مناقشه عن قياده المراه للسيييييييياره

[نفرتيتي2008]

اول شي حبيت ابارك لكم بالعيد وكل سنه وانتن طيبات باذن الله

حبيت اليوم افضفض معكن وحبيت يكون النقاش عن القياده المراه للسياره طبعا انا من السعوديه

هل تواجه المراه في الكويت من صعوبه اقصد هل ياتيها مضايقه شباب يعني يلاحقها او يدعم سيارتها او مضايقات هل يواجهن هذا الشي وهل هم قله او كثيرررررررررررررر ؟


بالنسبه للمراه الغير محجبه هل تتعرض لمضايقات او عادي

وسلامتكمممممممممممممممممممممممم :eh_s(17):

 

[نفرتيتي2008]

رففففففففففففففففففففففففففففففففففع

 

[الوفى عنواني]

الحمدلله والشكر روحي ناقشي مع سعوديات شعرفهم اهني
بالكويت عشت وشفت بنات يتحرشون بالشباب وهم اللي يحدونهم طبعا مو الكل بس فيه هالاصناف بس بالسعودية العيااال ولله لاينتفووونها ريشة ريشة حسبالج السعودية مثل الكويت
الكويت كل ابوها نفرها بساعة وهم ملموومة مافي مجال البنت احد يتحرش فيها بينما احنا ماشاء الله مساحات شاسعة تطلع عيون الواحد اذا بين منطقة ومنطقة اكثر ساعتين

 

[نفرتيتي2008]

وليه تحمدين وتشكرين الحمد لله على عقليتك انا سوالي موجه للكويتيات لان اللي عندنا بالسعوديه يطالبون بقياده المراه ؟ حبيت يكون جوابك ارقى من ذلك ؟؟؟؟؟؟؟؟؟؟؟؟:bbbiu:

 

[{ شيوخهـ ~]

حبيبتي آلسعوديه غير آلكويت..
ونفس مآفي آلسوق تحرش آكيد بآلسيآرآت في..
لكن هآلآيآم نآدر مآتششوفين تحرشش بآلسيآرآت..
لكن بآلسعوديه يختلف آلوضع فمآدري عنكم بصرآحه..

 

[نفرتيتي2008]

رررررررررررررررررفع

 

[حبي لله اشد]

السلام عليكم ..

أول شي ممكن اني اقوله انه الدول تفرق عن بعض
يعني السعوديـه غير والكويت غير ..
السعوديه اكيد بيصير مضايقات لانه شي غريب انه حريم يسوقون
أما الكويت وااايد يسوقون الغريب انج تشوفين بنيه ماتسوق بالكويت
هذا اكبر فرق بينا وبينكم
وبالنسبه للتحرش وجذي عندنا بالكويت تححرش ماقول مافي بس لو البنيه
بحالها مايصير تحرش يعني على حسب البنيه ولو ماعطيتيهم ويه يروحون
وماكو احد يدعم وجذي الا اذا خذا موقف من شي وحتى هالسالفه نادر تصير !
والنسبه للغير متحجبين انا واختي مو متحجبين ومافرقت يعني السالفه مو سالفة حجاب
لانه في بالكويت وايد مو متحجبين يعني عادي مو شي غريب ..
واذا ماخذه معلومه انه الكويت نفس السعوديه معلومه غلط كلللش
الكويت متفتحه شوي يعني كلشي فيها عادي ..
والسواقه ماشوفها عيب كل واحد بالنسبه لديرته ومادري عن ديرتكم:eh_s(10):​

 

[سلمى المزيونة]

برب برب

 

[bobo lover]

شوفي ما أقدر أقولج في أو ما في لأن البنت نفسها هي اللي تقرر هالشي... شلون؟
المحتشمة والمحترمة عمرها ما راح تتعرض لهذي الشغلات أو نادرا تقريبا...
والمناطق عندنا قريبة وديرتنا صغيرة وأمان الحمدلله يعني مو نفس السعودية الشوارع أغلبها مظلمة والمسافة من منطقة للثانية بعيدة أو قريبة بس الشوارع تكون مظلمة ومو أمان للبنت أو المره تروح مع سايق بعد.

وإذا تبين رايي بموضوع القيادة عندكم، أنا أساسا من مؤيديه. السيارة صارت ضرورة وأحسن للبنت تسوق أحسن من إنها تركب مع سايق أو تقعد على منة أخوانها وأبوها. بس شرط إنها ما تطلع عن حدود منطقتها

 

[™мisš Fα6σσм]

واااااايد الي يسوقون سياره بالكويت

فصار شي طبيعي وعادي عاشين والحمدلله

بس لانه بالسعوديه عندهم تحفظ زايد والشباب نفسهم ما يتقبلون فكرة المرآ تسووق ,!


