مناقشات <رشيقات العيد> ملاحظات ،، نفسيات ،، ربعن تعاونوا ماذلوا :)

[fatma A]

كويتيه حبيبتي سلامات ما تشوفين شر انشالله اخذي راحه بس لا تاكلين وايد ما بقى تقريبا الا اسبوعين مشالله على العيد

 

[لصبري نهاية]

فاطمة :
تركي عنج رجيم العصير و غيره
معظم هالرجيمات اللي تعتمد على نوع واحد من الغذاء تكون مو صحية
و ان كانت صحية فانها تكون صعبة
و في نص الرجيم راح تتعبين و تغيرينه
و بتردين اللي خسرتيه اضعاف
ابدي لج برجيم صحي و فيه اكل و يشبع
في النهاية الرجيم مو بس فترة و بتعدي
الرجيم اسلوب للحياة و طريقة عيش
حتى لو ضعفتي و وصلتي للوزن اللي تبينه
و رجعتي تاكلين .. كانج ما سويتي شي
لازم الرجيم ياثر على عاداتج الغذائية
و يعدلها ما يكون مسالة وقت ..

 

[كويتية بروما]

بنات اشلووونكم

يتني الدوره موققتتها مع كويتيه سبيشل هههه

 

[زعفرانة_73]

كويتيه سبيشل
كويتيه بروما
الله يعينكم بس ديروا بالكم عن التخربط​

 

[لصبري نهاية]

مثل ما قلت اني خربطت ام الدنيا من بداية الاسبوع
فمن امس قررت اني ابدا رجيم يديد و اضبط عمري اكثر
و اخترت رجيم بيفرلي هيلز
و عجبني و حتى لو ما استمريت عليه فيه قواعد مهمة
فطوري كان : اناناس ما كلت وايد تقريبا ربع و شبعت
سحوري : ذرة و سلطة خضرة بدون ملح


نفـسي مسدوودة
ما سويت رياضة لاني تعبانة

 

[fatma A]

اكل الخليج صج ينن وحلو بس لو نخفف الدهن الي نصبه بالاكل نضعف اكلنا متروس دهن وما نخلي شي ما نحطه بالاكل وغير هذا الحلويات ولمه نخلص بلعه ننسدح عند التلفزيون او انام عند اقرب غنفه الاجانب صج في منهم امتان بس على اكلهم بصراحه صحي اكثر منه وغيرهذا يمشون مو احنا معتمدين على السيارات وبس لو نبع ونمشى والله نضعف

 

[الحكايه اشتقتلك]

عادي اشترك معاكم

 

[كويتيه سبيشل]

كويتيه بروما ههههههههههههههه


زعفروووووووووونه تسلمبن حبيبتي
ان شاء الله

 

[تووته البسكوته]

هاي ياحلوات يارشيقات
امس كان عندنا غبقه وييت بلبس دراعه حسيته تلوع الجبد علي متنتني حييييييييل وضاق خلقي واضطريت اغير لبسي \
قلت لي متي انا جذي ...بس قلت لازم احاوووووووول
بنات انا منزله هذا البرنامج حلوو ..شنو فيه رياضات بعد عطوني اسمائهم خل نزلهم

 

[Aryam30]

صباح الخير شلونكم بنات شوفوا هالنظام اكله معقول ومافي حرمان اللي موقادره تمسك نفسها نفس حلاتي تمشي عليه يتراولي لما نعرف شنو اللي بناكله ونفصل وجباتنا عن الكل بنكتفي بصحنا ونقوم والا شرايكم على الاقل بنكون عرفنا شكثر اكلنا وشنو حطينا ببطونا

http://www.q8yat.com/t212995.html

هذا واحد ثاني

http://www.q8yat.com/t12962.html

ثاني واحد بحط لكم تعليقات جم وحده شاركوا بالموضوع مشاركاتهم تحمس وايد



كويتيات رد: رجيم دكتور طالب الشمري لرمضان

كوين عشرين وايد ادري فيج حانه على الدكتور لين خلاهم عشرين خليج على العشر واذا بتغيرين خلي بدال كل وحده كبله ولا سمبوسه انا سويت تقريبا جذي ويا خضر ونزلت بسبوعين سته كيلو بس الحين طارو بالهوى يامن يردهم. ( منقول )

تسلمين اختي اتصدقون بنات من 3 سنوات واهوا نفس رجيمه ما تغير انه كنت امشي عليه صج نزلت 8 بالشهر رمضان اللي طاف بس كان معطيني مع الفطور لبن الوفره (منقول )


انا اذكر يوم اني رحتله برمضان عطاني نفس الرجيم تقريبا بس انا قلت له اني مابي عيش عالفطور قالي اخذي 5 حبات مقالي مثل كبه سمبوسه سبرنغ رول
وسلطه بأي كميه وأي نوع ومشاوي اذا تحبين

والسحور نفس اللي قلتيه والحلو بعد
وكنت مرات اخربط ونزلت 3كيلو باسبوعين
بدون رياضه وللعلم انا نزولي بطيء
وانشالله بمشي عليه برمضان ( منقول )

يالله ماعندكم عذر الحين اهووووو

 

[Aryam30]

هذا بعد حليو

http://www.q8yat.com/t13864.html

 

[قطوووة]

السلام عليكم
شلونكم بنات مشتاقتلكم حيل
اسفة عالانقطاع لظروف قاهره
لعل أبرزها .. وفاة والدتي ،، والحمدالله ع كل حال ،،
بحاول اكون معاكم الأيام الجاية وبقوة ان شاء الله ،،

بس راح اخذ فكرة عن اخر التحديثات معاكم .. من زمان عنكم

وحشتوني

 

[fatma A]

اهلين قطوه الحمدالله على السلامه
وعظم الله اجرج

 

[Aryam30]

هلا وغلا قطوه تو مانور موضوعج حبيبتي وعظم الله اجرج وربي يجعلها اخر الاحزان ان شالله

 

[كويتية بروما]

هلا قطوووه

بعد عمري ولهنا عليج وايد

وعظم الله اجرج


ناطرين تفاعلج لاهانو البنات بس بدونج مايسوى انتي غييييير

 

[كويتية بروما]

بنات المفروض ننزل اليوم الكويت ومسؤول ريلي ما رضى اجل اجازه زوجي للجمعه 3 -8

انقهرررررررررررررت وبجيت وااااايد واكلت وااااااااايد من الحره والنفسيه والدوره لاعبه بمشاعري
لاني كنت برد اسوي قرقعان لعزوز اهلي ماجلين حفلتهم للجمعه ناطرينا نرد

واشوه اجل سفرتنا الطياره تاخرت بباريس 4 ساعات فيها عطل
ولما اوصلت روما طارت وردت نزلت فيها عطل طبعا طيران الكويتيه الله يستر بس
عاد مادري بتطير ولا لا
الاخبار عندي لان زوجي يداوم بالمطار هني

اووووف الحمدلله صج كل تاخيره فيها خيره

 

[قطوووة]

تسلمون حبيباتي والله ولهت عليكم حيل

 

[كويتيه سبيشل]

حبيبتي قطووه عظم الله اجررج

والله حتى احنا ولهنا عليج قلبي

ومشتاااقين لج واااايد.....​

 

[MISS_RIOOM]

قطوة عظم الله اجرج

 

[زعفرانة_73]

قطوه حبيباتي الله يمسح على قلبج وأنا مريت بحالة وفاة الوالده الله يرحمها العام
الله يرحم امواتنا وأموات المسلمين.​