مناقشات وسوالف بنات نادي الكتاب

[رنـا**]

ذات السلال في ركن للاطفال سألي الي يشتغل اهناك عن القصص المناسبة لعمر 6

 

[رحيل المرافيء]

لوزين
هذي كتب للاطفال

http://www.maktbtna2211.com/sub-category/470

وبالنسبة لج اقري حسب ميولج تبين كتب ولا روايات ولا شنو بالضبط ولاتاريخ

 

[Epona]

السلام عليكم
ما قدرت أتحمل ما اقرا الكتب الي شريتهم :$
طلعت غلطانه الكتاب الي شريته اسمه حالات نادرة وايد حلو وعجبني
أمبي في قصة صدمتني اذا قارين الكتاب يعني... قصة البنت الي تطلع ولد!!!
وقصة المرة الي ولدها غرق وايد تضايقت لما قريتها وعورت قلبي (ذكرتني في مسلسل ياباني نفس الشي ولدها يغرق بالبحر وتصير فيها حاله نفسية وبعدين هم تنقذ ولد من الغرق حسيت الكاتب شايف المسلسل ماردي ليش لووول)
بأجر اخر امتحان بس خل اخلص على طول راح اقرا الكتاب الثاني حدي متشوقة!!!

 

[رنـا**]

منو قرت القندس أو سقف الكفاية لمحمد حسن علوان ؟

 

[أنثى اليمامة]

قريت سقف الكفايه ولو تبين راي فيها مجرد مفردات لغويه رنانه وعزف علي المشاعر لاعت جبدي من هالديوث ابو دميعه الي بالروايه ،، تلوع الجبد
​

 

[أنثى اليمامة]

في كتب خاصه تكون بصيغه للايبد والايفون EPUB

وشوفي هالموقع متخصص بكتب الايباد والايفون

http://www.ibooks.ae/
​

 

[مُخملْ]

اشتقتلكمْ بناات ، فقدت هالمكاان والله

طبعاً انشغل عن كل شي إلاالكتب

حالياً بديت اقرأ في موسوعة الأديان الميسرة
وقيس وليلى والذئب ـ بثينة العيسى

موسوعة الأديان ما انتهيت منها لكنْ مرجع مفيدْ جِداً
يضم معلومات وافية عن أديان ومذاهب ومعتقدات كثيرة ،
أول ما أخلصْ أرد أحط تقييم كامل & اقتباسات باذن الله .

قيس وليلى والذئب - بثينة العيسى
للحين فالبداية ماتعمّقتْ وايد فالقِراءة
أول تجربة لي فالقراءة ل بثينة وأتمنى تكونْ رائعة

هَل من إصدارت جديدة

 

[مُخملْ]

اليَمامة : نفسْ الشُعور ل سقف الكفاية ، ملل فضييع ماوصلت للنص حتى وتركتها
القصة كلها تدور على نفس المحور ، مُفرداتها جميلة لكنْ مملة جِداً .
على إطراءات الناس ومَدحهمْ ماوصلتَني الفكرة بنفس الصورة اللي وصلتهمْ :/
أنا أول 40 صفحة وحسيت بملل من التكرار يعني باقي الصفحات يكرر نفس الفكرة
بس بأوصاف مختلفة ومفردات جديدة !

 

[رنـا**]

انثى اليمامة رايج احبط كل حماس فيني للرواية
معن أنه صح كلاكم واااايد لقت رواااج

أنا حاليا قاعدة أقرا القندس وسبثق قريت طوق الطهارة لعوان وحيل حبيت

سقف الكفاية من زمان عندي بس للحين ما قريتها



مخمل أنصحج تقرين عائشة تنزل للعالم السفلي وسعار لبثينة العيسى من جمالهم ماراح تقدرين تهدينهم لين تخلصين منهم

 

[رحيل المرافيء]

مخمل
نورتي
عاد من يومين قلت بدز اسأل عنج على الخاص
بس تذكرت بعدين حزة امتحانات قلت يمكن لاهية بالدراسة
منورة



كراميلا مرة مدري وينهااا

 

[رحيل المرافيء]

انتهيت من قراءة الولد الاسود لريتشارد رايت رائعة
انصحكم فيها وهي سيرة ذاتية لحياة المؤلف الزنجي
http://www.maktbtna2211.com/book/9939

 

[أنثى اليمامة]

مساء الود ..

