منوعات من طبخاتي المتجددة و طبخاتكم حبيباتي ...

[Over-The-Moon]

السلام عليكم ورحمة الله وبركاته ,,,


شلونكم يا بناااات انشالله أخباركم خير ؟؟

موضوعي يحتوي على طبخات متنوعة سويتها وصورتها لعيونكم وكل ما يستجد جديد راح أضيفه هنيه بين فترة وفترة انشالله

وفضلا وليس أمرا اللي يعجبها موضوعي تؤمن على دعائي بتوقيعي وتدعي لأخوي المتوفي

أبدي بسم الله بأول طبق :

(ربيان مشوي) :

لحد يجرب المثلج جربته وطلع عررررد كلش ماكان مظبوط الفريش وبس والباجي خس

ننظف الربيان ونشيل الخيط الأسود الي بالظهر وما نشيل قشر الذيل ..

يتبل ب ( ليمون – فلفل أسود – صلصة صويا - خل بلساميك - بابريكا – كمون – كزبرة حب ) ولا تقل مدة التتبيل عن ساعتين :

ونشك الربيان بأعواد الخشب بهالشكل :

ونشويه بالشواية الكهربا الى ان يستوي وماراح ياخذ وقت وراح يستوي بسررررعة

ويقدم مع الرز والبطاط وبالعافية <<< عاشت الدور منال العالم :dddds:

(عيش الشبنت وحمسة الدجاج):

وهو عبارة عن عيش بالخضار والشبنت + حمسة دجاج جاينيز ... الطبق بصراحة يطلبونه منا وايد الأهل باليمعات
أول شي العيش:
نحتاج 1 شدة شبنت مفرومة
باجيلا مثلج نفوحه مع ملح 1\2 ساعة تقريبا أو أقل
كيس خضار مشكله
العيش تنقعونه شوي وتسوونه مشخول (المقدارجيلتين تقريبا )

نحمس 1 بصلة مفرومة الى أن تشقر ونضيف الخضار (1\2 كيس ) + 1\2 م.ش كركم
+2 م. ط صلصة ماجي السودة+1 مكعب ماجي خضار ثم نضيف الباجيلا
ونحمس عدل ثم نضيف العيش المشخول والشبنت ونخلطه .
ثاني شي الدجاج :
ينظف الدجاج ويتبل (ثوم – بصل- فلفل أسود – كركم – ليمون – ملح << لمدة ساعة على الأقل )
ثم نضعه في ماء مغلي مبهر ( بصل مقطع ارباع – عود دارسين – لومي – فلفل اسود – بهارات دجاج )
ونخليه فترة عالجولة .
الحمسة :
نحتاج 5-6 بصلات مقطعين جوانح + فلفل بارد جوانح + جزر جوانح
<<<< نحمس البصل الى ان يشقر ثم الفلفل البارد + 1 مكعب ماجي خضار + الجزر + فلفل أخضر حاار
<<< حمسا مبرحا :j013:

ونضيف شوية معجون طماط ونحمس جيدا ثم نضيف الدجاج + فلفل الاخضر الحاااااار <<< نقصر الجولة ونخليها تطبخ على رواقة ... وهذي صورة الطبق :

وااايد حلو وكل من ذاقه طلبه مرة ثانية <<< من صجها عاشت الدووور :dddds:

(خبز بالثوم وبريوش البصل):

تاخذون الصون الفرنسي مال المطاحن أو كارفور أو لاباريس(واايد حلو) أو أي خبز فرنسي تحبونه

وتقصصونه مايل علشان تطلع كبيرة أحلى
وتخلطون 2-3 م. ط مايونيز + فص ثوم مدقوق
واللي ما تبي مايونيز تقدر تحط بداله زيت زيتون
وتدهنون شرايح الخبز المقصوص مسحة خفيييييفة
وتضيفون الجبن اللي تحبونه أنا أحط جبن موزورولا وأخلطه مع قشقوان وأذر شوي أورغانو فوق الجبن
وتدخلونه الفرن شوي لما يسيح الجبن ويتحمر شوي

والبريوش بالبصل :

صمون البريوش الصغير + بصل أخضر مقطع صغار+ فلفل أخضر حااااار(اللي يحب الحار) مقطع حلقات صغيرة + جبن قلاص (كرافت )

ندهن الصمون بالجبن (بوفرة) و نذر البصل والفلفل على الصمونة وندخلها الفرن 3-4 دقايق وتقدم ســــــاخنة وحلاتها بحرارتها سهلة ولذيذة.

