منو اشتغل بنك الخليج بارت تايم

[micro girl]

مرحبا بنوتات حبيت استفسر منو قدم على بنك الخليج بارت تايم ودي اشتغل بس مو عارفة وين اقدم فشلة اروح اسالهم عندكم شغل العصر ياريت اللي سوتها تعلمنا ولا الاجر والثواب بعد لو نعرف جم المعاش وشنو اللي يبون شهادات

 

[a7la tooota]

اي والله حبيبتي حتى انا ودي اعرف ,, ان شاء الله البنات يفيدوونا

 

[مهناز]

انا بعد وياكم

 

[miss_Ba6oOo6a]

ما يبون موقفين عندج وااسطه تشتغلين

 

[yam_yam]

ما يبون موقفين عندج وااسطه تشتغلين

:ggdw::ggdw::ggdw:

 

[micro girl]

اب اب اب

 

[gulfbank]

اهليين بنااااات بنك الخليج ياخذ بارت تايم من الساعه 5 ونص الى 7 ونص وبعدين التقديم عن طريق السايت اووو تروحين مجمع صالح ( يم دوار الشيراتون مجمع لونه ازرق جبال كنتاكي وتحت بنك برقان البوابه من ورا ) وشغله ثانيه الوظيفه مو محتاجه واسطه ومو مسكرين الباب .. من يقول هالحجي؟ ؟ المهم قدموا والله يوفقكم واي سؤال انا حاضرره



الخلييييييييييييج ددايمااااااااااااااااااااااا اكثر << مو دعايه

 

[شوشوا]

8
8

شلون طبيعة شغلهم ؟
ورواتبهم تقريبا !

 

[dalalcollection]

حبيبتي غلف بانك حاولت اقدم عن طريق السايت بس ما حصلت شي !!!

وبالنسبة حق مجمع صالح التقديم بس الصبح ولا عادي العصر؟؟

وجم رواتبهم؟

 

[تمنيتك]

بنات مافي دوام الصبح ؟>> احس داشه عرض لووووووول

 

[contessa]

upppppppppppppp

 

[زبــــــــدة]

up

up

 

[Om Hamada]

ودنا نعرف أكثر
Upppp

​

 

[جوري الكويت]

بنات البنك ما ياخذ موظفين في اماكن ثانيه ( يعني اذا كنتي تبين تتوظفين بس العصر و عندج وظيفه ثانيه الصبح ) ما يصير لان اسمج راح يدخل التأمينات

بالنسبه حق البارت تايم كانوا يوظفون, بس من قبل جم شهر يمعوا البارت تايم و اقالوهم من غير سبب !!

ما عندي فكره اذا الحين يبون بارت تايم

التقديم عن طريق السايت أو تقديم شخصي في مجمع اسامه مقابل حديقه البلديه اللي بمنطقه شرق

بالنسبه حق الراتب راح يعطونج راتبين واحد من البنك و الثاني من دعم العماله

اللي تحب تستفسر اكثر تتصل على 885588 و تطلب الموارد البشريه

و بالتوفيق انشالله

 

[إنسانه بكل حالاتي]

وشنو طبيعة الشغل ؟ وأخاف يكون رباااااااا

 

[^^ROSE^^]

افا ليش فنشوا البارت تايم؟
عاد رفيجتي مقدمة ومقابلينها على اساس بارت تايم
خل اقولها

 

[gulfbank]

دقيييييييييييييييييييييقه اختي من وين ياايبه هالمعلومات ؟؟؟؟؟؟؟؟؟؟؟؟ غلط بغلط ؟ محد تفنش؟ وبعدين مجمع اسامه ؟؟ تصكر هالمجمع انتقلنا الى مجمع صالح ... اختي معلوماتج مغلوطه اتمنى تتاكدين قبل لا تتكتبين شي ..... تقدرين تجمعين وظيفتين وماتسجلين بالتامينات مو لازم ... او دعم العماله ... شالحجي :/



بنك الخليج دايماااااااااااا اكثر :/

 

[q8 o bs]

سؤال انتوا للحين شغاليين مو البنك أعلن افلاسه ؟ اشصار عليكم

 

[gulfbank]

سؤال انتوا للحين شغاليين مو البنك أعلن افلاسه ؟ اشصار عليكم

شغااالين عادي :/ ماصار شي وبنك الخليج مااعلن افلااسه :/ لا تقروووووووووون جرايدمو تصدقون كل اللي تسمعووونه :/

بنك الخليج دايمااا اكثر :/

 

[جوري الكويت]

معلوماتي مضبوطه و دقييييقه لأني اشتغل بالبنك و ما يبت شي من عندي !!!

و ماعندي فكره عن مجمع صالح لأني موظفه قديييييييييمه في بنك الخليج , مو صار لي يومين و قاعده اتفلسف !!

مجمع صالح يمكن صار له فتره قصيره علشان جذي ما عندي فكره عنه , انا ما قلت انج غلطانه و معلوماتج غلط , انا قلت اللي اعرفه و بس

ما يصير الجمع بين وظيفه و و بارت تايم بالبنك , التوظيف في البارت تايم يكون حق طلاب الجامعات و المعاهد

. لأنهم يوظفون بارت تايم لمن يبون يوصلون لنسبه المقرره للعماله الوطنيه في البنك ,

فاذا هم وظفوا ناس متوظفين في اماكن ثانيه و اسمهم داخل بالتامينات شنوا راح يستفيدون

و اذا عدوا هذي النسبه , يثبتون اللي تخرجوا من البارت تايم ويعينونهم بدوام كامل

و يطلعون اللي ما يبونهم ,,