مناقشات وسوالف بنات نادي الكتاب

[أنثى اليمامة]

خلصت من مجموعه قصصية " الحزن يميل للممازحة" .. اصابتني بخيبة كبرى .. !

اوووف العرب مصرين على الفشل بكل قوة ..

 

[كراميلا مرة]

السلام:
لاعت جبدي بعد ما كتبت تعليقي طار كله باعيد بس مش باسهاب مثل مساعة ..
اختي انا لو لاحظتي قلت لم اقرأ الشقيقتان بس هي عندي لاني احب كتابات دانيل ستيل وعندي كل كتبها المترجمة ..
انا اتكلم عن 3 روايات قراءتها لها وتعيد فيها وتزيد بالفكرة مثل بالقبلة وهي قصة حلوة تتكلم عن ابنها وزوجها ثم يتكلم البطل بنفس الكلام ثم تفكر البطله بنفس الفكرة وهكذا ونفس الكلام ينطبق على كافئ نفسك وان كان اقل عن القبلة.

انا قريت لها ثلاث روايات
الشقيقات
والهديه
والعزاب الفاسدون
والقصص الثلاث كلهم رائعين ولم الاحظ عليهم التكرار
ربما يكون في الروايات الاخرى

 

[Eng_Roka]

انا قريت امس روايه المعازيم

روايه خفيفه تخلص بسرعه

الاسلوب بسيط مافيه شي مميز والفكرة الاساسيه مكررة بس الحلو ان مدخلين فترة الغزو لي يومنا هذا بالموضوع

النهايه عاديه ومتوقعه

باختصار روايه خفيفه تخلص بسرعه للمبتدئات بالقراءه

 

[غيدآء]

ابتديت برواية علياء الكاظمي ورود ملووونه...


وكنت مندمجه ...لكن حدثت الصدمه!!

فجاه @@

الاحداث تغيرت بشكل كبييييييييييير جدا...

واكتشفت انه رقم الصفحه المقابله بعيد كل البعد عن رقم الصفحه اللي خلصت منها!!

ولمن راجعت كل صفحات الروايه لقيتها متلخبطه..!!

وجزء كبيييير جدا مفقووود!!

صج صج صج انقهررررررررررررت ...

الحين مادري شسوي؟ على كثر ماكنت مندمجه على كثر ماكرهتهاااااا..

انني متوهقه

يعني شلون ارد اشتري الروايه !

اووووف

 

[ليلو جبريت]

ابتديت برواية علياء الكاظمي ورود ملووونه...


وكنت مندمجه ...لكن حدثت الصدمه!!

فجاه @@

الاحداث تغيرت بشكل كبييييييييييير جدا...

واكتشفت انه رقم الصفحه المقابله بعيد كل البعد عن رقم الصفحه اللي خلصت منها!!

ولمن راجعت كل صفحات الروايه لقيتها متلخبطه..!!

وجزء كبيييير جدا مفقووود!!

صج صج صج انقهررررررررررررت ...

الحين مادري شسوي؟ على كثر ماكنت مندمجه على كثر ماكرهتهاااااا..

انني متوهقه

يعني شلون ارد اشتري الروايه !

اووووف

رجعيها لهم ودوسي في جبدهم بعد

 

[غيدآء]

وهذا اللي بيصير ليلو ..

 

[أنثى اليمامة]

بدأت قراءتي برواية جين آيير من امس .. وصلت الآن لموت هيلين صديقه جين .. ما اعرف ليش الكأبة خيمت على روحي من بدأت قراءه الروايه .. والآن اشعر برغبه بالبكاء ، شارلوت مبدعه ، كاتبه مبدعه جداً .. تصلني المشاعر كلها بالروايه .. والمترجم فعلاً روعه قادر على الترجمه العميقة للمعنى وايصاله .. مع الشعور الكامل المحتوي عليه النص ..

ياااه ،، شارلوت مبدعه بشكل يفوق الوصف ..


​

 

[ليلو جبريت]

بدأت قراءتي برواية جين آيير من امس .. وصلت الآن لموت هيلين صديقه جين .. ما اعرف ليش الكأبة خيمت على روحي من بدأت قراءه الروايه .. والآن اشعر برغبه بالبكاء ، شارلوت مبدعه ، كاتبه مبدعه جداً .. تصلني المشاعر كلها بالروايه .. والمترجم فعلاً روعه قادر على الترجمه العميقة للمعنى وايصاله .. مع الشعور الكامل المحتوي عليه النص .. ​

ياااه ،، شارلوت مبدعه بشكل يفوق الوصف .. ​

راح اختار كذا رواية من عندج لقائمتي الجديدة
حاليا باقي جم كتاب واخلص الي عندي
احس وايد خذت راحتي هالشهر وهجرت القراءة

 

[ρeαrℓ]

بنات شرايكم برواية أبناء ودماء .. ~

أنا قريتها بس مافهمت نهايتها الي فهمتها ياريت تقولي

ومشكوره ليلى على الموضوع الحلو ..

 

[كراميلا مرة]

انا انتهيت من قراءة بين القصرين لنجيب محفوظ وبديت في قصر الشوق

 

[أنثى اليمامة]

حياج ليلو ،، وانا بالخدمه

 

[RowTow]

بدأت قراءتي برواية جين آيير من امس .. وصلت الآن لموت هيلين صديقه جين .. ما اعرف ليش الكأبة خيمت على روحي من بدأت قراءه الروايه .. والآن اشعر برغبه بالبكاء ، شارلوت مبدعه ، كاتبه مبدعه جداً .. تصلني المشاعر كلها بالروايه .. والمترجم فعلاً روعه قادر على الترجمه العميقة للمعنى وايصاله .. مع الشعور الكامل المحتوي عليه النص ..

