منـو أصــــدق !!

[كـلـي أمـل]

مرحباااا بنات*

انا حامل بالسابع ولله الحمد ..

في بداية حملي كنت محتاره ع الدكتوره اللي بفتح ملف عندها .. ولضيق الوقت عندي اخترت الدكتوره تاتيانا ( بلغارية الجنسيه) عجوز تشتغل بمستشفى الراشد اللي بالجهراء..

ارتحت لها وكملت معاها ..
ومرت الايام وكان عندي سونار بااااخر الثالث *وبشرتني انه ولد ..
وبالرابع هم بشرتني انه ولد ..
وبالخامس اكدتلي انه ولد وباركتلي انا وابوه ..

ومرت الايام وقررت اني اولد بمستشفى السلام واخترت الدكتوره امل عبدالعزيز عن مدح بعض البنات لها ..

وفتحت عندها ملف بهالشهر بشهري السابع ووالله والله انها تهبل ونفسيتها عسل وكلامها حلو وتعطيني وقتي بالاستفسار .. لكن*

لما سويت السونار قالت فيج بنت .. الحمدلله ربي لك الحمد ابدا ماتضايقت بس اللي ضايقني اني تعشمت بشي وصار عكسه .. موعن بنت او ولد والله لو العكس .. بس انا بحياتي كلها مو بس هالسالفه ماحب اتعشم ويطلع العكس

قتلها بس دكتورتي تقول ولد .. قالت لامستحيل .. هذي الشفرتين شوفيهم وماكو شي بارز عشان نقول ولد ..
قتلها بس انا اذكر اني كنت اشوف شي بارز عند دكتورتي اكثر من 3 مرات*
قالت لالا حبيبتي خلاص جهزي وردي بوردي فيج بنوته ..

بنات الحين منوووو اصدق ..؟!*
وشسوي لاني بجهز وامي نصحتني اخذ الوان محايده ولاولدت وبين عاد تضبطني باللون ..

بليييز بنات الله يخليكم لاتدخل وحده تقول البنات نعمه واحمدي ربج لان مو هذا موضوعي انا اصلا اموووووت اموووووت ع البنات وع طرفهم وناطره الولاده ع احر من الجمر لاني احب البيبيات بس.. القصد منو اصدق ؟! دكتورتي السابقه تقول 100٪ ولد ودكتورتي حاليا تقول 100٪ بنت ^_^وشرايكم بشور امي اني اشتري الوان محايده*

 

[kuwaitiya_84]

الله يقومج بالسلامه اذا محتاره سوي سونار رباعي الابعاد احسن لج وهم جهزي الوان محايده احسن لج
والله يبلغج فيهم ان كان ولد او بنت ويوقمج بالسلامه

 

[ghadeeeer]

وقت الولادة بتعرفين ربي يهون عليج

 

[الجوهرا]

انا من عقب مامريت بااخطاء السونار قمت اشتري اوف واي وابيض

 

[أإلع ـشق دلع ـهـأإ]

سوي ربااعي يبين عدل

وفي بالسلام دكتور اشرف يعرف سوي سوناار عنده

رديلنا خبر عااد ناااطريين

 

[● عـِـِـِزۈة آخ‘ـَـۈاْنـهـآ «-~]

جهزي الوان محايده

بالعكس جذي ونااااااسه علشان تتشوقين
للبيبي حزة الولاده


الله يسهل عليج

 

[أأأميرة الورد]

عيدي السونار مره ثانيه عند اي دكتور

 

[sosowaty]

وااااي الله يعينج ماحب اللخبطه هاذي حاولي تروحين لدكتووورة شاطرة و سالي

 

[Om boosha]

شككتيني انا جهزت ازرق بزرق
اكدلي الدكتور ولد ووراني بالسونار وكان كل شي وااااضح
امبيييه لازم اروح اسوي سوونار
عاد الكل فرحان لان اول حفيد يكون ولد

 

[BaTTy]

روحي بو حمرا قسم السونار دكتور محمد السماك شااااطر ب ١٠ ولا فتح ملف ولا شي نصيحة روحيله

 

[! بــدويه وآآيــد !]

،


الله يعينج صج وهقه :/


حبيبتي مالج الا تروحين دكتور ثاني تسوين سونار

وحيل يمدحون اشرف بالسلام يسمونه ملك السونار

روحي له وتوكلي على الله

والله يرزقج بللي تمنينه

 

[American.Life]

خلي جهازج كله الوان محايدة وربي يقومج بالسلامة

 

[La6o0oFa]

ريحي عمرج سوي سونار الرباعي مستشفي السلام ..

 

[You FOR Me Only]

سوي سونار مره ثانيه

الله يعينج بصراحه بمكانج بجهز الوان محايده

 

[دلوعة مبارك]

انا نفسج .... ساعات ولد وساعات بنت ما يندرا ..... شكلي بروح لأشرف الي بالسلام .....




بس بنات صج الي يقولون : ان كثرت السونارات تضر عالبيبي و تشوهااااا ...... انا سمعت هالمعلومة من امي وخاااايفة

 

[ملاك ^ الحب]

انا اقول اشتري محايد

ابيض اوف وايت واخضر واصفر

لاتنسين الاصفر عشان سبحان الله يصير بوصفار او شي

وبعدين الولاده اشتري اللون الوردي او الازرق

 

[عطاء أنثى]

حبيبتي جهزي لون محايد
ابيض اوف وايت اصفر اخضر



ولاحقه بعد ماتولدين امج تحدد ازرق والا وردي(؛

 

[ام فطوووم]

اولا جهزيو الوان محايده
ثانيا روحي للدكتور اشرف بالسلا
ثالثا الاخت اللي تسال هل السونار ايضر البيبي لا حبيبتي كللللللللش ماياثر
واخذيها مني
وبشرينا لاعرفتي شنو فيج

 

[عذبة الروح..]

الله يعينج .. مريت بتجربتج بحمالي هذا ما تأكدت ان بنت الا بنهاية الثامن ، بصراحة انصحج تسوين سونار عند غيرهم عشان تتأكدين وتفتكين من التوتر حاسه فيج

 

[مشتطـه]

لووول اشرف من كثر ما سمعت عنه

كانت امنيتي اسوي الرباعي عنده وما سويت

ويوم حاشني نزيف ويدزوني عليه تحت وبالصدفة طلع اهو

مادري خرعني ويهه ما يطمن كنت مرتعبه من الدم اللي نزل ويفر بالسونار ما عرف شالسبب
بعد اسبوع بين انفصال المشيمة


مو هذا موضوعنا خخخخخخخخخخخخخ



انا انصحج وبشدة ومالج الا هالحل

انج تروحين لدكتور شاطر ثالث وتاخذين رايه
والحل الثاني اشتري الوان محايدة
بيبي النفاس يلوع الجبد شكله مو مال لبس خخخخ

عقب النفاس عالاقل تبين الملامح شوي ويحلى واشتري

او اشتري حق اول اسبوعين بس ملابس
لا تكثرين