مناقشات <رشيقات العيد> ملاحظات ،، نفسيات ،، ربعن تعاونوا ماذلوا :)

[عاشقة الككاو]

لازم انشد حيلنا بنات
ادري المغريات وااااااااااااااااااااااااااااااايد
والاطباق والاصنااااااااااااف وااااااااااايد وكلها مغريه
بس لازم نتعلم انذوق لقمة لقمتين مو نفس قبل تحطين لج بصحن عملاق !

لازم انحسن عاداتنا الغذائية ونسوي كنترول ع روحنا

 

[Aryam30]

انا امس هفتني نفسي على بيتزا وكلش خلاص بطلب لي جان اقص على عمري قلت خل اكل لي توسته وجبنه واذا ماااااااااشبعت بطلب البيتزا وجان اقص على عمري واكل عشاي والحمد الله شبعت وشلت البيتزا من بالي :d

 

[الوناسة]

هذا الفيديو امس شفته وحسيت إن مفيد
عن السعرات الحرارية السالبة بس سمعوا النصايح وحق منو يكون له زين او موزين

ولا تعتمدون عليها طول اليوم
‫تخفيف الوزن بطريقة السعرات الحرارية السالبة.mp4‬‎ - YouTube

‫التخسيس بطريقة السعرات السالبة الجزء الثاني.mp4‬‎ - YouTube

 

[تووته البسكوته]

وااي يابنات ياحلووووكم
كفوووو انا صايره اقاوم الككاو واسوي روحي ماشووفه واذا حسيت اني باكل شسوووي؟؟؟؟اقووم واحلف لووووول
اقول والله العظيم ماراح اكل ككاو وطبعا ما اتجرا واكل لوووول احس هالطريقه الوحيده اللى تنفع معاي ههههه والله كريييم ...
ومرات اذا حسيت اني ابي شي حلوو اكل تووت احمر صاير احبه بشكل مو طبيعي واقول ع الاقل اهي فاكهه استفيد منها

 

[حرمه المصون]

انا امس الحمدالله ماخربت
كلت الغدا روبيان بدون عيشً
والعشا ستيك وسلطه

 

[عطـــر%]

الله يعيــــــن ويصبرنا...

في وحده تسمحلي ناسيه إسمها كانت حاطه رابط يتكلم إن كيف نقاوم

بس عجبني كلام حسيته كانه يتكلم عني​

:080402ask_prv:

يقول:

عندما يتناول البدين طعامه ..
فانه لا يحس اصلا بما يأكل ...
هو فقط يلتهمه التهاما ...
يبتلعه ابتلاعا ...
يتسابق مع اللا شيء من اجل القضاء على الوجبه ....
فيتناول الاكل بدون مضغ ..
بدون تذوق..
بدون ان ينصت الى صوت ​

بطنه الذي يقول له "كفى" .....
ثم يفيق من غيبوبته على ما صنعت يداه ...
ويداهمه احساس مرير بالذنب والفشل:eh_s(11): ...
ويسأل نفسه ...
الى متى وانا على هذا الحال ...؟
الى متى وانا في ازدياد ..؟
الى متى وكل شيء خارج عن السيطره؟؟؟​

 

[أإأم روويم]

مرحبا بنات

شخباااااركم

انا امس وقبله قمت اخربط

وايد وماقدرت اضبط عمري :eh_s(2):

بس اليوم احسن من امس رديت على الرجيم

وبليل بمشي ساعة ان شاء الله :eh_s(8):

 

[أإأم روويم]

بنات شرايكم بجهاز الاوربت راك

في احد مجربه ياليت تفيدوني

لاني ناوية اشتريه برمضان

 

[زعفرانة_73]

تبارك الرحمن خوش معلومات ضماد مشكوره قلبي
أنا ماشاء الله ملتزمه الحمدلله ، بنات لا تخربون على رووحكم مسكوا نفسكم شوى:eh_s(4):​

 

[مـريومه]

