منهاره وتعبانه والحاله دمار / اللي لها خبره بالحياة الزوجيه تتفضل مشكوره

[دره خليجيه]

صباح الخيرات والليرات

عزيزاتي انا صار لي اكثر من 15 سنه متزوجه
وعندي ولد و 4 صبايا الله يخليهم ويصلحهم لي

زوجي صار له فتره بارد معاي بس طبعا مو قصدي الفراش
صاير ملوول واتكالي
امورنا يخلصها ولدي او السواق
مايكلمني الا نادرا يسمع سوالفي بس مايعلق
مسوي نفسه فاهم اكثر مني ونقّاد كثير لكل شي اسويه
لدرجة صرت اشك بنفسي واحس اني صايره مهزووزه شخصيتي
اذا انفجرت بينا انا اغلط عليه بس هو يوصلها للسب واللعن والدعاء ومد اليد
صرت منهاره ومجروحه حييل احس اني كرهته واجامله احيانا
المصروف مو مقصر بس مايفكر يعطيني فلوس زياده لي

هذا غير اخلاق اهله معاي ومع ولدي وحتى معاه هو
بس زوجي علاقاته فيهم سطحيه ونادره بس السلام والسؤال عشان ابوه
بس القهر انه يفرض علي انا وعيالي نتواصل مع اهله رغم انه يعرف ويشوف تجريحهم لولده اللي صار رجال
ومع مل هذا ما يتأثر ومو مهتم

وش رايكم وين الغلط وايش التصرف المناسب معاه
لو لي اهل كنت اخترت البعد بس للأسف متوفين

 

[ديانا سبنسر]

الملل والروتين. داخل حياتكم وانتي مدققة على كل شي. سوي تغييييييير لحياتكم من كل النواحي


أهله واصليهم من باب الأجر ولا تنظرين مقابل

 

[وردة وطني]

حاولي تغيرين روتينج وشخصيتج معه
وطريقة تفكيرج
وآلاهم من جذي الشخصيه والثقة. بنفس وااااايد مهمه هادي قدر ما تستطيعين.
حاولي تبيني اغلاطه بطريقه غير مباشره وباسلوب
بنسبه لااهله روحي لهم والسلام لله ترى صله الرحم يفتح لج باب رزق ويمد وبالعمر
لو كان أسلوبهم. معج ارف صيري رسميه معهم
وزوجك فيه خير لانه رغم مسوو فيه أهله . مع ذلك يببيج توصلين لهم واللي مافيه خير لأهله. مافيه خير لناس


والاهم من هذا كله طبقي كلام والله تحل امورج بكل شي وتيسر شغلي البقره بالبيت اقري البقره استغفري
ادعي ربج وشوفي الأوقات. اللي فيه الدعوى مستجابة.
الصلاه اخر الليل
تهتمي بنفسج وطريقه اسلوبج لا تصير. استفزازيه
وانتقاد ديه
بيني له ودج راعي ضروفه لاتفكرين بالطلاق لانه مؤ حل
. كوني مع الله وكلي امرج لربج والله الموفق

 

[طموحــة]

غيري اسلوبج معاه غيري طريقة تعاملج

الريال يبي الضحكه والبسمه والسوالف الونيسه

مايبي النكد والتشكي والعتب والزعل

جربي تتغاضين عن امور حتي لو رئيسيه بس لفتره شهر وراح تشوفين تغييرات

الطلبات والفلوس خلي عيالج يقومون بالمهمه ، واذا عندج خدامه ترتب اغراضه وتسوي الاكل غيري انت سوي الاكل اللي يحبه ورتبي هدومه وبخريه لما يطلع

عيشيه معرس يديد كرري شهر العسل بكل تفاصيله وان شالله بيتغير

الله يسخره لج ولعيالج

 

[iLLuMinaTion]

الله يعين

 

[لمى الهاجري]

فترة ملل الحياة الزوجية طبيعية خاصة مع مسؤولية اليهال انا اقول رحوا مكان ترتاحون وتهدون فيه بعيد عن الضغط يعني فندق شاليه سفرة وتكونون بروحكم

 

[al-musk]

بالنسبة حق موقف اهله أظن انتي وولدج تقدرين تقومون باللازم وتوقفونهم عند حدهم باحترام وادب بس بحزم وبعدها ماظن أحد بيتجاوز معاكم .. وبالنسبة لباقي الامور حاولي تلهين نفسج بشي مفيد وغيري نظام حياتج كله وخل ينعكس عليج هالتغيير وان شاء الله يلاحظ زوجج ويتغير هو معاكم .. ولاتغلطين بالهواش والمشاكل عشان لاتعطينه فرصه يتمادى ويمد ايده عليج

 

[بقايا الوان1]

كبري عقلك وطنشي كل حركاتهم حتى زوجك
اهتمي بنفسك وعيالك
واهم شي قوي علاقتك برب العالمين وكثري من الاستغفار والدعاء
وان شاءالله رااح تشوفين كيف يرجع زوجك لك
وعطينا الاخبار الحلوه
تحياتي لك

