منبه عن خبره غذائي

[غلا مطير]

السلام عليكم

خبره غذائي ( احس انها صعبه) ،، والا اشرايكم ؟؟؟


ماعليكم امر ،، ابي منبه حق الهدف العقلي : يتعرف على غذاء الجيد

اتمنى تساعدوني

:gr4uu:

 

[غلا مطير]

وينكم يامعلمات ؟؟؟؟؟؟

 

[غلا مطير]

الله ياجزاكم خير ساعدوني

 

[الحياة]

انا مخي يقفل تالي الليل باجر اقولج

 

[:: عائشه بقلبي ::]

شفافيه مركبه لبقرة سنو ناخذ منها الحليبة

 

[غلا مطير]

اختي الحياه لاتطولين على برد ماعليج امر

 

[غلا مطير]

يسلمو على الرد اختي الخنساء ،،

 

[@ المزيونة @]

هلا حبيبتي

تقدرين تخلين المنبه على طريقة صورة بقره مفككه مسابقه مثل طاق طاق طاقيه او تحطينهم باظرف وتلزقينهم بسيارتين وتعلقين فيها خيط ومسابقه بين طفلين والي يوصل اول يلزق الصوره على الصبوره وتطلبين منهم انهم يركبون الصوره المفككه بعدين يتعرفون عليه انها صورة بقره وتسألينهم شنو نستفيد من البقره(الاجبان والحليب والبنه اللحوم ) وتوضحيلهم انها اغذيه مفيده للانسان وتناقشينهم بأهمية الغذاء المفيد ويمد الجسم بالكالسيوم والطاقه
وكذالك توجد اغذيه اخرى مفيده مثل الفواكه والخضار تمدنا بالفيتامينات
ويشوفون فلم بالحاسوب عن الغذاء المفيد

ودخلي مسرح العرائس (سلوكيات) ترا الاطفال يحبونه ويندمجون فيه توضحين اهمية تفريش الاسنان بعد كل وجبه

منبه ثاني :ممكن عن طريق قص ولزق تقولين للاطفال ماذا ممكن ان نصنع منه وتركبين قطعه قطعه لما يتكون شكل بقره



اتمنى اكون افدتج

 

[غلا مطير]

مشكوره اختي المزيونه الله يعطيج العافيه ،،

 

[ملاك-77]

ممكن تقولين للاطفال اليوم عازمه خالتي عالغداء

منو يساعدني ويفكر معاي ماذا اقدم لهم؟

اللي بيقول لج عيش والللي دجاج ..ولبن واللي بيقول مرق.. روب عاد

هههههه انتي وحظج المهم ليما يقولون لج سلطه

ساليهم شنو مكونات السلطة شنو فيها؟خيار خس طماط جزر ليمون

من وين من اي مصدر؟من النبات والدجاج واللحم من الحيوانات

ورددي السلوكيات وتناول الاطعمه المفيده وكل مايقولون شي الاطفال

طلعي وحطي جدامهم مجسم محسوس طبعا تكونين مجهزتهم يمج

بعدين طلعي مصوراتج وخليهم يعبرون عنها اتمنى اني افدتج

 

[غلا مطير]

مشكوره اختي ملاك على الرد

 

[أم كـشـه]

السلام عليكم خواتي


المنبه لازم يكون استنتاجي مو مباشر



والاخت ملاك منبهها مناسب لانه استنتاجي ويخلي الأطفال يفكرون



يعطيكم العافيه


أم كشه

 

[ArEEj]

المنبه ( صوت بكاء على المسجله )
منو اللى يبكى يا اطفال ونخليهم يفكرون ويتكلمون بحريه
وبعدين نطلع لهم صوره بنت متينه وتأكل ايس كريم ونقولهم هذى البنت اللى تبكى ليش ؟؟ شنو تأكل شنو بيدها ؟؟

ونتكلم ان البنت عورها بطنها من اكل الايس كريم ... شنو المفروض تأكل عشان تصير صحتها جيده ؟؟؟
فواكه خضار نطلب من طفل احضار سله الفواكه والخضار من ركن العلميه مثلا ونطلب من كل طفل يمسك بيده نوع ويرفعه فوق ونسال طفل طفل عن الذى في يده تفاح لونه احمر من الفواكه ... خيار لونه اخضر من الخضروات ... موز لونه اصفر من الفواكه ... وهكذا
ثم نسالهم ماذا ايضا نأكل على الغداء كل يوم اللحوم نحضر سلة اللحوم ونستعرض معهم انواع اللحوم والبيض .... وماذا نشرب لتقويه صحتنا الحليب ونحضر السله ونتكلم عن انواع الحليب حليب كاكاو وموز وفراوله .... شركه كى دى دى صناعتها كويتيه وندخل بالوطنى
نجمع السلات كلها جدامنا الفواكه واللحوم والحليب
ونسأل الاطفال من الذى خلق لنا هذا الاكل ؟؟ الله سبحانه وتعالى وضع الاية القرآنيه
ثم نتابع عرض الصور ونتعرف على اخو البنت

الذى يأكل وينام

ويأكل هو وأخته الوجبات السريعه امام التلفزيون
ماذا ننصحهم ؟؟ الاكل المفيد والتمارين الرياضيه
يلا شرايكم نخليهم يشوفون تمارينا الرياضيه
نشغل شريط رياضى ونلعب رياضه مع الاطفال

وتغذيه راجعه

وبجذى حققتى اهدافج كامله

وان شاء الله يعجبج الدرس وما يكون متأخر :tek:​

 

[بنت الحزن]

ما فهمت ؟؟؟

 

[غلا مطير]

مشكوره اختي اريج ،، يعطيج العافيه ،، بس روضه اللي انا فيها ممنوع تحطين الاكل غير مفيد ،، بس تقولينه بكلام،، ام تحطين صور ، مستحيييييييييييييل ،،

 

[عالي مستواها]

أنا معقدتني سالفة المنبهات هذي .. مشرفاتنا ما يبون مثل جذي منبهات استنتاجية .. يبون مباشر بس مشوق يعني قصة ولا تمثيلية وأغاني وخرابيط

يعني مثلاً يوم كان درسي عن الطبيب لبست لابكوت ومعاي جنطة طبيب على ساس أني جايه أفحصهم .. مو استناجي بس أول مرة يعجبها منبه قالت أبي جذي كل مرة تمثيلية

 

[غلا مطير]

زين انتي جذيه ،، احنا يبون منا مشكله ويحلها الطفل ،، بذمه اشلون احط مشكله واهم مو راضين نحط سلوك سيء

الحمدالله وشكر عقدونا

 

[ArEEj]

صح كل توجيه لهم طريقه خاصه
اللى يشوفهم يقول بيخترعون الذره الحمدلله والشكر
ما يبسطون الموضوع
ويخلون المعلمه على راحتها بالتقديم
المهم تحقق اهدافها الثلاثه باى طريقه تحب

الله يهديهم بس يبون يطبقون طريقة منتسوري والبري سكول والكندرقاردن في امريكا واوربا
وهم مو فاهمين شي بالتطور العلمى
بس شاطرين بالاوامر

<<<<<<<<<<<<<<<<<< وحده منبطه جبدها
لوووووووووووووووووووووووووول

 

[غلا مطير]

اي والله اختي اريج بس اوامر على فاضي