منشولة حدي شسوي؟!

[yasmeen_q8]

السلام عليكم بنات
صارلي 3 ايام اعاني من نشله مو صج مادري من ويين يتلي
لما انام احس بضيق نفس كأن شي قامتني وقاعد على صدري
وحتن وانا قاعده صارلي فتره ما انام عدل واقوم الصبح مبجر
من الخنقه

شربت فيتامين سي الفوار بس ما ياب معاي فايده
وشربت عصير برتقال وعصير ليمون فريش ماكو فايده
خشمي حده مسكر ودكتورتي عندها زحمه ما تستقبل الا المواعيد
شسوي اكيد انتوا بعد مريتوا بهالحاله لاني ما كنت استمرض وايد
قبل بس من حملت كل شهر وشي وخايفه البيبي يختنق ولا يتأثر*

 

[yasmeen_q8]

اب

ساعدووني متكسره فوق عوار العظم مال الحمال واني ما اقدر اقوم من الفراش من العوار هالشهر عوار جسمي من النشله احس عمري مفججه*

 

[iLLuMinaTion]

الله يعينج حبيبتي

 

[عطر الأنوثة]

انا بعد منشوله و ما اقدر انام بالليل و اقعد الصح مبجر

بعد ما اروح موعدي عند الدكتورة

إذا قالتلي شي مهم اقولج

 

[غلاي6]

انا بعد نشله واحتقان ونفسج احس ماانام عدل. وغير الثقل بعد

رحت مستشفى السلام طوارئ قال مااقدر اعطيج شي

وعطاني حلاوه حق الاحتقان اسمه نايس. يقول خفيف اخف من الانواع الثانيه

 

[Violetta]

انا دكتورتي صرفت بخاخ اسمه اتروفن وااااايد زينه

 

[yasmeen_q8]

بنات حبيت افيدكم رحت اليوم حق دكتور زكريا ابو المعاطي والله خوش دكتور شرحلي كل شي بالتفصيل ليش احس من تحت العظلم متكسره ماني قادره اقوم يقول ان كل ما الوحده تتقدم بالحمل الحوض بيتكسر اكثر لدرجة بالتاسع ما تقدرون تتقلبون لا يمين ولا يسار
وبالنسبه للنشله والكحه
دوا شراب للكحه في منه حق الكحه فبلغم وبدون بلغم اسمه Prospan
كتبتلي اياه نزهت من قبل
وهذا مص قالي كل ساعتين ٥ مرات اسمه Anginova
وعطاني قطرة للخشم اسمها أوترفين otrivinللاطفال مو العادي

اتمنى اكون فدتكم باسماء ادويه مسموحه للحوامل