مناقشات <رشيقات العيد> ملاحظات ،، نفسيات ،، ربعن تعاونوا ماذلوا :)

[Aryam30]

ضماد ماشالله عليج اسلوبج عسل ونصايحج حيييل تعطي دافع وحماس الله يعطيج العافيه حبيبتي

يالله بنات شدو الهمه مابقا شي عالسبت اليوم الخميس باقي بس اليمعه عاد لازم نصك حلوجنا ونلتزم علشان لما نوقف عالميزان نشوف رقم يفرح

 

[ضــمــاد]

نعمه 200 غرام .. احسن من ولا شي *.^



ان شاء الله يارب تكونين نازله يوم الميزان

 

[ضــمــاد]

فطومه - ريومه


تسلمون يالغاليات .. وان شاء الله كلنا نوصل للوزن المثالي واحنا بصحه وعافيه

 

[زعفرانة_73]

أمس رحت عند أمي عالعصر حطت الجاي شربت وكليت معاه بسكوت دايجستف ثنتين تالي اكلت معمول بالتمر بس وحده بعدين أختي طبت علينا ومعاها فطاير وكيك عاد ماجستهم لي 8 بالليل وكليت فطيره زعتر وثنتين جبن بس فطاير التقديم لصغار يعني بعد الغدا خربطت والا ريوقي وغداي ماشيه صح عاد الله كريم ما يأثر على وزني بروحي مانزلت شي السبت اللي طاف بس 200 جرام

حياتى دامج عارفه الخطأ اللى سويتيه حاولى تحرقين السعرات اللى اكتسبتيهم بدون وعى منج بالمشى أو اى رياضه تقدرين.
والله كريم.
بنات اقطعوا الفطاير والعيش كثرما تقدرون:eh_s(13):​

 

[زعفرانة_73]

ضماد الله يحفظج قريت القصه أحداثها حلوه
بس فى شى ضحكنى أن الرشيقه يوم ارقصت على أغنية ( اركب الحنطور)​

 

[Aryam30]

مقاطعه العيش ومحاربته بس اهو موراضي يقاطعني .... يلاحقني وين ما اروح اقول له ياولد الحلال اللي بينا انتهى يقول لا الا تجابليني

 

[كويتيه سبيشل]

مقاطعه العيش ومحاربته بس اهو موراضي يقاطعني .... يلاحقني وين ما اروح اقول له ياولد الحلال اللي بينا انتهى يقول لا الا تجابليني

ههههههههههه

انا بس اذا سويت دااايت
يسوون لج ذااك الغدا
اللي يجبرج تاااكلينه

وابوي الله يعطيه العافيه
ييب الحلويات والبرد

بس ترى صدفه
بس اقاااومهم الحمدالله ....

واذا سويت وجبه مفتوحه مااا القى شي من هذيل :eh_s(2):..

 

[كويتيه سبيشل]

بناات شوفو لقيت هالموضوع بالمنتدى وااايد
حلووو

تحسبين كم كوب ماااي لازم تشربينه باليوم

وهاااذي الطريقه


أولا عليك ان تحولي وزنك بالكيلو الى باوند : كل كيلو = 2.205 باوند

ثم تضربي الحاصل (الوزن بالباوند ) في 0.08 و هكذا يطلع عندك عدد الأكواب المفروض

شربها يوميا بالنسبة لوزنك

مثال : فرضا وزنك بالكيلو هو 70 كيلو

تحويل الوزن الى باوند : 70 كيلو في 2.205 = 154.35 باوند

154.35 في 0.08 = 12.35 = عدد الأكواب المفروض شربها يوميا

 

[fatma A]

اليوم كان يوم مفتوح قلت ما يصير التزم واسوي رجيم واخر شي اخربها كليت فطاير وانشالله بشرب عشرج

 

[Aryam30]

صاجه كويتيه وقت الرجيم كل شي تحبينه تلقينه مرتز جدامج
12 كوب باليوم لازم تشربينهم ! جنه وايد ... انا ان كملت 5 باليوم زين

 

[كويتيه سبيشل]

اريام

هذيل يمكن العدد اللازم عشاان تنزلين وزنج
انا طلع لي 13 كوب
وانتي ابدي بالتدريج مو فجأه 12 كوب ماااي

 

[كويتيه سبيشل]

اليوم كان يوم مفتوح قلت ما يصير التزم واسوي رجيم واخر شي اخربها كليت فطاير وانشالله بشرب عشرج

بالعافيه حبيبتي :eh_s(22):

حبيبتي شنو العشرج وشنو فاايدته؟؟...

 

[الوناسة]

^^^
مشكورة على معلومة انا تقريبا أشرب من 5-6 اقلاصات يعني لازم انضاعف الكميه

عاد أنا أمس يمكن شربت 3 اقلاصات ماي بس

 

[Aryam30]

سالفة شرب الماي صعبه مومتعوده عليها بالايام العاديه ماكنت اشرب ماي كلش بس الحين صج اني ما اكمل 8 قلاصات باليوم بس عالاقل بديت احس ان في شي غلط اذا ماشربت ماي وبطلي طول الوقت بيدي ادردع منه

 

[كتكوته نورة]

شلووونكم بنات مع الرجيم ؟!؟!؟

 

[كويتيه سبيشل]

شلووونكم بنات مع الرجيم ؟!؟!؟

الحمدالله حبيبتي زين :eh_s(15):......

 

[Miss_Qtr]

’
بنـآت آلكـأبتشينو يآثر ولا لا ؟

 

[أحلى عيون]

السلام عليكم جميعااا


الحمدلله اليوم رجعنا لبيتنا كنا ماجرين شاليه وناسه وفيه نوع من التخبيص



وبكراا باذن لله صايمه ويكون يومي كله تفاحه لانه بعد كل ميزان يكون نوع واحد من الفواكهه ودكتورتي فضلت التفاح حتي ينقي الجسم من السموم


عسي ربي يعينا يارب

 

[أحلى عيون]

’
بنـآت آلكـأبتشينو يآثر ولا لا ؟

اختي الافضل مره بالاسبوع لانه فيه نسبه من الكريمه ويزيد من ضربات القلب اذا استعملتيه وايد

 

[Mademoiselle A]

’
بنـآت آلكـأبتشينو يآثر ولا لا ؟

حسب الماركة اللي تستخدمينها
جربي تروبيكانا فيه بس 50 كالوري
ما يأثر بس معروف كثرة القهوة أو الكافيين بشكل عام مو زينة
كوب باليوم ما يأثر إن شاء الله