مناقشات <رشيقات العيد> ملاحظات ،، نفسيات ،، ربعن تعاونوا ماذلوا :)

[fatma A]

اول شي ركضت على الدري قبل الفطور 10 مرات وبعدين مشيت على الممشى نص ساعه قبل الفطور وتفطرت شوربه وخضار مشويه الحمدالله بس ما ادري ليش احس نفسي ثقيله جني ماكله اكل دسم شكلي بعد جم ساعه او على الساعه 10 امشي شوي احرك الي كليته

 

[Mademoiselle A]

عظم الله اجرج قطوة والله يصبرج ويعينج ويرحم امهاتنا ويسكنهم فسيح جناته ادعيلها والله يجمعج معاها بالفردوس الاعلى

 

[زعفرانة_73]

السلام عليكم وردات
اليوم عقب الفطور رحنا زواره وحاطين حلويات وقهوه وجاى لومى بس بعد جريمة الفطور اللى ارتكبتها مالى وجهه آكل عندهم وكلما قالو لى قلتهم شبعانه بس صبولى جاى لومى من غير شكر،
يعنى معاقبه روحى:eh_s(14):​

 

[كويتيه سبيشل]

مسااا الخير بناات

البنات اللي كااانوا بفريق اختي قطوه
يرسلون لي اوزااانهم باااجر

 

[زعفرانة_73]

وعليكم السلام
===
كويتيه سبيشل حياتي ما فى أخبار عن كتكوته نوره تراها ماحطت الأوزان الأسبوع اللى فات​

 

[كويتيه سبيشل]

والله مااادري عنها

بنات ارسلو لي اوزاانكم اذا كانت مشرفتكم مو موجوده

 

[زعفرانة_73]

وينكم بنات ليش الموضوع نايم اليوم:eh_s(1):​

 

[fatma A]

اهلين زعفرانه شلون كان فطورج

 

[زعفرانة_73]

هلا فطوم لا تذكرينى
الله يسلمج أكلت قطعتين ربيان بالبقسماط وشوربه وسلطه و3 حبات تمر وعصير ورد وفيمتو
وحبة بف باسترى باللحم المفروم كل ما اتذكر يضيق خلقى:eh_s(16):
واللحين عقاب ماكو سحور غير الماى ​

 

[fatma A]

هههههههههههههههههه بالعافيه عيل لا تتسحرين اكلي لج روب حق السحور عيل شتقولين عني انا شاربه شوربه وخضار مشويه واحس اني متفوخه جني ماكله الاكل كله وغير هذا مشيت نص ساعه قبل الفطور وركضت على الدري

 

[زعفرانة_73]

عفيه عليج فطوم ما شاء الله
الله وكيلج غير الماى ماراح اشرب عشان أأدب هالنفس
تونى تبلت نص صدر دجاج حق باجر عشان مايكون لى حجه:eh_s(15):
انزين فطوم بشنو تبلت الخضروات المشويه؟
باجر الميزان:ggdw:​

 

[fatma A]

انا عن نفسي اتبلها بكمون شويه وفلفل اسود وملح علشان الطعم اتقبله بس عادي ترا التوابل ما اعتقد اتضر

 

[fatma A]

وقمت اشرب اعشاب ضماد الي قالتها الله يجزيها خير انشالله اهي الزنجبيل والمراميه وانا زدت عليهم الشاي الاخضر بالنعناع وقمت اشربهم الحين حتى واذا تبين شي حق الامساك شربي (عشرج ) زين حق الامساك

 

[فواصل]

صباح الخير

شخباركم

مبارك عليكم الشهر

كنت داخلة الموضوع فرحانة بس تضايقت لما سمعت الخبر بوفاة ام قطوة

ان لله وان اليه راجعون

 

[فواصل]

اليوم حسيت اني خربطت في اول يوم

=مادري شفيني الاسبوع اللي طاف عفست الدنيا

بس خلاص ستوب برجع مثل قبل و احسن

لا للخربطة بعد اليوم

 

[زعفرانة_73]

فطوم حلو طريقتج بس يقولون الملح ما يخلى الوزن ينزل بسرعه
فواصل علينا وعليج حبيبتي
اى والله انا تضايقت الله يصبرهم على فراقها ويرحمها​

 

[fatma A]

فواصل
اذا حسيتي انج خربطتي على الفطور لا تتسحرين نامي خفيفه

 

[fatma A]

زعفرانه صح كلامج بس مو تكثرين الملح يعني شويه ملح علشان الطعم مو حلو الاكل يكون ماصخ

 

[فواصل]

مثل ما وعدتكم رجيم الاخصائية اللي اروح لها للشهر الفضيل

بكتب لكم الرجيم وفي الرد الجاي بكتب لكم الارشادات

الفطور :
1-3 تمرات +نص كوب لبن او حليب قليل الدسم +3 ارباع كوب شوربة بدون كريمة
أو
1-3 تمرات + نص كوب عصير غير محلى + 3 ارباع شوربة بدون كريمة

الانتظار 10 دقايق (نستغلها للصلاة )

المقبلات : يتم تجنب المقالي مثل السمبوسة و الفطاير ويمكن تناولها مشوية بالفرن (مرة او مرتين في الاسبوع)

الوجبة الرئيسية : سلطة خضار (خيار -طماط -خس )+ثلثين كوب الى كوب عيش او باستا او 1خبز لبناني اسمر او 1 بطاطس او محشي + نص الى كوب خضار مطبوخة +دجاج او لحم او سمك ( تختلف الكميات باختلاف احتياجات الاشخاص )

وجبة خفيفة (بعد صلاة التراويح): حبة فاكهة متوسطة + كوب روب قليل الدسم

او

حبتين فاكهة متوسطو

او

كوب سلطة فواكة

ملاحظة : الفاكهة المسموحة هي ( تفاحة - كمثرى - شريحة بطيخ - 2 سنطرة _ 6 حبات فراولة - 2 شمام )

مرة الاسبوع يمكن تناول :
حبتين قطايف مشوية

حبة قطايف مقلية

قطعة صغيرة من الحلويات المفضلة

قطعة شوكليت بحجم 25 جرام

في حالة الجوع يمكن تناول سندويش خفيف (2 توست اسمر و 2 م لبنة دايت او شريحة جنة دايت او شريحة تركي او تونة او شرايح خضار)

السحور

1- شريحتين خبز او صمون او رغيف لبناني اسمر -نخالة او 2 شابورة بالحبوب الكاملة + 2 م لبنة دايت او شريحة جبنة دايت

2- كوب ونص كورن فليكس بالحبوب الكاملة + كوب حليب قليل الدسم

3- 7 تمرات +كوب روب او حليب قليل الدسم

4- 2 توست اسمر + 4 م فول + شرايح خيار او طماطم

5- 2 توست اسمر + بيضة مسلوقة + شرايح خيار او طماطم

6- 4 ملاعق طعام جبنة قريش + شريحتين بطيخ

 

[فواصل]

فاطمة

المشكلة لو ما تسحرت احس بتعب وصداع لما اكون صايمة

خلاص قلت علشان اول يوم

و من بكرة ببتدي بالجد