منصصصصصصدمة من زووجي واااايد تغير 180 درجة

[حبي كل الغلا]

بنات انا كاتبة موضوع من فترة عن ام زوجي

جوفو الموضوع الي قبل و جوفو زوجي شنو صار الحين

بنات زوجي كان اموت فيني سافرت العمرة 5 ايام وامس رجعت ويوم رجعت
قالي كل واحد اعيش ابروحة وراح اجاملج بكل شي
وكل شي راح اعطيج اياه عشان افتك من كل شي
وقالي كنت قبل افكر الي يعاملون زوجاتهم جذي انذال لكن انا راح اعاملج جذي

بنات توقعون امه مشوشته عني اقروا موضوعي الي قبل راح تفهمون السالفة

نفسيتي تعبانه حبل تخيلوا بعيش مع واحد بس اسم زوجي
حتى الحب اقول راح اجاملني فيه
سكت وله قلت له وله شي وحتى مادري شفيني موقادرة اصيح احس منصدمه وايد

تكفون ساعدوني شنو ارد عليه شاقوله​

 

[M!SS.LOBY]

لاحول ولاقوة الا بالله

 

[M!SS.LOBY]

الله يهديه لج صبري عليه يمكن زعلان من شئ او فاهم غلط
او احد ناقل له كلام صبري وفهمي من عنده.

 

[فرزاشيهـ]

الله يهديه لج صبري عليه يمكن زعلان من شئ او فاهم غلط
او احد ناقل له كلام صبري وفهمي من عنده.

معاها صح يمكن احد موصل له كلام و مقولينج كلام او شي !!:eh_s(10): قريت موضوع امه حدها موصج



بس اختي انا بنصحج نصيحه انا من قريت عنوانين مواضيع حسيتج حييل متشائمه و حساااااااااااااسه

اذا تبين تعيشين ؟ كبري رااااسج و تغاظي عن خالتج و عن سوالفها

و ان قطت عليج كلاام ابتسمي و سوي روحجج ماسمعتي :eh_s(8): ولله صج

اذا انتي تحبين زوجج و تبين تكملين حياتج معااااه و تبينه و يرد لج

طوووفي كل شي ولا تعطينها اهتمام و اذا عن الزيارات خففيها

تعذري جاامعه دوام شغل مريضه في الف عذرر صدقيني

لان مبين من خالتج النقاش معاها صععب و ان جتيها بالطيب مايفيد ف خلج من بعيد لي بعيد افضل لج و لزوجج

و عن علاقته و مكالماته مع امه لا تتدخلين بينهم ام وولدها ماحبيت نقطه انج تفتشين تشوفين مكالماته مع امه .،

و الله يهديه و يسخره لج يااارب:eh_s(7):

 

[وردة وطني]

حبيبتي الله يهونه عليج الرقيه الشريعه انصحج فيه اخاف حسد او عين اوشي من هذ ا لاتحاتين ربج بيسره مثل ماكان يحبج قبل بيتم يحبج اللحين
لان تصرفاته مو طبيعي فجاه قال جذي والله يعينج ويوفقج

ويسخره لج

 

[حلآوهـ حلوهـ]

حاولي تكتشفين شو السبب
يلسي معاه بكل هدووء وفي جو هادي ومرييح للكلام
شوفي شو مضايقه شو مزعله شو السبب ,,
مايصير جذي يقول كلام بدون سبب
دوري لج حل بعد ماتلقين سبب المشكله
وام ريلج خلج معاها رسميه وايد احسن ولاتتضايقين من اي كلمه تقولها
لانج بتتعبين وايد طوفي " طنش تعش تنتعش" صدقيني دوري راحتج ورااحه بالج وراحه ريلج وعيالج
ترى الدنيا ابد ماتسوى
والله يصلح من بينكمم ويرد يحبج ويعشقج مثل اول واحسن

 

[سماء الاحساء]

الله يعينك ويسهل أمرك

 

[شوشة حبيبي]

الله يهديه ويسهل امركم

 

[relly-story]

طبع الام غيوره على ولدها بكل شي ودايما تشوف زوجة ولدها موزينه مهما كانت

هذي فطره لان تحس اخذت ولدها منها

العيب فيج غيري شخصيتج عشانه حتى لو جذب وتمثيل عادي غصبن عليج لان هشي راح يعطي نتيجه بعدين وايد زينه

فكري وتصبري

وصدقيني اهو يحبج حيل ولو مايحبج جان انها كل شي بينكم

لكن يبي يرضي امه

انتي سكتي ولا تجرحينه هالايام

وارضي بالعقاب

لان بالنهايه مارده لج

وفرصه تراجعين نفسج بكل حياتكم

وربي يسعدكم ويهديكم

 

[ام الدرر]