 

[دره خليجيه]

الله يبارك لكم
الشكوى لله
انا صرت يائسه من حياتي وماتفرق معاي تظبط حياتي او لا
الحين كل اللي حولنا اخوانه وقرايبنا بنوا بيوت واستقرت اوضاعهم
واحنا مكانك سر ماخذ شقه عند اخوووه وبدون ايجار
ومتفرغ لنفسه وكأنه ولد ١٨ سنه
اكبر همه يغير جواله مع كل موديل ينزل
وانا وبناتي تحت رحمة نظرة الناس لنا ان اخوه متجمل عليه وساتر علينا

حسبي الله ونعم الوكيييييل
حسبي الله ونعم الوكييييل

 

[om MaRyooM]

اذا اهو من زمان جذي فهذا طبعه وماتقدرين تغيرين شي من بعد كل هالسنين . دامه زوجج تختارين الصبر والصبر والصبررررر


اما اذا ماكان جذي وتغير فجأة فاكيد هذا روتين الحياة الزوجية .. وماقصرو البنات بالاقتراحات

اما بالنسبة لاحترام اهل الزوج لج ولولدج..فهذا انتي تحددينه
ومومعناته زوجج مو زين يعني تصيرين ضعيفة
بالعكس اخذي من تجارب الحياة كل شي ايجابي واي شي يصير خليه يقويج مايظعفج !

 

[عسل حدي]

قُلْ هُوَاللَّهُ أَحَدٌ * اللَّهُ الصَّمَدُ * لَمْ يَلِدْ وَلَمْ يُولَدْ * وَلَمْ يَكُنْلَهُ كُفُواً أَحَدٌ }


قُلْ أَعُوذُ بِرَبِّ الْفَلَقِ * مِنْ شَرِّ مَاخَلَقَ * وَمِنْ شَرِّ غَاسِقٍ إِذَا وَقَبَ * وَمِنْشَرِّ النَّفَّاثَاتِ فِيالْعُقَدِ * وَمِنْ شَرِّ حَاسِدٍ إِذَا حَسَدَ }


قُلْ أَعُوذُ بِرَبِّالنَّاسِ * مَلِكِ النَّاسِ * إِلَهِ النَّاسِ * مِنْ شَرِّ الْوَسْوَاسِالْخَنَّاسِ * الَّذِي يُوَسْوِسُ فِي صُدُورِ النَّاسِ * مِنْ الْجِنَّةِوَالنَّاسِ }

 

[هويتك]

كسري الروتين

جاملي اهله من باب الواجب فقط

وريلج غيري روتينج معاه

 

[Mjnont '3lay]

الله يعينج يارب

 

[قَلبڪْ صًخرْ]

شكله اتكالي

مالج الا الدعاء

 

[manoooram]

الله يعينج حبيبتي مالج الا ان تطلبين ربج ان يهديه لج
ولا تتهاوشين معاه ولا شي
صج احيانا المرأه تطلع من طورها لكن حاولي تهدين نفسج
من كلامج الملل متمكن بحياتج حاولي تسوين شي يكسر هالروتين
ويرد الفرح لقلوبكم
وزيارة أهل الزوج واجب شوفي لج يوم تزورين خالتج واستانسي معاها
واذا تقدرين تاخذين زوجج معاج أفضل بما ان تواصله قليل مع أهله

 

[امـ خــزامـى]

حبيبتي هونيها وتهووون واضح اللي فيك تراكمات من سنيييييييييييين

الله يحقق مناك ويسعدك

 

[!! دلوعته !!]

اب اب

 

[Tom ♥ Jerry]

,

اغلب الرياييل يحبون حريمهم يتواصلون ويا اهلهم
حتى لو الخاله تجرح بالكلأم و عندها سوالف .. هم يقول حق مرته روحي حق آمي .!

الله يكون في عونج .. انتي خلي حمولتج الحين على صوب
و حآولي تركزين على ريلج .. بس بنفس الوقت لا تصيرين لزقه و تغثينه
الله يهديه و يسخره لج

 

[PuPa^^SWeeT]

بالنسبة للاهل


واصليهم من باب التواصل فقط



و بالنسبة لحياتج


لا تغلطين على ريلج لانه مبين انه داخل بفترة روتين قاتلة


غيري بالبيت



ودي عيالج بيت اهلج ويك اند



ولا حجزولكم فندق ولا شاليه لكم



و لا طلعوو بالليل عالبحر انتي وياه بس

 

[دلال و غلا]

عليج بالدعاء حبيبتي و اكثري من كلمة حسبي الله و نعم الوكيل
و ملاحضه عليج التدقيق خففي من التدقيق و حاولي تهتمين بنفسج و عيالج مثلا غيري ف بيتج روحي زيارات انتي و بناتج و زوارة اهله احتسبي فيها الاجر *