منطقة تحبون افتح فيها صالون ساعدوني برايكم ؟ شاركوني

[أريد حلا]

السلام عليكم ..
خواتي ان شاءالله بفتح صالون بس أبي اقتراحاتكم لان زادو الصوالين ماشاءالله وفي مناطق من كثرة الصالونات فيها

ماتدرين من تروحين ...

شنو اكثر شي يجذبكم لمن تروحون الصالون ؟

شنو أكثر الأعمال االي تحبون تسوونها في الصالون ؟

تفضلون الصالون يكون بمول او عمارة او فرع ؟

الاشيااء اللي تفتقدونها في اغلب الصالونات ؟؟




اتمنى تجاوبون على هالاسئلة اكون شاكرة لكم .. وعيدكم مبارك

 

[مـهـــابــــه]

بالتوفيق يارب

اهم شي الحين يجذب البنات الشغل الناعم ميكب و التساريح البروفيشنال و العروض و الاسعار الرخيصه

الديكور مهم جدا جدا شوفي كثر ما تقطين عالديكور قطي

الموقع كل ما كان واضح و مسافطه واجد كل ماكان احسن مو بدواعيس و مكان محد يدله

العاملات لازم يكونون لبس موحد و اشكالهم نظيفه

حساب الانستقرام للانتشار السريع و اعتمدي عالدعايه لاتقولين واجد صالونات صدقيني المميز يفرض نفسه

 

[مذهلة2013]

فتحي باي مكان الا الجابريه هههههه
الديكور اهم عامل واكيييد بدايه سوي عرض والله وسعر زين

 

[لولو الكويت 88]

انا من الاشياء اللي اشوفها بالصالون قبل مااروحله

المكان، لازم مكانه معروف ومايكون بعماره او دواعيس

ثاني شي اشوف اسعارهم


بعدين اقدر اروح اجربه
و اذا ماعجبني المكان ولا السعر ماافكر اروح بالمره

 

[lulu_q88]

مثل ماقالو البنااات

اذا كان بفرع او حول جمعية المنطقه < احسن شي انا اشوف لانه قريب واغلب اللي بتتوهق وتستعجل بتفكر فيه مثل حالتي انا وصالون جمعيتنا لوول كله زحمه ماشالله عليهم ومايلحقون من مكياج او شيره والخ

والاسعار كلها نفس الشي بكل الصوالين

المنقف الجابريه كلش كلش لاتفكرين فيهم ماشالله زحمممة صوالين ههههههه

مممممم وبعد

بس البنات ماقصروا واهم شي توكلين ع ربج والله يباركلج بشغلج ويوفقج

 

[حقوقية 2011]

مع البنات
بمنطقة ما فيها صوالين و مكانه ما يضيع و فيه مسافط
فرع او عمارة ما يهم بس مول كلش ما انصح
مثلا وحدة يايه بتسوي تسريحة ولا ميك احس صعبه طالعه من المجمع و اهيا فل ميك اب و تسريحة
و الديكور يلعب دووووووور انا عن نفسي اول ما ادش الصالون انتبه حق الديكور
و همن العاملات الي بيشتغلون عندج لازم يكونون هاديين مو سوالف و صراخ و ضحك

 

[اميره بكلمتي]

أنا أقول تسوينه بمكان معروف مو دواعيس او عمائر لانه في بعض البنات ما يحبون صوالين اللي بعماير واهم شي النظافة العامه بصالون والمعاملات والأدوات تبعها وحلاته يكون الشغل عام الشيره والبديكير ومنكير واهم شي غرفه البخار مالت الحمام المغربي واهم تكون نظيفه ووسيعه وكثري من العاملات وهم بعد ما نستغني عن الميك والشعر

 

[لوولوو_88]

رايي من راي البنات .. جابريه لااااااا .. يفضل يكون بمكان هادي مو لويه و زحمه .. الديكور رايي من رايهم البس الموحد بعد .. اهم شي شعر و مكياج و بدكير و منكير و حمام مغربي ..

ربي يوفقج و يفتحها عليج باذن الله

 

[أريد حلا]

يعطيكم العافية بنات مشكورين على الاقتراحات .. انا مثلكم حاليا ماحب ماروح العماير والدواعيس احس الزباين صارو يدورون الشي
الواضح و الاحظ اكثر شي يرتاحون للنيلز بالمول ..