ضماد عساج ع القوه كلامج صحيح 100%

انا قبل لما ازعل على طول اكل حتى لو شبعانه وماكو مكان

بس الحين قمت اتحكم بروحي

واذا زعلت او تضايقت انزل العب ع القاري

ان شاءالله كل البنات يغيرون هالعاده الخاطئه



اليوم انا صايمه الحمدلله :$

 

[كويتيه سبيشل]

صباااح العسل بنااات

انا اليوم الحمدالله احس فيني حماااس
ومستااانسه

ضماااد حبيبتي يعطيج العافيه ع التشجيع حبووووبه
قوووواج الله


وترى والله صح كلام ضماااد
اصلا كله كم يوم وتلاقين نفسج برمضان
وما يمدي الا دخلنا العيد
لازم تطلعين بلوك يديد
يصدم الناس ،،،


موفقين اخوااااتي

 

[كتكوته نورة]

بنات اللي ما تتلزم وتخربط راح نلغيها

هاذي القوانين


بليز التزمووووووووا وموعد الميزان الياي 14-7

 

[Aryam30]

بنات عندي لكم اعتراف بعد الغدا كليت كاكاو تويكس :eh_s(2): وبعدها اكلت بطاط شبس :eh_s(11):

 

[Aryam30]

كويتيه سبيشل ممكن اعرف رجيمج شنو لان طالب الشمري يعطي كاكاو كوجبه سناك

 

[كويتيه سبيشل]

هلا حبيبتي ارياام

لا انا مو معطيني كاكاو
يمكن لازم انتي تقولين له
وانا مو وااايد مع الكاكاو
بس اهوا اي صح يعطي
مره سمعت وحده تقول
يعطيها كاكاو الصغير

موفقه...

 

[ضــمــاد]

العفــو و و و ي بنــات



اللي تخربط بوجبه او سناك .. لاتيأس .. لا تتضايق


وماعليه .. خربطتوا بوجبه .. عليكم بالعافيــه ..

امشوا او سوو رياضه عشان تحرقون .. او ..

او لاتتعشون الليله او تعشوا شي خفيف

ع الاقل خربطتوا بوجبه .. ما خربطتوا باليوم كله !

اهم شي لا تيأسوون وأستمروا على النظام الصحي ​

 

[fatma A]

بصراحه كلامكم يشجع انشالله الكل يضعف حق العيد

 

[fatma A]

ضماد بعد قلبي انشالله بجرب طريقتج شجعتيني وانشالله الكل ينزل هالاسبوع

 

[بنوتة الامورة]

العفــو و و و ي بنــات ​

اللي تخربط بوجبه او سناك .. لاتيأس .. لا تتضايق ​

وماعليه .. خربطتوا بوجبه .. عليكم بالعافيــه .. ​

امشوا او سوو رياضه عشان تحرقون .. او .. ​

او لاتتعشون الليله او تعشوا شي خفيف ​

ع الاقل خربطتوا بوجبه .. ما خربطتوا باليوم كله !​

اهم شي لا تيأسوون وأستمروا على النظام الصحي ​

اي اناا جذي اذا خربطت بشي ع طول ااركض او امشي او ارقص :d

 

[بنوتة الامورة]

بنــات عندي معلومه ان شاء الله تعجبكم ​

عندما تأكلين لوحا ً من الشوكولاته المعدله بالسكر والدهون والزيوت فأنها تزيد الوزن​

لكــن ​

الكاكاو الخام وحدها هي افضل طريقة لتنحيف , و شراب الكاكاو الخالي من الدهون ​

ممتاز للمرأه التي تعاني من الهجر العاطفي و اضطرابات ماقبل الدوره الشهريه , هذا ​

فضلا ً عن انه يرفع المعنويات ويعدل المزاج والأهم انه يخفف الوزن ​

شرايكم

​

الحمدالله ياارب الحمدالله ان اناا ماحب الككاو كلشششش ولا اي شي في سكــر تلوع جبدي الله يزيد النعمه