منتج اليوم المفضل ,, حياااااااكم مدمنات الميك اب {الجزء الاول}

[Alia]

السلام عليكم شخباركم بنوتات:eh_s(17):

انا بديت هالموضوع بموضعنا مال ماك المثبت وحبيت اسويه هني لكل الماركات:jbdwjbd:

طبعا انا استخدم عدة ماركات وكل يوم بيكون في منتج اليوم المفضل بالنسبة لي منها نفيد بعضنا ومنها نشوف فايدة بعض المنتجات:O_SHH_:


وكل البنات حياهم الله الموضوع موضوعكم تستاهلون بصراحة :eh_s(17):

ملاحظة: المنتج من اي ماركة مو شرط ماركة محددة وراح يكون اي شي سواء للبشرة او الجسم او المكياج او الاظافر
شي حبيتيه بيومه وودج تشاركينا فيه:jbdwjbd:

,,,,

اليوم

LIPSTICK OF THE DAY

MAC BRAVE

حلوة حق الصبح او الدوام لونها احلى من الصورة بدون جلوس هم حلوة ومعاه احلى:eh_s(22):


,,,

مرطب العين

Clinique all about eyes

جدا ممتاز يرطب المنطقة ومفيد واحس يشدها وفي برودة كونه جل وايد حبيته واذا خلص برجع اخذه:eh_s(17):​

 

[googoosh]

رد: منتج اليوم المفضل ,, حياااااااكم مدمنات الميك اب

شهالزييييييييين عليا شالمواضيع اللي تينن .. والله شكله موضوعج بخسرني .. عجبتني الحمره و سألتج عنها بالموضوع فوق .. والحين عاجبني كريم كلينيك .. لان عندي مرطب الويه و حده اينن .. شكلي بجرب مرطب العين ..
واااااي لااا الموضوع توه بدا و عجبني كل شي الله يستر ..
وان شاء الله ارد البيت و اشارك ..
يسلموووو على الموضوع العسل ..

 

[ابله رشا]

رد: منتج اليوم المفضل ,, حياااااااكم مدمنات الميك اب

لمعه وايد كلاس من كليستار

كريم اساس يديد واااايد حلو يدوم 15 ساعة

 

[كويتيه مزاجيه]

رد: منتج اليوم المفضل ,, حياااااااكم مدمنات الميك اب

مشكوووره ع الموضوع

و انشالله بحطلج شنو استخدم بس اذ
ممكن كل وحده تستخدم اي مونتج و تشوفه روووعه تقول شنو نوع بشرتها
لانه المنتجات مومع كل بشره يمشي

 

[مجنونة بس عاقلة]

رد: منتج اليوم المفضل ,, حياااااااكم مدمنات الميك اب

مشكووووووره حبيبتي

 

[a.aljowder]

رد: منتج اليوم المفضل ,, حياااااااكم مدمنات الميك اب

عليكم بالعافيه منتجاتجكم روعه

 

[Alia]

رد: منتج اليوم المفضل ,, حياااااااكم مدمنات الميك اب

شهالزييييييييين عليا شالمواضيع اللي تينن .. والله شكله موضوعج بخسرني .. عجبتني الحمره و سألتج عنها بالموضوع فوق .. والحين عاجبني كريم كلينيك .. لان عندي مرطب الويه و حده اينن .. شكلي بجرب مرطب العين ..
واااااي لااا الموضوع توه بدا و عجبني كل شي الله يستر ..
وان شاء الله ارد البيت و اشارك ..
يسلموووو على الموضوع العسل ..

حبيبتي احرجتيني والله قليل مما عندكم:eh_s(22): نورتي موضوعي انا انشالله بحاول ماخسركم بروحي خسرانه هههههههههههههه ,, الحمرة وايد حلوة واتوقع تناسب الكل والحلو فيها انها هادية ولونها جدا مميز جربيها وترى اهي بيرمننت ,,, انا بحاول ماحط شي ليميتد انشالله:eh_s(17):

ناطرتج:jbdwjbd:

 

[Alia]

رد: منتج اليوم المفضل ,, حياااااااكم مدمنات الميك اب

لمعه وايد كلاس من كليستار

كريم اساس يديد واااايد حلو يدوم 15 ساعة

حياج الله فنانتنا واكيد ودنا نستفيد من خبرتج:eh_s(17): كوليستار وايد اسمع مدح عن شغلهم باذن الله بجربهم مشكورة

وكلارنس ماحبيت البرايمر مالهم دهني اوفر لكن بجرب انشالله الفاونديشن اهما منتجاتهم اذا مافادتج ماتضرج شغلهم طبي:eh_s(17):

 

[Alia]