انا بصراحة اسوي هالوصفتين وأصفهم بسلة ومسميتها سلة الخبز بس للأسف ما صورتها ..

وهذا شكل الخبز بعد الفرن ...

وهذا الطبق أهديه لحبيبة قلبي WEEKEND

عندي لكم وااايد شغلات بس ما يسعفني الوقت انزلهم اليوم .. راح انزلهم بحول الله وقت ثاني واذا شفت تشجيعكم

 

[الروووني]

الله يعطيج العافيه ناطرينج

 

[Over-The-Moon]

أكمل معاكم هذا الطبق علشان عيون hang_out

(جبدة دجاج ) :

هالحمسة أغيب لما اكلها ما حس بعمري

نحتاج 5-6 بصلات مقطعين جوانح – فلفل بارد – بهارات طماطة صغيرة مفرومة –

بيديان شرائح طولية ومنزوعة القشرة و مقلية ومنشفة

أول شي نحط جدر فيه ماء + بهارات صحيحة الى أن يغلي ونحط الجبدة دقيقتين فقط ونشيلها لأنها بسرعة تستوي

نحمس البصل ونحط البهارات (فلفل اسود – كركم – لومي ...) ونحط الفلفل البارد والبيديان

والطماط و2 م.ط دبس الرمان ورشة ليمون ونحمسها عدل وآخر شي نضيف الجبدة


وهذي صورة الحمسة العجيبة

صورة أخرى

وهذي اللقمة حق العضوة hang_out الغالية وكل اللي يحبون الجبدة :ggdw:

 

[Over-The-Moon]

الله يعطيج العافيه ناطرينج

الله يعافيج حبيبتي يسعدني أول رد

 

[Over-The-Moon]

عدنا بعد الفاصل ....

( بف باستري بالدجاج والمشروم ) :

نحتاج عجينة البيف باستري – دجاج صدور أو كاملة – مشروم – جبن مازورولا – كريما K.D.D – بصلة مفرومة – سبانخ مثلج (نصف كيس) ومسلوق-مكعب ماجي

نسلق الدجاج لمدة ساعة بالبهارات الصحيحة (دارسين –لومي –مسمار-هيل – فلفل اسود بصلة – ملح –بهارات حسب الرغبة ) ونسحب الدجاجة

<<<نحمس البصلة الى أن تشقر ونضيف الماجي والفلفل الاسود والمشروم والدجاج والسبانخ والكريما (ربع الى نصف كوب ) ونحمس جيدا ونحط جبن موزورولا على الحمسة الى ان يذوب , راح يصير شكلها جذيه :

نقطع عجينة البف باستري الى أربع أرباع وراح تطلع لكم من الكيس الواحد 40 حبة لان فيه 10 مربعات

نحشي كل ربع بشوي من الحمسة ونسكرها بهذا الشكل :

ندهن الباستري بالبيض قبل ادخاله الى الفرن :

وراح يطلع من الفرن جذيه :

ونحطه بطبق تقديم :

وطبق ثاني :

أو تقدرون تحطون الارباع في طبق الكب كيك الصغيير وتحطون الحشوة(حمسة مشروم مثلا ) داخل وتسكرونها بجبن
الموزورولا

ولما طلعاناه من الفرن

وهذا الشكل النهائي

وترا هالطبق لما تسووونه لما تفك مااااا حتسك :dddds: وعواااافي على قلوبكم

 

[caramela 85]

واااااااااااو صج اكلات تشوووق يعطيج الف عافيه وناطرين الباجي

 

[ورود خذلتها العاصفه]

مشكوره شغلج روعه بس ماعرفت شنو طريقتج بلف عجينة البف باستري ماطلعت صورة اللف وشنو احسن عجينه