ياااه ،، شارلوت مبدعه بشكل يفوق الوصف ..


​

الترجمة لمنير بعلبكي؟
طبعة دار الملايين؟

إذا كانت هالترجمه فهي فعلا رائعه, قرأت الروايه مرتين و ثلاث و ما مليت منها.
الترجمه بروحها تحفه.
و طبعا القصه لا يعلي عليها, روايه جين إير هي الروايه المفضله عندي من الأدب الإنجليزي.
مشاعرها و عواطفها تلفح القارئ لفح.
استمتعي فيها.
و الكآبه مجرد عارض في البدايات

حاليا أقرأ بسلسلة كوكتيل 2000 من روايات الجيب ههه
ما أدري ليش رديت حق هالروايات اللي عندي من 10 سنوات لما كان عمري 14 سنه و اشتهيت أقراهم

بخلص السلسله إن شاء الله بعدين أقرأ أماديا, شريتها من جم يوم.
و شريت أيضا كتاب اسمه مذكرات الأميره عائشه كهدية لبنت خالي, لأني أدري إنها تعشق هالنوعيه من الكتب.
قرأت منه مقتطفات, ما عندي حكم عليه.
​

 

[غيدآء]

شارلوت وايميلي برونتي ..

كتاباتهم تتسم بالكآبه والحزن ..لكن مو الحزن اللي يخلي الواحد ينفر منه لا حزن حميم ومحبب لكل شخص فينا..

من يقرأ عن حياة الاخوات برونتي سيجد انه حياتهم تتسم بالحزن والكآبه...لذلك نجد رواياتهن انعكاس لحزنهن !

 

[غيدآء]

انا انتهيت من قراءة بين القصرين لنجيب محفوظ وبديت في قصر الشوق

كراميلا قراءه ممتعه..!

شلون لقيتي الروايه احلى من الفلم ؟

انا قريت له روايات كثيره ايام الثانويه مثل القاهره 30 اللي اهي القاهره الجديده..

وقريت له الطريق ..

وبودي اقرا له الثلاثيه ..والحرافيش!

 

[أنثى اليمامة]

الترجمة لمنير بعلبكي؟
طبعة دار الملايين؟

إذا كانت هالترجمه فهي فعلا رائعه, قرأت الروايه مرتين و ثلاث و ما مليت منها.
الترجمه بروحها تحفه.
و طبعا القصه لا يعلي عليها, روايه جين إير هي الروايه المفضله عندي من الأدب الإنجليزي.
مشاعرها و عواطفها تلفح القارئ لفح.
استمتعي فيها.
و الكآبه مجرد عارض في البدايات

حاليا أقرأ بسلسلة كوكتيل 2000 من روايات الجيب ههه
ما أدري ليش رديت حق هالروايات اللي عندي من 10 سنوات لما كان عمري 14 سنه و اشتهيت أقراهم

بخلص السلسله إن شاء الله بعدين أقرأ أماديا, شريتها من جم يوم.
و شريت أيضا كتاب اسمه مذكرات الأميره عائشه كهدية لبنت خالي, لأني أدري إنها تعشق هالنوعيه من الكتب.
قرأت منه مقتطفات, ما عندي حكم عليه.
​

هو منير البعلبكي ،، اول مره اشوف مترجم بروعته ،،، فعلاً مميز
ومثل ما قلتي مشاعرها تلفح القارئ ،، يعني فعلاً عايشه بتأثير الروايه ،،


​

 

[أنثى اليمامة]

شارلوت وايميلي برونتي ..

كتاباتهم تتسم بالكآبه والحزن ..لكن مو الحزن اللي يخلي الواحد ينفر منه لا حزن حميم ومحبب لكل شخص فينا..

من يقرأ عن حياة الاخوات برونتي سيجد انه حياتهم تتسم بالحزن والكآبه...لذلك نجد رواياتهن انعكاس لحزنهن !

صح صح غيداء حزن حميم ،، يلامس شيء ما ..
الاخوات برونتي فعلاً روعه ،،، قريت عن حياتهم فعلاً حزينة جداً .. تعذبوا بس انتجوا ادب لا يضاهيه ادب ...
​

 

[غيدآء]

معاج حق عزيزتي انثى اليمامه..

احيانا الحرمان والحزن يولد الابداع ..سبحان الله تحسين انه تعويض عن شيء مآ!

 

[ليلو جبريت]

معاج حق عزيزتي انثى اليمامه..

احيانا الحرمان والحزن يولد الابداع ..سبحان الله تحسين انه تعويض عن شيء مآ!

عيل شوفي مقالي
http://www.q8yat.com/t836749.html

 

[كراميلا مرة]

كراميلا قراءه ممتعه..!

شلون لقيتي الروايه احلى من الفلم ؟

انا قريت له روايات كثيره ايام الثانويه مثل القاهره 30 اللي اهي القاهره الجديده..

وقريت له الطريق ..

وبودي اقرا له الثلاثيه ..والحرافيش!

بصراحه ماشفت الفلم بس الرواية رائعه
وليلحين مانتهيت من الثلاثيه
وان شاء الله حتى انا ناويه اقرا الحرافيش
وخان الخليلي
وكم رواية من رواياته

 

[غيدآء]

عيل شوفي مقالي
http://www.q8yat.com/t836749.html

مشالله عليج ليلوو

خوش مقاله

تسلم ايدج