مناقشات <رشيقات العيد> ملاحظات ،، نفسيات ،، ربعن تعاونوا ماذلوا :)

[fatma A]

اكتشفت لو جسمج حلو وتلبسين رخيص بيطلع عليج بيرفكت لو جسمج درام وتلبسين غالي بيطلع يلوع الجبد

 

[fatma A]

مريوم ما قمت اطلع من محل القياس امي تقول لي اخذي مقاس 12 وانا اقول لها لا ابي 10 تقول لي اخذي 12 الانه 10 يبن جسمج اقول لها انزين وانا اشتري مقاس 10 ونحاسبه واذا وصلنا البيت القى امي معصبه علي

 

[مـريومه]

كويتيه بعد عمرري واحنا بعد استانسنا معاج

تمسييين على خير ونوم العوافي ياررب

 

[fatma A]

كويتيه سبيشل

نوم العوافي وتصبحين على خير

 

[مـريومه]

لووووووووول فطووومه حداا وناااسه

ان شاءالله يارررررب نضعف

حدي حدي ابييي اضعف

 

[fatma A]

بارادتج تقدين تضعفين اول يعيبون علي يقولون لي يالبطه يالدرام يالفقمه شمتنج للحين ينادوني حتى يوم ضعفت المهم اني اثبت لهم اني اقدر اضعف ولو تخربطين يوم عادي الانه يوم الثاني خفيفي اكلج او شربي طول اليوم قهوه

 

[مـريومه]

اخييييه بس من هالمسميات

اكرهااااا



ان شاءالله يارررب نقدر نسوي اللي نبيه

 

[fatma A]

ماعليج صدقيني اذا فيج لو ذره وحده من الاراده بتقدرين الحين قاعده اجرب البس شورت حراري والعب رياضه

 

[fatma A]

مريومه
انا لازم اخليج الحين تصبحين على خير

 

[مـريومه]

حبيبتي وانته من اهله

نوم العوافي يارب

نشوفكم على خير يارب

 

[تووته البسكوته]

صبااح الخيييير
بنات ليش تسولفون نص الليل لوووول ابي اقرق معاكم
واااي فطووم لمن قريت كلامج حسيت ان في امل وعيوني دمعت كل يتطنزون علي ويقولون لي يابقره


بس انا مره سمعت من الدكتور عبدالله المطوع اتوقع او دكتور تغذيه ثاني ان العلج يمتن ..ليييش؟؟؟؟
لان يقولوون لمن تبدين تتعلجين المعده حسبالها انج بتاكلين فتبدي تفرز العصاره اللي تساعد ع الهضم بس انتي تكونين غشيتي المعده فمع الوقت المعده تقوم ماتفرز هالسائل بسرعه وهالشي مووو زين

مادري هذا اللي اعرفه واللي عندها معلوومه تضيفها


احبكم يا احلى رشيقااااات

 

[فواصل]

صباح الخير

فاطمة

الله يعطيج العافية وقصتج خلتني انتبه لعمري و عطتني دافع علشان اضعف

وان شاء الله تضعفين بالصحة و العافية

و الوية لازم يضعف في بداية الرجيم واذكر الاخصائية قالت لي اكلي فواكة و خضار وكثري منها علشان ما يضعف الوية

ضماد

صاجة كلمتها عطتني الرجيم

وامس رحت حق الاخصائية عطتني رجيم وارشادات

لما ارجع البيت بكتبه لكم

.............

و الباقي كيفكن

 

[اثمان]

صباح الخير


شلونكم

باركوا لي امس وصل جهاز المشى

 

[اثمان]

.. من روزنامة.. العجيري»:
.. ما وهب الله لامرئ… هبة..
أفضل من عقله ومن.. أدبه..
.. هما حياة الفتى فإن.. فقدا..
فإن فقد الحياه أليق .. به..
٭٭٭
.. ومن روزنامة «العجيري».. ايضا:
.. ان بعض القول.. فن، فاجعل الإصغاء فنا!
.. اللسان الطويل دلالة على اليد.. القصيرة!
٭٭٭


(خذيتهم من مقاله لفؤاد الهاشم....من جريدة الوطن)

 

[اثمان]

قـــــــــــــــــــــــــــــــــوه ​

شلونكم بنات عساكم بخيــــــــــــر​

مبارك عليكم الشهر مقدما ً .. ​

عندي لكم خبر حلوووو ​

في دكتور/هـ أو اخصائي/هـ تغذيه على تويتر ​

هذا حسابه/ــــــا .. bettermom7@​

ترسلون لها الطول والوزن والعمر واذا مافيكم امراض بسم الله عليكم ​

وترسل لكم نظام غذائي لشهر الفضيل والنظام ينزل 5-8 كيلو كله ترسله عالخاص​

النظام اللي عطتني اياه : ​

الافطار : 3تمرات + كوب عصير + كوب شوربه + كوب عيش او باستا او هريس او تشريب ​

+ لحوم اي نوع بحجم راحت اليد + سلطه ​

الساعه 10 : كوب محلبيه أو أي نوع حلو أو 4 لقيمات أو 1 قطايف أو فاكهه​

السحور : كوب روب او حليب + نص خبزه + بيضتين او جبنتين او كبابتين أو كوب بقول + فاكهه​

الكوب خلوه مقياس واحد كوب الروب والمشي ساعه او 45 دقيقه​

علينا وعليج يتبارك الشهر حبيبتي

ومشكوره على الرجيم:eh_s(7):

 

[اثمان]

 

[عاشقة الككاو]

هلا والله
علينا وعليكم يارب
ربي يقوينا ع صيامة وقيامة



عساكم من عوادة ومبارك عليكم الشهر



انا بشد حيلي بصلاة التروايح واااااايد اتذكر لما كنت ارد من المسيد ارد خفييييييييييفة جني مو ماكله شي وعاد ارد اطقطق ع كيفي بس هالمرة رجيم يعني خربطة خفيفه وصحية



وايد استمتعت وانا اقرا الصفحات الي ورا

يارب نستمر جذي لبعد العيد ونبارك لبعض الرشاقه يارب


وما نفترق وانتم ع طوول خوات وحبايب

دشيت موضوع قطوة ودعيت لها ،، كسرت خاطري













اريام
خف الحماس لانه الكل قالي شكلج خااق وايد وصرتي احلى وانا ما انعطي ويه
بس برد ع النظام القديم ان شاءالله

 

[فواصل]

عاشقة

وانا بعد قريت موضوع قطوة

الله يقوم امها بالسلامة


وصاجة من يقولون لي ضعفتي وانا شهيتي تتفتح خخخخخخخخخخخخخخ

خلاص ماباقي شيء على رمضان و العيد

اثمان

علينا و عليج

وعليج بالعافية على الجهاز

بس المهم تستمرين عليه

 

[الوناسة]

الله يوفقنا

 

[زعفرانة_73]

السلام عليكم بنات
===
رشيقات الميزان قرب الله يستر:yaaaaaarb:​