منو الي انغشت بزواجهاااا

[احلى خدود]

السلام عليكم
اشلونكم حبايب قلبي المتزوجاتوالمطلقات الغاليات منو فيكم انغشت بزواجها يعني لما اهله اخطبوج قالوا كلام مو صج او بعيد الشر عنكم طلع فيه عاهه او عليه قضايا او صاحب مشاكل او اخلاقه صفر ميخالف خلونا نتعلم من بعض

 

[-فلانة-]

رفيجتي خنت حيلي خطبوها ناس من عايلة كبيرة بالديرة، فلوس و أملاك تبارك الرحمن و هي بنت ناس عاديين، حتى اهي نفسها مستغربة شيبون فيها، و تزوجته و بدت تلاحظ تصرفاته غريبة لين درت تالي ان الريال فيه انفصام بالشخصية و عنده ملف بالطب النفسي و على طول شالت قشها و راحت بيت اهلها و كانت حامل حزتها، و تطلقت منه الحمدلله و عندها ولد مثل القمر عسى ربي يعوضها و يرزقها من خيره.

 

[احلى خدود]

ياقلبي ربي يعوضها خير

 

[Kocheko]

بصراحه ما في أحد ينغش .. لو عليه قضايا مو صاحي نفسيا مجرم ملسووون هاي الأشياء تكون واضحه للجميع وبالسؤال أيبين ..
بس اللى أكتشفت بعد الزواج أنه غيور جدا أو في عجز أو مرض جنسي أو بخيل فهاالاشياء ما تبين الا بالعشرة .. وفي أشياء ممكن تتغير وأشياء لاء وعلى فكرة أهل الصبي لما يخطبووون دايما يمدحون ولدهم وتربيتهم محد يذم بنفسه .. وناس يقولون اذا زوجناه بيتغير .. دايما سألو عنه ناس يشتغلون فالمطار .. فالمحاكم لو تعرفون أحد عن سفراته .. مو عيب ولا غلط أتوقع هالشي من حق أأأأأأأأي بنت في هالدنيا
ولا تنسووون الأستخارة .. والله يوفق الجميع

 

[M!ss CoLoRz]

أختي

انا ما حبيت ارد عليج في موضوعج السابق لأن الزواج قسمة ونصيب
نصيحة لا تشغلين بالج في هالأمور وعيلي من الله خير

اللي يتوقع الشر اييه ركيض واللي عندده ايمان بالله ومتوكل عليه ما راح يلقى الا كل خير وان لا سمح الله صار له شي يضره يؤمن إن ربه كاتب له هالشي لأنه خاش له شي احسن او لأنه الله لا يحمل نفس اكثر من طاقتها

استهدي بالله وسدي أذنج وعيونج عن ما يشذ عن القاعدة

الحمدالله للحين الناس تسأل وتستفسر قبل لا تخطب ويقبلون + لاحظت ان هالشي مو منتشر عندكم بس الحمدالله موجود عندنا إنه في شي اسمه فترة خطوبة بعد الملجة الوحدة تطلع مع خطيبها تكلمه ترتب وياه تدش بيته تعاشر اهله تفهمه ويفهمها بمعنى آخر تكون متزوجته مع وقف التنفيذ وهاي تعتبر فترة امان عشان إذا لا سمح الله صار شي كل واحد يروح طريجه وما يتغير عليه أي شي .

وحطي في بالج ما في أحد كامل ومستحيل اييج واحد تفصيل على هواج ، والهواش شي لا بد منه ومستمر الين ما واحد منكم يموت العجبة في طبيعة الهواش و حدته ومدته

 

[keka89]

نص الحريم عقب العشره والعيال والسنيين تقول ووويع انا وايد انغشيت فيه وياليتني تزوجته ومادري شنو ومن هلحجي

 

[Patcholli]

حبيبتي اغلب الاهل يخشون العيوب ويظهرون المحاسن وقت الخطبه مثل ما اهل البنت مايصرحون بعيوب بنتهم ويحاولون يطلعونها باحسن صوره
بالاخير هذا بني ادم قابل للتغير يعني ممكن يكون زين ومع الايام يتغير والعكس صحيح
الموضوع كله قسمه ونصيب اهم شي تسئلون عدل وماتكتفون بكلام اهله عنه لان مافي اهل يذمون بعيالهم سواء من طرف الزوج او الزوجه

 

[Aloe Vera]