 

[Over-The-Moon]

واااااااااااو صج اكلات تشوووق يعطيج الف عافيه وناطرين الباجي

اللله يعافيج و مشكورة حبيبتي على مرورج

 

[Over-The-Moon]

مشكوره شغلج روعه بس ماعرفت شنو طريقتج بلف عجينة البف باستري ماطلعت صورة اللف وشنو احسن عجينه

هلا حبيبتي .. العجينة أمريكانا المربعة فيها 10 مربعات تقصين كل مربعة 4
وتحطين الحشوة بالوسط بشكل مايل وتسكرين الزاويتين على بعض وبصبعج
ظغطي على الاطراف واذا تبين شكل ارتب بالشوكة

 

[ام جناتي]

:dddds:
ههههههههههههههههههه
هذا كله انتي مسويته؟؟

:eh_s(1):
@@
وماشوف شي بالزواره لووووووووووووووووووووووووووووووول
سويلنا ربيان مشوي لوسمحتي حق الخميس
اثاريج منتي هينة هههههه
تســــــــــــلم ايدج اختي الغالية

 

[جارة القمر]

مشكووووووووووووره


وتسلم هالأيادي



وبالعافيييييييييييييية



والله يرحم أخوج ويسكنه فسيح جناته

 

[شيهانه]

تسلم الايادي ومشكوووره طبق طبق

 

[Over-The-Moon]

الله يسلمكم وشاكرة لكم مروركم كلكم

 

[Over-The-Moon]

صباح \ مساء الخير علي يطلون وما يعلقون

بحطلكم صورة الربيان المشوي اللي بديت فيه موضوعي وماطلعت الصورة

ماراح اخليها بخاطري أقصد بخاطركم :dddds:

وهذي الكيكة حق الردود الحلوة

وهذا الرابط

http://www.q8yat.net/showthread.php?t=424220




وهذا طبق دجاج مشوي


http://www.q8yat.net/showthread.php?t=329829

من العضوة الغالية (غنوة ستايل)

وايد لذيييييذة الدياية وعلى ضمانتي :tek:

صورة ثانية

يالله بشوف ردودكم اللي تبرد القلب عقب هالتعب وأطلع الباجي اللي خاشته _03BA:

 

[Over-The-Moon]

:dddds:
ههههههههههههههههههه
هذا كله انتي مسويته؟؟

:eh_s(1):
@@
وماشوف شي بالزواره لووووووووووووووووووووووووووووووول
سويلنا ربيان مشوي لوسمحتي حق الخميس
اثاريج منتي هينة هههههه
تســــــــــــلم ايدج اختي الغالية

هلا خيييتي شحسبااااالج ؟؟

يغل عدل مدل وبتطور وأسنع تصويري بس نطري علي نطريييييييييييي :dddds:

بس شوفي أي سنة أخذ لي كاميرا سنعة لووووووووول

 

[weekend]

يمي يمي الصراحة :s142:

والجبدة حددددددددددددددددددددددددها عجيبة الريحة كفت بخشمي :016:

وبعد فيها بيديان ماقدر أقاوم :krkrkr:

يبيله العزيمة الياية <<< غير الفوندو والباستا وسلة الخبز هذيله أمر مفروغ منه :tomato2:

 

[weekend]

لا يوقف لا يوقف لا يوقف

:ggdw: :ggdw: :ggdw:
:ggdw: :ggdw:
:ggdw:

 

[أم ريوف 1400]

تسلم الايادي ومشكوووره

 

[مريوم 2009]

ما شاء الله تبارك الرحمن ..
شغلج حلو ومرتب.. الله يهنيج..

 

[.● Softiah ●.]

ماشاء الله روووعه
آنا نسخت جم طبخة وحطيتهم بملف وورد للزمن خخخخخخخ
الله يعطيج العافية يا عمري وتسلم لنا هالأنامل
كملي كملي لاتوقفين ومنكم نستفييييييييييييييد

( الله يرحم إخوج ويدخلة فسيح جناته .. ياربي ياحبيبي تغفر له وتحشره مع الصالحين )