آهلاً مخمل .. نورتي اشتقنالج .. انا بعد كنت ناويه اتركها بس عادتي اني ما اترك شي الا بعد ان انهيه ، بس طبعاً في روايه خلتني اقرر اترك هالعاده المميته واوقف القراءه بالنص .. وهي الحمام لا يطير في بريده ،، هذي خلتني ارأف بنفسي واترك العاده هذه
بالنسبه لاطراءات الناس حقيقه يا عزيزتي القارئ العربي يفتقد العقل النقدي ، وغالباً البنات الي يعجبون بهذه الروايات الرنانه حروفها .. لاحظت شي بعد ان في قراء يعتنقون اي شيء يقرأونه ،، مثل وحده كل عمرها تقرآ روايات من هالنوع الحروف الرنانه ويوم قرت كتاب فكري اعتنقت الافكار بطريقه غبيه جداً .. وصارت تتعالى على الآخرين وتنعتهم بالغباء وفقاً لكتابها الي قرته وتستشهد بكل حرف فيه .. ومن لم يعتنق افكار الكتاب هذه تنعته بالرجعيه والتخلف .. عجبي لهذه النوع من القراء ..!

صراحه من زمان ودي اكتب عن انواع القراء .. وودي نتكلم عنهم

كراميلا اتركت المنتدى ، قبل يومين راسلتني صج مشتاقه لها ولسوالفها ..


​

 

[مُخملْ]

رَنا : أول تجربة لي في قراءة كُتُب بُثينة ، الكتابين في قائمتي

رحيل : مابقى شي ع امتحاناتي @.@ من كم يوم فضيت ودخلت *
تسلمين حبيبتي

أنثى : النور نورج تسلمين حبيبتي

،
أنا مثلج كنت ، من بعد رواية "شكراً أيتها المصادفة" اللي برغم
الممطالة والملل كملتها للنهاية تركت هالعادة ،

كلامِج صحيحْ ، النقد غالباً مايكونْ على أسس غير صحيحة ،
واللي يقرأ كتب ذات وتيرة واحِدة ويعتنق أفكارها بعدها ينعَتْ من يخالفه
بالرجعية أو يستخف فيه فهذا نُوعْ من القُرّاء اللي حتى ماتتناقشين معاهم
لأن فكرهم هو نفسه ومهما قلتي ماراح يقتنعون :/

 

[مُخملْ]

أحد منكم قرأ المخ ذكر أم أنثى - عمرو الشريف
والزمرد الفائق في الأدب الرائق - محمّد الخصيبي

؟

 

[عادت ذكرياتي]

اهلا اهلا بنوتات^_^


أخباركم كلكم ؟؟؟؟؟؟

 

[اخصائية بشرة]

من احب الروايات عندي من كتابة غازي القصيبي الله يرحمه ويجعل مثواه الجنة
1-رواية جنية (ايش احكي وايش اخلي قصة من وحي الخيال تجنن).
جبت لكم ملخص للرواية بسيط

كما هو واضح من عنوان الكتاب, نعم لهذه الرواية علاقة بذلك العالم المخيف,
يقول المؤلف في أحد الصفحات أنا لست مسئول عن أي شيء يحصل للقارئ خلال هذا الكتاب.

تحكي الرواية قصة حب مفاجئة بين “ض ض ض” و “ع ق” أحدهم من الجن و الثاني من الأنس! ..
خلال الرواية ستتعرف على عالم الجن و الأنس.
الرواية جميلة كتبت بأسلوب ظريف ومشوق.
رغم رعب الموضوع الذي تتناوله الرواية, لكنها ستشعر من يقرأها بالأمان.

2-شقة الحرية(ماعجبتني ابد)..
3-الوزير المرافق.
4-سعادة السفير.
5-حكاية حب.
6-زهايمر.
وعندي روايات ثانية برجع باذن الله واكتب عنها ولاي استفسار انا جاهزة حبايبي

 

[انفاس دخون]

بنات ابي روايات حلوه انا ماعمري قريت روايات بس حمستوني للقرايه

 

[هـمس الغ ـلآ ]~]

-


آلسلآم عليكم ورحمة الله
شًلونكمم ؟
بنآت بس آبي مكآن آشتري منه روآيآت حلوه غير مكتبة جرير ؟
وين ألآقي ؟

 

[الرآقيـة]

متــى تقــرون ؟ يعني مثلا : قبل النوم / الفجر ..

 

[عادت ذكرياتي]

قبل النوم القراءة حلوة ليما تنامين خلاص ^_^


وعندج لما تقعدين الصبح مع أصوات العصافير الجو خيالي ترى وهم يحمس ويفتح نفسج وسويلج أجواء بالمكان اللي تقرأين فيه عطري المكان هم العطر له دور ويفتح نفسج وشوفي شلون بتتشوقين للقراءة %%%


مووووووووووووووفقة