منتديات كويتيات النسائية يتميز بشنو عن باقي المنتديات؟؟؟؟

[فطوووووومه]

صراحه منتدى كويتيات منتدى مميز وااااااااااااااايد ومااقدر استغنى عنه منتدى منوع فى مواضيعه وكافى انه منتدى كويتى انا دخلت منتديات وايد بس مثل هالمنتدى مالقيت

 

[جےـود الحےـزن]

والله من ادخل لما اطلع من النت وانا فاتحة كويتيات ولا مرة مليت منه احسه بيتي الثاني والبنات اعتبرهم خواتي واهلي الله لا يفرقنا وصج لاقالوا الكويتي انفع وااااااااااااااااااافديتنا

 

[MaYoOoma]

تصدقون عاد عندنا منتدى انا واختي بس مادخل هناك كثر كويتيات
اصلا ماعرف ولا ارتاح اذا مابطلته حتى لو ما اقرى شي

عسى ماتسمعني اختي

 

[&زهرة اللوتس&]

حتى انا والله وايد تعلقت فيكم

ما شاء الله اكثر المنتديات كوبى وبست لكن انتو موضيعكم عسل

تشجع للقرائة لكن في شي مضيخ خلقى تدرون انى من ا3 ايام وانا احاول ادخل المنتدى

اخر شي تعبت مادري شنو السالفة

 

[كويتيه85]

مشكوره على هالموضوع


صرااااحه انا وحده ماااا استغنى عن هالمنتدى صارلي سنه فيه وااااحس جني فيه من زمااان،كل يوم موضوع جديد وومعلومااات جديده وشغلات حلوه وأفكاار خياليه ،واي شي ااابيه موجود، والبنات ماايقصرون .


وفي بناات الله يجزاااهم خير حيييييييييييييييييييييييييييييييييييييييييل أأأحبهم وأدورهم دواااره بس بقرى مواااضيعهم و ردودهم ، ماشالله عليهم اااسلوبهم حيل حلو.

وشكراا

 

[Swan]

صاجه المنتدى مميز عن باجي المنتديات
والله شكثر منتديات مشتركه فيها بس ما حبيت الا هالمنتدى
احس انه غيييييييير جنج قاعده بيمعه اهلج
واللي حبيته فيه اكثر ان الكل يشارك ويعلق يفيد ويستفيد
وانا عن نفسي استفدت من وااااااااااااايد مواضيع
والبنات يهبلون ادب واخلاق وسنع ولا سولفتي معاهم ما تحسين انج غريبه ولا يفهمونج غلط
واحلى مافيه ان مافي مواضيع منقوله وايد اللي تخلي المنتديات كلها مثل بعض
والله فيه مميزات وايد لو بعدها ماراح اخلص...

 

[حلاوة الإيمان]

بصراحه منتدى هذا مووووووووووووووووووووطبيعي

 

[:: Diva ::]

اجمل مافيه انه يضم عضوات من كل الشرائح و المستويات
صاير كأنه مجتمع صغير فيه البدوي و الحضري السني و الشيعي الغني الفقير
و الاحلى ان القلوب على بعضها

 

[بشتخته]

منتدانا فيه ملح الكويت الغاليه

وفعلا يعكس قلوبنا الطيبه الصادقة

وهذا سر نجاحه

 

[دلوعة روحي]

تبون الصراحة انا مشرفة بمنتدى ثاني

ادش هناك و هني

مادري شنو الشي اللي يشني لمنتدى كويتيات

دلتني عليه رفيجتي و ما قصرت

كل يوم اقرا و لازم اطلع و لو بمعلومة يديدة

غير البنات اللي تعودت عليهم

اللي هادية و اللي سوالفها تضحك و اللي كله تتهاوش

بس حبيتهم كلهم

و الادارة الصراحة حدها تفتح النفس

يعني كفاية كفاية الجهود المبذولة ماشاء الله


موفقين كلكم يا بنات الكويت

 

[bent_nadia]

اشترك بمنتديات بويوم يوين وااقطع بس كويتيات المنتدى الوحيد الي قعدت فيه ونص اهلي فيه
عصابه هههههههههههههههههه
ما شاء الله منتدى متكامل من كل النواحي
من شفافيه العضوات والكل على قلب واحد
من مواضيع واقسام
وانه يتجدد على طول
واتمنالكم التوفيق ياكويتيات من اصغركم لي اكبركم

 

[lime&lemon]

ما شفت منتدى سنع مثل هالمنتدى ولا شفت انسانه بذوق و أخلاق و تعاون بنت الكويت ..............على راسي والله

 

[ريشه فنانه]

عساااكم علي القوه بنات الصراحه كلمه رهيييب اشويه علي هالمنتدي الطيب طبعا هذي اول مشاركه مني معاكم بهالتجمع الكويتي وهذا اكثر شيء عاجني لانييي فاقده الكوييييت واهلها مجرد دخولي علي المنتدي الصراااحه احس جني زايره اهلي بالكوييت تكفوون ادعولي ارجع بالسلامه

 

[قتلوني]

أول شي أنه نسائي
ثاني شي فيه تفاعل
وعدد الأعضاء متناسب
وأنا أحب التفاعل
وكمان عشان المنتدى خليجي عام وكويتي خاص

 

[*بسبوسه*]

اللي يميزه ان اغلب اللي فيه بنات دييرتي
ومشالله كل شي فيه وكل الاخبار فيه

 

[ScarletteO'Hara]

حالي حال البنات كنت مشتركة في منتدى ثاني يمكن لسنتين ما كان لي معاهم الا 40 رد, المواضيع جامدة و كله كوبي بيست, ما حسيت نفسي اندمجت مع بنات الجنسيات الثانية لانه في افكار احنا الكويتيات كلنا نتشارك فيها و قلة من العرب يوافقوننا فيها, هني كفاية ان المنتدى انبنى بإيد كويتية, عقلية كويتية, يهم الكويتية من كل النواحي, البنات عسل عسل عسل!!! احسني ضايعة لما يعلق معاي المنتدى على طول اسكر النت, لي علاقات حلوة مع كذا بنت صج انها ما تعدت حدود النت بس حيل اعتز بمعرفتهم

 

[costa chic]

بالنسبه لي منتدى كويتيات من اروع المنتديات بالعالم ليش؟
لانه متميز بكل شي و اذا تبين شي كتبي الموضوع بسرعه يردون عليج

 

[جــــود]

ماشاءالله عليهم

 

[آلسحرآلحلال]

منتدى شااااااااااااااامل كل شي ... و له نكهاا خاصة ....

بس لو ما يعلق ويطلع ايرور كل ساع