رد: منتج اليوم المفضل ,, حياااااااكم مدمنات الميك اب

مشكوووره ع الموضوع

و انشالله بحطلج شنو استخدم بس اذ
ممكن كل وحده تستخدم اي مونتج و تشوفه روووعه تقول شنو نوع بشرتها
لانه المنتجات مومع كل بشره يمشي

العفو حياج الله ,,, انشالله انا اكيد اذا بذكر منتج للبشرة خاصة راح اذكر يناسب اي نوع من البشرات لا توصين حريص مثل ما يقولون:eh_s(17):

 

[Alia]

رد: منتج اليوم المفضل ,, حياااااااكم مدمنات الميك اب

حياكم الله خواتي

ررررررررررفع

 

[حلآوهـ حمرهـ]

رد: منتج اليوم المفضل ,, حياااااااكم مدمنات الميك اب

موضووعج واااايد حلووو حبييبتي ,,

بس ترى في اشيا البنات يحطونها تكون موالمتنهم بس ماتوالم غيرهم ,, اذا طلع عليها شي حلوو وعيبها تمدحه واايد والبنات لما ياخذونه بعضهم مايوالمهم ويعصبوون لووول


ف احسن شي كل وحده تكتب المنتج وتذكر لونه وطبيعته اذا كان خفيف او ثقيل عشان محد ياخذ الشي ويتضايج


مثلا ,,

الفاونديشن تذكر لونه بالضبط ,, مع لون بشرتها ونوعها ونوع الفاونديشن اذا كان خفيف او ثقيل مو تقول رووعه وبس

البودره نفس الشي لونها ونوعها ونوع بشرتها ولونها

الروج ,, تذكر لونه بالضبط ونوعه ,, لون بشرتها ولون شفايفها وحجمهم

الماسكرات ,, تطول او تكثف .. طبيعه رموشها .. خفيفه او ثقيله طويله او قصيره

اللمعات ,, لمعه زري او لمعه فازلين .. كريميه او بودره

الشادوز ,, خفيفه او ثقيله ,, فيها لمعه او ماات

البلاشر ,, لونه بالضبط ولون بشرتها


فهمتي فدييتج عشان كل وحده تاخذ الفكره الصح عن المنتج وتعرف اذا يوالمها او لا

 

[Alia]

رد: منتج اليوم المفضل ,, حياااااااكم مدمنات الميك اب

مشكورة حبيبتي اكيد انا عن نفسي اذا ذكرت شي خاص بالبشرة راح اكون محددة كل شي لا تحاتين ومشكورة علاضافة انا اول كنت اشتري اي شي لمجررد مدح! ويطلع عادي او غير مناسب لي ,, علشان جذي الحين لا صرت picky واقرا عن المنتج واشوف الريفيوز ومناسب او لا ,,, عموما اي بنت حطت منتج الموضوع مفتوح والبنات يسالون وياخذون راحتهم ونفس الشي ينطبق علي

وفي ملاحظة: الفونديشن كمثال اذا اندمح اكيد قبل لا نشتري بنشوف درجتنا المناسبة مثل ابله رشا مدحت فاونديشن كلارنس اكيد اذا رحت كاونتر كلارنس بجربه قبل لا اقرر واخذه! عرفتي حبيبتي يعني هم يعتمد على اللي بتشتري شنو خطواتها واحنا انشالله بنحاول نفيد بعضنا كثر مانقدر

 

[cat_women]

رد: منتج اليوم المفضل ,, حياااااااكم مدمنات الميك اب

خووووش موضوع

يعطيج العافيه

 

[حلآوهـ حمرهـ]

رد: منتج اليوم المفضل ,, حياااااااكم مدمنات الميك اب

بختار افضل المنتجاات اللي عندي ,,


ببدا بالفاونديشن ,, بالنسبالي افضل فاونديشن جربته << ماجربت واايد ترى

فاونديشن جيرلان

تغطيته متوسطه - رقمه 2
بشرتي مختلطه ( يوالم الجافه او المختلطه ) - مايله للبياض



البودره

بودره d.m.g.m

متوسطه لا هي ثقيله ولا هي خفيفه - توالم كل انواع البشره - حبيباتها نااااعمه يعين عالبشره ماتتقطع او تتقشر لا تصير مثل اللوز باودر بس تغطيتها اقوى
رقم 5 - بشرتي مايله للبياض - مختلطه



احسن بلاشر عندي

مكياجي صبايا - رقم 3

لونه اللحمي المايل للوردي ,,
بشرتي مايله للبياض او بيضه ,, هالبلاشر يوالم كل الوان البشره لاني شفته على كذا وحده البيضه والحنطيه والبرونزيه لونه طبيعي ويحلي الويه واااايد


احسن لمعه عندي ,,
بلاشر بدي شوب المتموج ,, يعطي لمعه الفازلين او لمعه الماي ,, اكيد بودره



