منتدى كويتيات ... ولا المعارض

[مفرفشة ومنعنشة]

السلام عليكم
بنات باخذ رايكم بشغله
تتوقعون شنو احسن ... ان الوحدة تسجل بالتاجرات وتعرض شغلها ( ملابس ) بالمنتدى ... ولا المشاركة بمعارض احسن
انتوا اشرايكم

 

[ذويقه و انيقه]

نصيحتي . اذ خايفه البضاعة تطيح بجبدج حطي اعلان بالمنتدى وجمعي الطلبات و بعدين اما انج تخيطين او تطلبين من المواقع مثل ما يسوون التاجرات . و اذا البضاعه عندج جاهزة اشتركي بمعرض و اللي يبقى عندج عرضيه بالمول و بعدين اشتراك المول25 دينار ما يسوي اشتركي بالاثنين .

 

[sKyLiTeGirL]

انا اشور عليج بالمعارض كبدايه

اهني التواصل صعب مونفس المعارض

والله ايسهل عليج

وسالي التاجرات بالمول وان شاء الله مايقصرون وياج

والله ايوفقج

 

[مفرفشة ومنعنشة]

مشكورين ياعمري وما قصرتوا :tek:
وناطرة راي باجي البنات

 

[أمواج البحر]

احنا ما نقدر نفيدج

احسن شي سألي التاجرات اهني

لكن اللي حلو اهني مثلا اذا كنتي تطلبين اغراض من برا ما تطيح بجبدج

يعني تشوفين اشكثر الطلب عليها وتاخذين عربون وبعدين تطلبين

وبجذي انتي الربحانه

وبالنسبة للمعارض التواصل مع البنات يكون اسهل

والله يوفقج

 

[مفرفشة ومنعنشة]

آنا ما راح اطلب بدلات من بره .. لاني اصمم ملابس وحابه اعرضهم .. واشتركت باكثر من معرض من قبل .. وحبيت اسأل عن المنتدى لان ماشاء الله اشوف في وايد بنات مسجلين فيه

 

[مفرفشة ومنعنشة]

وينكم بنات
محتاجة رايكم

 

[أسرار الطبيعة]

بدايه دخلي في كويتيات موول
بعد ستة أشهر وتحقيق ارباح معقوله دخلي بمعارض شراكه مع أخرى
بالتوفيق ، نشوفك هناك إن شاء الله

 

[كيوت_25]

انا اشوف اثنينهم احسن و الاشتراك سعره حلو فبإذن الله ما راح تتحسفين

 

[روعة افكاري]

تعالي المنتدى ولاتتركي المعارض

وانا اذا بغيتي اروج لبضاعتك عندنا بالسعوديه وانامصممه وعندي معرض واشارك في بازارت كبيرة

لو حابه تراني اشتري منك


ربي يوفقني ويوفقك

 

[مفرفشة ومنعنشة]

تعالي المنتدى ولاتتركي المعارض

وانا اذا بغيتي اروج لبضاعتك عندنا بالسعوديه وانامصممه وعندي معرض واشارك في بازارت كبيرة

لو حابه تراني اشتري منك


ربي يوفقني ويوفقك

حي الله اهل السعودية :68_asmilies-com:
حبيبتي جيكي على الخاص :tek:

 

[مفرفشة ومنعنشة]

استغفر الله ... استغفر الله ... استغفر الله

 

[#حور#]

حبيبتي الاثنين زينين كن لمعارض يصير فيها شراء اكثر لان البنات يشوفون البضاعه بعينهم ويمكن يقيسون ويشوفون الخام

لكن بالنت شوي صعبه وتتاخر سالفه الطلبيه والتوصي وغيره ويمكن البنت تطلب شي وماتاخذه ويصير قهر واحراج

 

[ام عيالي]

والله اثنيناتهم زينين عندي ماكو فرق الا ان المعارض فيها تواصل وتفاعل اكثر

 

[طموحه]

انا اقول سجلي بالمنتدى تعرضين فيه على مدار السنه ودشي معارض

 

[sOkOnOnO]

المنتدى شوي لويه
يعني 24 أسئلة و وين وين على ما يشترون منج و بعدين يبيلج مندوب و يبيلج طولة بال
و في وايد ناس ما يدشون المنتديات و مايدرون شالسالفة فآنا أقولج إشتركي بالمعارض و بعدين اللي يزيد عرضيه بالمنتدى

 

[pretty86]

من رايي انه المنتدى احسن بس اذا لج خلق الاثنين

 

[ام حموود]

اقول ليش ما تعرضين منتجاتج من البدل بالمنتدى يمكن نشوفهم او نشتري منهم على قولت المثل دهنا في مكبتنا

 

[blue diamond]

انا اشوف الاثنين
وموفقه حبوبه

 

[جرح الليالي]

التواصل بالمعارض افضل