منبهات وأفكار للاصفي " خبرة غذائي "

[عالي مستواها]

بنات شكلي بنتحر وأفتك من هم الروضة :016:


تكفون طااااالبتكم أبي منبهات مبتكره وبالاخص تمثيليات تخدم هالخبرة

هالأسبوعين أهم شي .. فيهم التقييم فلازم شغلي مبتكر مايعجبهم شي يبوني الظاهر أصنع قنبلة ذرية عشان أرضيهم


عطوني أفكار الله يعطيكم وبيت مكه يوديكم ههههههههههههههههههههه تعودت على الطرارة عادي


فكرت ألبس وحدة من البنات لبس ليلى " ليلى والذيب " تدخل علينا الصف بسلة فواكه .. بس وين أحصل لبس تنكري فيه رداء أحمر :eh_s(10): ؟

تكفون يا معلمات قولولي أفكار والله العظيم ضايعه .. مدرسات صفي ما يشتغلون شغلهم عادي حيل فما أستفدت منهم .. والله لو أقدم مثل تقديمهم جدام المشرفه جان مصخرتني ههههههههههههههههههه أبي أفكار شفتوها عند معلمات أناشيد تمثيليات أي شي .. لو فكرة بسيطة عادي راح تنفعني

 

[^ليلاس^]

لوووول وانا بنتحر وياج , انتحااار جماااعي :eh_s(13):


بالنسبة للبس ليلى تقدرين تشترين قطعه خام ساتان حمرا ولبسيها نفس الشال وييبي قبعه حمرا ولبسيها سهله


وحلوة فكرتج ترى


بس سامحيني حبيبتي ماعندي افكار مبتكرة لان انا بروحي ابي احد يبتكرلي يعني انا وانتي الله يعينااااااا


وانشالله الابلات ما يقصرووون وانا اذا شفت شي عند الابلات بقولج

 

[ملاك-77]

قطعة خام لونها احمر

قصي اطرافها بشكل دائري

وشريطة ستان لون احمر

ثبتيها بمسدس الشمع

اذا مستعجله وتنربط على الرقبه

واذا عندج وقت ودي الخامه للخياط

وبس يدقها لج مكينه ويثبت الشريطه

عشان تنربط على الرقبه ويصير الرداء جاهز

وتستغلينه بمنبهاتج


ممكن تخلين اراجوز يدخل الصف ويدور حوالين شجره

فيها تفاح او برتقال مع اغنيه وبيده سله ويجمع الفواكه

ويقدمها لكم وانتوا تصنفونها مثلا للعددي


هذا اللي في بالي الحين


>>>>>>>>>>>>>>>> سهراااااااانه ودايخه

 

[تواصيف الدلال]

انا اشحذ الأفكار نفسج

 

[معلمة العاصمة]

ويه لا باركت بالجوده ودتنا ورا الشمس كلنا مخنا واقف وعكس عقارب الساعه صرنا

 

[7reer91]

سوي بسطه تبيعين فاكهه وقولي
فواكه طازجه موز وبرتقال وتفاح
فواكه الوانها جميله
وخليهم يشترون منج تكونين طبعا معطتهم فلوس ورقه بيضا ومكتوب عليها $... يعني فلوس
وقوليلهم اطفال ليش شريتوا فاكهه ودكم تسوون سلطه؟ يلا نروح المطبخ مثلا
وسوي سلطة فواكه
وتنفع تبيعين خضار وتسوين سلطة خضار طماط وخيار وخس
انا طالبة تربيه عمليه صرنا بياعين بسطه صججج تمصخرنا لووووووووووول

الله يوفقنا يارب..... دعواتكم

 

[كاتبه حيرانه]

لايوقف نبي افكار ليلي قديم ومو مبتكر ابرك دخلي مزارع على الاقل مع نشيد المزارع ويدخل تو جايب من المزرعه

 

[غلا ماجد]

سوي بسطه تبيعين فاكهه وقولي
فواكه طازجه موز وبرتقال وتفاح
فواكه الوانها جميله
وخليهم يشترون منج تكونين طبعا معطتهم فلوس ورقه بيضا ومكتوب عليها $... يعني فلوس
وقوليلهم اطفال ليش شريتوا فاكهه ودكم تسوون سلطه؟ يلا نروح المطبخ مثلا
وسوي سلطة فواكه
وتنفع تبيعين خضار وتسوين سلطة خضار طماط وخيار وخس
انا طالبة تربيه عمليه صرنا بياعين بسطه صججج تمصخرنا لووووووووووول

الله يوفقنا يارب..... دعواتكم

حلوووووووووووة مشكورررررة

 

[غلا ماجد]

انا عندي مرسم و فنية

 

[غلا ماجد]

قصدي مكتبة دايخاااااااااا هههاااااااا

 

[اليازيه2000]

انا درسي حفظ الأغذيه شرايكم شسوي

 

[الشروق 22]

مسااكم خير جميعا

انا قدمت عددي للعدد خمسه كان يربط العدد بمدلوله منبهي جدا حلو وبسيط اخذت مكعب بلاستيك من ركن المكعبات لونه برتقالي سألتهم ماهذا يا اطفال ؟ من اين حصلت عليه ؟ ما لونه؟ هناك اشياء في حياتنا لونها برتقالي مثل ماذا ؟ "" المدرسة اللي معاي قالت مثل كرامة وطن هههههههه "" المهم قالو جزر و برتقال قلت لهم صح هناك برتقال في ركن المطبخ من يحضره لي بعدها سألت ما فائدة البرتقال لنا و كم برتقاله من يعد لي البرتقال و تحطين عنصر مخالف مثلا بالحجم او فاكه اخرى و بعدها تكملين خطوات العددي وسلامتكم