احسن ماسكرا ,,

ماسكرا ديانا اوف لندن الزرقا

تكثف اكثر من انها اتطول

رموشي طويله وكثيفه الحمدالله ومرتاحه عليها لانها تفرق رموشي




كحلي المفضل

مكيااجي صبايا

والاحلى عنه الووتر برووف اللي لونه ذهبي من مكياجي بعد للي عيونهم تدمع لانه ضد الماي ومايسييح





والروج المفضل عندي

ريميل رقمه 040 - لونه لحمي على وردي شويه غامج - ترطيبه عاااااااااالي - لون الروج من برع احمر

شفايفي ورديه مايله للاحمر ,, حجمها وسط بس مليانه يعني الفواتح ماتوالمني موول



والقلوس المفضل عندي من ريميل بعد

ماذكر اسمه بس لونه لحمي مال للوردي شوي - الحلو فيه مايقطع الشفايف وخفيف يعطي لون طبيعي للشفايف










ان شاءالله يوم اتذكر شي برد للموضووع ^^

 

[عز النفس يغنيني]

رد: منتج اليوم المفضل ,, حياااااااكم مدمنات الميك اب

شهالموضووووووووووووع آلحلـووووووووو .. والله خوش موضوع وحلاته أكيد بالصـور ..

أول شيء بتكلم عن حمايه مو طبيعيه .. خاصه بجونا يبيلنا حمايه قويه ..

طال عمركم هذه حمايه بيوديرما قوتها 100 % تخيلووووووووو ..



وفي منها بلون وفي منها بدون لون .. انا عن نفسي ماخذه بدون لون لاني أحب احط فاونديشن بنفسي

أمي ماخذه بلون حيل حلوه وحتى للسفر حلوه ..

والشيء الثاني كونسيلر كريولان



روووعـه من جميع النواحي هو كونسيلر هو كريم أساس .. وحتى أرتب فيه السحبه تصير حلوه وأحطه تحت حاجبي ..

وأكيد أكيد يبيله مرطب للعين وأنا ارشح اللي قالته (عاليه ) مال كلينك رووعـه صراحه ..


والحمره إللي هابه فيها خلصت ورديت شريت منها هي حمره ريميل رقم 006 .. شقول وشخلي عن اللون ..

فظييييييييييييع لون البيبي بنك





وبس وإن شاء الله لي رجعـه .. يعطيييييييج العافيه حبيبتي

 

[happydays]

رد: منتج اليوم المفضل ,, حياااااااكم مدمنات الميك اب

حلوين النتجات اللي حطيتهوها

كريم العينين من كلينيك وايد حلو انا عجبني بعد لانه يرطب بس مب دهني لان انا غالبا حوالي عيوني يدهن و خصوصا في الحر

وحمر ريميل وايد حلوين و ترطيب

 

[أسيرة_أحزاني]

رد: منتج اليوم المفضل ,, حياااااااكم مدمنات الميك اب

كولستار وين هالماركه تنباااااع ؟

بنات ذكرو اماكن المنتجات حق المبتدئات

 

[جيسيكا]

رد: منتج اليوم المفضل ,, حياااااااكم مدمنات الميك اب

وااااااااااااااااااااااااااااااو
ماشالله الموضوع يهبل
فكرته حلوة وراح يكون مرجع للكل
فديييييييييييييتج يالزين
لي رجعه :eh_s(17):​

 

[Alia]

رد: منتج اليوم المفضل ,, حياااااااكم مدمنات الميك اب

حياكم الله نورتوا واتمنى باجي البنات فهموا فكرة الموضوع انا اقصد Product of The Day
يعني منتج جربتيه اليوم وحابه تذكرينه لنا مثال : يوم الجمعه جربتي فاونديشن وكان مميز تذكرينه لنا ,, يوم السبت جربتي عطر مميز وحابه تذكرينه الخ ,, حبيت اوضح لانه في بنات سالوني عالخاص

خواتي اللي شاركوا

عز النفس: بيوديرما انا جربته بالسفر خوووش حماية ,,, وكونسيلر كارولاين انا ماحبيته لانه لقيت له بدائل وايد لكن لامانه يغطططططططططططططططططططططططططططططططي عدل لوووووووووول من قلب ,, حمر ريميل شوقتيني عليهم

حلاوه حمره : شوقتيني على مكياجي وريميل صج حمرهم ترطب والالوان حلوة وفاوندييييشن جيرلان حدة واو هذا في لستتي القادمة

 

[Alia]

رد: منتج اليوم المفضل ,, حياااااااكم مدمنات الميك اب

كولستار وين هالماركه تنباااااع ؟

بنات ذكرو اماكن المنتجات حق المبتدئات

في بجمعية الشامية والروضة وضاحية عبدالله السالم وانشالله البنات اللي يشترون منها يدلونج عدل