لكن اتمنى تسوقون وتاخذون حريتكم .,

موفقه

 

[سلمى المزيونة]

نفس الشرطة النسائية لما رحت قطر شفت الشرطة النسائية قلت لزوجي ليش ما يصير عندنا شرطة نسائية قال صعبة شوي بعدها بكم سنة صار الموضوع صج ناس عارضت والمجلس احتج وبلبلة بس صار ومع الايام نشوفهم حتي بالمطافي الوضع طبيعي بس كل جديد غريب

 

[meera15]

كل عام وانت بخير بمناسبة العيد
وبالنسبة لقيادة المرأة للسيارة بالكويت هذا موضوع قديم
ومر عليه عقود من الزمن
انا عمري فوق الثلاثين ومن وعيت على الدنيا وأمي تسوق سيارة

بمعني ان سواقة السيارة للبنت ضرورة وليست ترف
والحمدلله محد يضايقنا طالما ما شين بحالنا واحترامنا
وازيدك من الشعر بيت
احنا نروح الاعراس بروحنا ونرجع تالي الليل ومحد يتعرض لنا
الله يديم علينا نعمة الامن والامان وسائر بلاد المسلمين

 

[سكوتي بذوقي]

اختي بالسعوديه عندنا صعبه

بالكويت من زمان عندهم سواقة المرأه

شي طبيعي يكون عادي ويمكن يحصلون مضايقات بس مو مثلنا

احنى ديرتنا كبيره وعارفه شبابنا مايبي لهم إشاره بروحنا مو سالمين منهم من غير شي

لما تصير السواقه عندنا اعرفي راح تصير مصايب لمدة عشر سنين قدام أنا من المعارضين مابيها

 

[rama11]

ياختي موضوعك خاش عرض

شدخل الكويتيات في السواقه في السعوديه

والا انتي تبين هوشات ومشاكل

وبعدين الله لايكتب لك واللي مثلك

السواقه لان ماوراها الا الفتن والمصايب

بلادنا ارض طاهره مانبي العلمانيين يمشون رايهم علينا

فكثري من االاحلام انك تسوقين في بلاد الحرمين

ويكون بعلمك كل بنت محافظه على دينها ومحترمه نفسها ماتبي السواقه

ولافكرت فيها لانها عارفه ايش عواقبها

 

[sakura-san]

شو السافلة صاحبة الموضوع سألت عن السواقة في الكويت وهل المرأة تعاني من مشكلة من ناحية المضايقات

ماقالت تعالوا نقارن وليش السعودية مانعة السواقة الصراحة في ردود كلش مايخصه في الموضوع

​

 

[حدى عنيده]

مادري احنا من وعينا ع الدنيا وامهاتنا يسوقون وانااسوق وكل خواتي ورفيجاتي يسوقون الحمدالله نطلع ونروح محد يككلمنا بس بالنسبه للسعوديه لا صعبه وايد وايد وايد وايد المناطق عندكم بعبده والمجتمع اصلا يرفض ويستنكر وبشده سواقة المراء ه عندكم لي اللحين اغلب العقول الذكوريه عندكم ترفض وبشده سواقة المره

 

[•Brown•Sugar•]

والله انا ما اشوف فيه مضايقات الا نادرا
يعني لو طلعتي من بيتج رايحه جمعيه او مستشفى او دوامج محد درى عنج
بس لاتروحين صوب المولات والبحر تزيد نسبه المضايقات
لان اغلب اللي يتمشون بهالاماكن ناس فاضيه تدور ربع وسوالف

 

[نفرتيتي2008]

رففففففففففففففففع وشكر لك من تجاوبتي معي برقي وعقلااااااااااااااانيه :eh_s(17):

 

[نعومه حدي]

شهالردود البنت سألت سؤال والكل قلب عليها

اختي السواقه بالكويت بالنسبه للمراه جدا عادية وحتي المضايقات اذا البنت حاشمة
روحها وماتطلع الا للضروره جامعه سوق جمعية ماراح تحصل لان شي طبيعي صار
وضروري يعني عادي مافيها شي غالبية بنات الكويت يسوقون والوضع عادي ماعتقد يحصلون مشاكل ومضايقات علي طول

 

[الحللللوه]

انا سعووديه وبعممري يسووقون كويتيات اكيد
عمري واحد وعشرين لكن انا ماقتنعت بفكره السوااقه بالسعووديه ولابغيرها بس السعووديه خصوصا كبيييره
وعارفه بتقولون جوابي عررض لكن هي تسال عشاان تشووف وتقارن وتفهم
لكن من جد انتي طالعه من البيت بحجابك يضايقوون فما بالك بسياااره ولوحدك ويصاادف انك تروحين اماكن بعييده
موووفقه