 

[جوري الصالح]

الله يــــوفقج ويفتــــــحها عـــــليج

ضـــــروري الصـــــــالون يكون نظـــــــيف
وبعمــــــــارة نظــــــيفة
واذا تقــــــدرين دور ارضــــــي نقطــــة مهمــــــه

اهتمــــــي بدراســـــة المشــروع والمــــــوقع
والمـــــصفاط

 

[86روعـه]

افضل مكان يكون بمنطقه سكنيه ويكون يم جمعيه مثلا
واكثر شي افتقده بالصوالين انه العاملات مايكونون حشريات
يعني ماما انتي وين يشتغل ؟؟
ماما كم فيه بيبي ؟؟
ماما كم عمرج ؟؟
امبييييه خير شالسالفه لوول

وبعد نظام الاشتراكات حيل حلوو
والمساج التخصصي والترديد بخبره
وتعقييييم الادوات تتبطل جدامنا
وانه يكون بالمواعيد
اي بعد شي حيييل احب يكون موجود
انه البديكير والمنكير يكون برايفت مو امد ريولي والا ايدي يمي وحده تخززززز
امبيه شتبين لوول
واخر شي نصيحه لوجه الله لاتركبين رموش ولاحف حواجب وسلامتج
وبس الله يوفقج

 

[ماعاد بدري}~]

الله يوفقش ويبارك لش فيييه .. والف مبروووك يعطييش غيره و يكفييش شره

انا صراحة افضل الصالون يكون بمنطقة الجابرية .. منطقة حيه وتحسين فيها ناس مو هادية
وبنفس الوقت سكنية يعني حلو الموقع لو تحطينة هناك ..
اما اذا كان الصالون سبا و حمامات مغربية واشيااء زي هذي يفضل انها تكون بمجمع تجاري
وجهة نظري و عيدش مبارك ♥

 

[ماعاد بدري}~]

الله يوفقش ويبارك لش فيييه .. والف مبروووك يعطييش غيره و يكفييش شره

انا صراحة افضل الصالون يكون بمنطقة الجابرية .. منطقة حيه وتحسين فيها ناس مو هادية
وبنفس الوقت سكنية يعني حلو الموقع لو تحطينة هناك ..
اما اذا كان الصالون سبا و حمامات مغربية واشيااء زي هذي يفضل انها تكون بمجمع تجاري
وجهة نظري و عيدش مبارك ♥

 

[أريد حلا]

الجابرية موزينه وايد عمارات فيها دعارة اعتذر عن هالكلمة بس وايد بنات يشتكون يقولون بالغلط نصعد العماره نشوف اشكال مشبوهه
خاصه بعد المغرب ..
دور ارضي يفضل ... والرقعي والجابريه استهلكوهم حييل بالصالون لدرجة محد قام يشتهي يروحهم بسبب عدم تواجد مصافط

 

[86روعـه]

هههههه ماينفع كلش نسوي حمام مغربي والصالون بمجمع لوووول

 

[to0taa]

فتحي في بيان ماكو الا واحد يلوع الجبد و الستاف كله منفسين ،،، اكثر اشياء مطلوبة الحين ،،، اظافر رموش نقش و الشعر ،،، المكياج قليل يحطون البنات بالصالون ،،، واشياء الصالون الاساسية ضروريه حف شيرة مانكير و يعطيج العافية والله يوفقج ويرزقج

 

[منار123]

النظافة
حفافات بذمة وضمير
بدكير ومنكير الي نادر نلقى صالون يضبطونه


السعر المعقول
يكون قريب في الفرع أو الجمعية بيصيير زحمة عليه اذا الشغل زين
و بالتوفيييييييق

 

[.Thuraya]

up
up
up

 

[.Thuraya]

افضل الصالون يكون بمكان واضح
وماحب العماله اللي تتكلم وايد او بنفس الوقت منفسه او صوتهم عالي او ياكلون بصالون وتنقلب ريحته زفره
احب المكان الهادي والنظيف ولما الصالونه يكون بالها وسيع وتضبط التسريحه وارتاح بصراحه لما يكون عليهم مراقب مديرتهم

 

[أريد حلا]

شكرا