و الياسمين


شخباركم

بقرا اللي فاتني وبرجع لكم

 

[عاشقة الككاو]

صباح الخير


بنات مشكورين ع النصايح الروعه

وبالاخص
ضماد:eh_s(7):
انتي فعلا ضماد وبلسم للجرح ،، كلامج خلاني اعيد تفكير وترتيب حياتي
وكل الي قلتية بتبعه وبمشي عليه
يعني مرات انا اشتهي ككاوة بي اخاف واتم ماسكة نفسي بس اذا احد غصبني او ما قدرت اقاوم تلاقيني اكل مع هالككاوة ككاوات وااااااااااااااااااايد ليش ؟؟؟

من باب اني خلاص خربتها وباجر ابلش صح
ف تفكيري اني بوقت الدايت ما اكل حلو كلش بس هالشي غلط لانه بيخليني اهجم


تبين اقولج شي بس ما تضحكين علي :eh_s(10):
مرة كنا يايبين ككاو وحلويات وااااااااااايد من دبي وحاطين بالصاله
المهم كان باقي 4 انواع ويخلصوون
وكنت مقررة اسوي دايت ف رحت حطيت الصينية بحضني ووحدة ورا ال2 لحد ما قضيت علية حتى ما تلذذت كلش جني حرامي

عاد لما خلصت قلت الحمدلله الحين اسوي دايت ع راحتي لاني خربتها عدل وخلصت كل الككاو ما عندي شي يغريني الحين :ggdw:


طاعي الغباء بس لا انا بسمع نصيحتج ومارح اقول عن نفسي جذي كنت مو مثقفة صحيا وولا اقرا عن الغذاء وايد

ف ان شاالله القادم احسن :yaaaaaarb:


مشكورة يا احلى ضماد عسى ربي يوفقج ويسعدج دنيا واخره

وكل البنات الي موجودين هني معانا



زعفرانه مشكورة ع الافادة

وشكلي بقصص السلري صغار واكلة مع السلطة



فديت رشيقات المستقبل والله




بقولكم شي ونسني ورفع شوي من معنوياتي ونفسيتي الي بالارض

امس امي واختي زاروني بليل
واول ما شافتني اختي قالتلي وااااااااااااااو ضعفانه ومبين عليج ..
وهالكلام صج لانها فوق الاسبوع مو شايفتني
عاد استانست وحضنتها وقمت انطنط فقلت بلغي الخربطة الي طافت وبكمل ومو عشان خربطة بلغي كل شي لا اكمل واعتبرة وجبة فري

ومستمرون بعون الله ورعايته

 

[ضــمــاد]

مذكرات ياسمينه . بنات أنصحكم انصحكم تشوفون هالرابط


يفيدكم بعدت نواحي سواء كنتي بنت او متزوجه


http://www.q8yat.com/t1075872.html#post31046199



,,,,




عشوووقه بعد قلبي .. عسى الله يوفقج ويارب ما أيي العيد الا وانتي رشيقه



موفقه يالغاليه

 

[فواصل]

بخصوص اللي خبصو خبطوا مرة في اليوم وعقب عوضوه بالرياضة اقلها المشي

ضماد

جاري قراءة المذكرات

وبخصوص اليوم المفتوح

امممم على حسب بس انا اكثر شيء وقت العشا

بس احاول ما اكثر

 

[Aryam30]

^^^


ليش اريام عسى ما شر؟؟​

أمس رحت عند أمي عالعصر حطت الجاي شربت وكليت معاه بسكوت دايجستف ثنتين تالي اكلت معمول بالتمر بس وحده بعدين أختي طبت علينا ومعاها فطاير وكيك عاد ماجستهم لي 8 بالليل وكليت فطيره زعتر وثنتين جبن بس فطاير التقديم لصغار يعني بعد الغدا خربطت والا ريوقي وغداي ماشيه صح عاد الله كريم ما يأثر على وزني بروحي مانزلت شي السبت اللي طاف بس 200 جرام

 

[fatma A]

ضماد بصراحه القصه الي كتبتيها تشجع خلتني افكر الف مره توني متريقه فطاير وحسيت اني انتفخت بس خلاص الغدا والعشا مراح اكل

شي بس راح اشرب قهوه ابي اصير رشيقه حق العيد مو بس حق العيد ابي اظل رشيقه طول العمر