وحدة اعرفها خوش وحدة اخلاق و جمال تزوجت واحد من عايلة معروفة و ناس محترمين
طلع الاخ يحب وحدة مطلقة و عندها ولد و من جنسية اخرى و الاهل مو راضين ان يتزوجها
قامو الاهل اجبروه يتزوج بنت الناس المسكينة
و ماكو كلها شهر ولا شهرين تطلقت
الريال ماكان يقربها و لا يكلمها و لا حابها و مسكينة ماحست انها عروس
البنت اذا خطبها واحد لازم تستخير و تسال عنه عدل و لازم تشوف مشاعره تجاهها و درجة تقبله للزواج منها مو خلاص تتزوج و بس

 

[عاشقة هواك]

انا اعرف وحدة هم جذي اهل الريال امدحوه وخوش واحد والجوارينهم يوم سألوا عن الريال الكل يمدح فيه واهوا ضابط وخوش واحد اخر شي توكلت على الله وافقت وام البنت كانت طايرة فيه سوت عرس طبعا الاخ ما دفع ولا شي كله على ام البنيه وبعد اسبوع من زواجها كانت نايمة ولا الاخ طالع تدق عليه يومين ثلاث ولا يرد عليها ولما يرد بالليل تسأله وين كنت يزفها مالج شغل وانتي شكو ومد ايده وطقها طق نتفها وبعدين مع الايام هذي حالته يوم سألوا عنه الظاهر بالمحكمة شي من جذي طلع متزوج ٣ مرات ومطلق والجوارين كلهم يمدحون فيه وام البنت دقت على الجوارين قالت لهم حرام عليكم ليش تمدحون فيه وزوجت بنتي والحين مشاكل بينهم واحتمال طلاق قالوا الجوارين احنا بعد عندنا عيال وبنزوجهم اذا قلنا الصج بعدين يوصلهم حجي ويذمون عيالنا وما يتزوجون قالت ام البنيه ما احللكم لي يوم الدين وطبعا بنتها تطلقت ودعواتكم الله يرزقها بالزوج الصالح

 

[عاشقة هواك]

انا اعرف وحدة هم جذي اهل الريال امدحوه وخوش واحد والجوارينهم يوم سألوا عن الريال الكل يمدح فيه واهوا ضابط وخوش واحد اخر شي توكلت على الله وافقت وام البنت كانت طايرة فيه سوت عرس طبعا الاخ ما دفع ولا شي كله على ام البنيه وبعد اسبوع من زواجها كانت نايمة ولا الاخ طالع تدق عليه يومين ثلاث ولا يرد عليها ولما يرد بالليل تسأله وين كنت يزفها مالج شغل وانتي شكو ومد ايده وطقها طق نتفها وبعدين مع الايام هذي حالته يوم سألوا عنه الظاهر بالمحكمة شي من جذي طلع متزوج 3 مرات ومطلق والجوارين كلهم يمدحون فيه وام البنت دقت على الجوارين قالت لهم حرام عليكم ليش تمدحون فيه وزوجت بنتي والحين مشاكل بينهم واحتمال طلاق قالوا الجوارين احنا بعد عندنا عيال وبنزوجهم اذا قلنا الصج بعدين يوصلهم حجي ويذمون عيالنا وما يتزوجون قالت ام البنيه ما احللكم لي يوم الدين وطبعا بنتها تطلقت ودعواتكم الله يرزقها بالزوج الصالح

 

[ذبحته بغيرتي]

والله انا عندي زواج الحب اهو اللي يدوم وجذب اللي يقولون مشاكل بعد الزواج وانا متزوجه حبيبي ولله الحمد ححححيل متفاهمين جنه شخصية وحده
بس وين بهالزمن وحده تحصلها واحد نيته زواج ونظيف الله يوفقج حبيبتي ويرزقج باللي يريحج وتتمنينه

 

[mmloo7a]

اللي مو واثقه من الريال
أو
ماودها تتزوجه
ولا بخاطرها فيه
ولا حاسه انها مرتاحه معاه

احسن لها لاتتزوجه
خل تقول ماكو نصيب حق اهلها :eh_s(4):

لان وايد بنات يتزوجون ويلا ماصدقت لقت لها ريال ولا سألوا حتى
انزين سألوا لا عادي نبي بنيتها تتزوج وتروح مع نصيبها
انزين يمكن يطلع الولد موزين ؟
يمكن مايتوالمون خل يقعدون بالخطبه ويتكلمون شوي ؟
لا هذول ناس زينيين