حبوبة انتي طبقتي نصايح البنات بالموضوع الاول
لا تطلبين النصيحه وتتمنين يتعدل حالج بدون ما تتعبين
تقربي من امه لا تقولين طبعها وافعالها واقوالها
طنشي حبيبتي وتغاضي عشان مركبج يمشي ​

 

[اميره^_^بحلآها]

صح تقربى من امهه و بعدين صراحهه العيب فيج غيري شخصيتج عا الاقل عشان زوجج
الله يهديهه لج

 

[PuPa^^SWeeT]

لاحظت بمواضيعج كلها

هو انها حملت وياج و نفست وياج




انتي حاطتها ببالج



تراا ممكن انتي كثر ماتحطينها ببالج قاعدة تخسرين ريلج



هدي اعصابج و فكري عدل



موضوعين كاملين عن ليش حملت معاج



ياربي كييفهم يمكن ريلها اللي اهو عمج تذكر ايام الشبااااب و راااح لها




تركيييها عنج و بس



وسالفة اكل الياهل ومادري عادي ترا ما اشوووفها جايدة السالفة



انتي عرفي تكسبينها بالاول بعدين تعالي قولي ريلي شفييه


بذلي مجهووود وياها شوي


و خلي ريلج يشوف انج اتموتين فيها


مو انج انقهرتي انقهرتي انقهرتي

 

[خالتي قموش]

ياربي كييفهم يمكن ريلها اللي اهو عمج تذكر ايام الشبااااب و راااح لها


ههههههههههههههههه ضحكتيني وانا مقهوره

الرزق على الله
احمدي ربج
تعالي شوفي مصايب غيرج وقولي الحمدلله
يا معوده ذكري ربج
تركي عنج امه وخلي المره بحالها
شاغله نفسج فيها
يمكن هذه حوبتها غيرت ريلج علييج
صفي نيتج تجاهها عشان الله يسهل امرج

 

[Um Tuki]

حبيبتي حقريها
ترى كل ما انقهرتي اهي تستانس
حملت او اولدت في الطقاق اهيا اللي بتربي موب انتي
انتي حطي بالج على ريلج و بيتج و عيالج و لا تفكرين تردين على ريلج ااذا قالج شي
لان احسه مشحون و منظغط
يمكن الوالدة قايلتله شي
عموما انتي هالفترة خلج بعيدة و خلي زوجج على راحته و شوي شوي تقربي من ام زوجج بالذات جدام ريلج مدحيها و اشتريلها مرة عطر مرة ميك اب
لاني احسها تحب تعيش شبابها لانها مو كبيرة وايد ٤٥ سنة
عطيها على جوها خصوصا جدام ريلج عشان لو صار ما صار يقول زوجتي تحب امي
مب كله تتحلطمين على امه
محد يرضاها ترى

 

[قمة^الانوووثة]

حسيت من كلامج ان المشكلة فيج
مافي بنت سنعة تداحر الرجال على امه و الرجال ترى يحس لو انتي مو متقبلتها اانا مادري شنو موضوعج لكن الصبر ماعليج غير الصبر و خليه يرتاح بعدين اذا حابة تفاتحينه بالموضوع او انتي تسحبينه لقلبج شوي شوي

 

[ELFAD3Ah]

الله يهديه ويسخرج لج يارب

 

[Artq8]

مشكلتج حطيتي روحج بمقارنه بينج و بين امه و كانت معادله فاشله لو مكبرة راسج و حطيتي نفسج مكان زوجج و امه اهيا امج اكيد ما راح ترضين عليها الكلمه و حاطه دوبج دوب المرا احملت و شبيتي ضو ليش حملت معاج اعتقد زوجج شايف مواضيعج بالمنتدى و شاف كلامج عن امه و عشان جذيه تغير عليج لا تحطين روحج بمقارنه خسرانه لان فعلا المرا بدالها مرا و الام ما بدالها احد و الجنه تحت ريولها كان المفروض مكبرة راسج و مبطله غيرة منها راح عندها تبي. تبعدة عني قعد عندها نام عندها ترا اهيا نا سوت جذيه عشان تقهرج سوت جذيه لان ولدها و تشتاق له و تبي قربه بس انتي حاطه في بالج لا تبي تقهرج اضن ان انتي جربتي الامومه الحين كان المفروض تحتين على الام بعد ما شفتي تعب الولادة و التربيه و تقولين ان اهيا قالت لا تخلون عيالكم عندي و خليتيه ولدج عندها حتي لو قالت خليه عندي مجامله المرا توها والدة معاج تعابل بولدج و لا ولدها اذا استمريتي على هالحاله توقعي باي وقت زوجج يطلقج لان الام غاليه ححاولي تصححين موقفج و تطنشين

 

[أم دوينة]

البنات ما قصروا

سكتي عن هالموضوع الحين لين تهدا النفوس والامور ما تنحل الا بالهدوء والتفاهم