اوكي

بس تصير الملجه
تلاحظ البنت عليه
تدور أي زله عليه
أي غلطه
أي كلمة بالغلط
مني مناك


وبعدين تقول

-مابيه

ليش ؟

-بس مارتحت له

ياسلام عقب الملجه قلتي مابي ؟

ليش الريال عندج سياره اذا ماعجبتج تغيرينها بسرعه ؟

-مابيه

وينج بالخطبه ماقلتي انج ماتبينه ؟

-مادري

انزين الريال مافيه شي ؟
شلون حكمتي عليه بهالسرعه ؟

-مابي

انزين يمكن موقصده ؟

-مابي

انزين ماحاولتي تلينين معاه ؟

-مابي

يابنيه اذا الريال زين ليش طلبتي الأنفصال ؟
مو المره موكل يوم لها ريل ؟

-مابي

يابنيه الريال مومعقوله ماخذ بنت الناس وبيدفع دم قلبه ومهر وشقه وسفره وعرس وهدايا و و و و و و و و و و و
دام يحبج ومايبي يطلقج ليش ماتبينه ؟

- مابي بردله كل شي

هذول بعض البنات

يعني عادي عقب ماتأثثون وتحجزون العرس قبل العرس عادي تقول مابي

ليش ؟

-بس


وتعال يالريال طلقها ماتبيك ماكو نصيب

-وتبدأ حياة الريال تنعفس والسبه هالبنيه الدعله



على العموم بنات انتبهوا حق أي واحد يتقدم لكم لازم تحسين انه صج انتي تبيه وهو يبيج بعد

مواهاليكم يقولون لكم حبوا بعض بليز

لا

اهم شي انتوا الأثنين تفاهموا قبل الملجة وبعد الملجة
خلكم ريلالالالالالالالالالاكس

يعني خل نفترض ايام الملجه أحلى ايام

شلفايده بعد العرس تطلع عيوبه او تطلع عيوبج ؟
هم راح يكون الطلاق وارد

ف لازم ايام الملجه تكونون انتوا اثنين توكم داخلين حياة يديده راح تكون فيه خلافات بسيطه او اصطدامات
شي طبيعي وراح يكون توتر

يعني الزواج موبس علاقه حب
لا
مسؤولية
ومقتنعين لبعض

أعتقد ريال اللي موزين يكون واضح عليه

لايغركم شكله معضل ولا حلو ولا مزيون
هذا اللي يخوفكم منه
اغلبهم اذا موكلهم جربوا سوالف الخرابيط او تلاقونهم ماشبعوا وكل وحده امه قايلت له لقيتلك خوش مره وقال يلا خل نتزوج
في منهم بيعقل وفي منهم بيتم على خرابيطة

بنات

اهم شي ريال راعي دين وأخلاق ثم الشكل

والأهم الأهم انج ترتاحين له

أكثر اسباب الطلاق هو ابتعادهم عن الدين

فيا بنات راعي الدين والأخلاق هو الأهم وذا على الشكل اهم شي يكون مقبول وانج تبينه من الداخل موبعد الملجه تسوين له سالفه وبعدين مابيه

بليز

:eh_s(2):

 

[احلى خدود]

يا كثرهم الي يغشووووووون لاذمه ولاضمير وبالاخير يقولون العيب على اهل البنت ليش ما اسألوا

 

[Aloe Vera]

مملوحة

صح كلامج



احلى خدود


انا برايي لازم الوحدة تسال عدل بصراحة و لازم الاهل يقعدون مع الولد قعدة صراحة و اجتماع مغلق مع الولد احنا بعايتنا عادي جذي و يشوفون مشاعره و تقبله للزواج و النظرة الشرعية مهمة حيل حيل
شكثر اعرف امهات يجبرون اولادهم عالزواج من بنات على ذوق الام و من العايلة اللي تختارها الام و الولد تلقينه مو مهيأ ولا مستعد للزواج و يتزوج و اهو مكره

 

[احلى خدود]

الله يستر والناس عادي عنهم

 

[احلى خدود]

اب اب اب

 

[Royof]

للاسف انا منهم حيل انخدعت مشكلت الناس تغطي تخاف خصوصا اذا الامر بالزواج

اول وتالي قسمه ونصيب

 

[احلى خدود]

مع الاسف

 

[احلى خدود]

ابي مشاركاتكم فديتكم?

 

[حبي حبيبي]

انا تعقدرت من السوالف

خصوصا بحكم شغلي

ثاني شي اذا عليه قضايا احتمال يبين

واذا كان عنده ملف بالطب النفسي او بالادمان ماراح تعرفون لان يعتبر سري
حتى اذا سالتو