منو الي جربت بودرة الكولاجين تقدر تفيدني ولها دعوة من خالص قلبي

[عود ذخيرة]

السلام عليكم شخباركن خواتي عساكن بخير:eh_s(7)

محتاااااااااااارة :bbbiu:
عندي استفسار ابي اعرف اكثر عن بودرة الكولاجيين


شو الاحسن في النتايج بودرة الكولاجييين اليابانية الذهبية ولا بودرة الكولاجيين الامريكي المدعم بالهارلونيك ؟؟؟؟؟؟؟؟

دخيييييييلكن الي تعرف تخبرني بتجربتها اومن خلال ماسمعته من قريباتها أو رفيجاتها اخافني اغامر واشتريه ومايجييب نتيجة


خواتي والي ترد لها دعوة من خااااااااالص قلبي:eh_s(17): وربي يجزيكن الجنة ان شاء الله

 

[نوني الحلوه]

انا جربت اليابانيه الذهبيه والورد يه وصراحه اثنينهم خيال

 

[sverige]

دخيييييييلكن الي تعرف تخبرني بتجربتها اومن خلال ماسمعته من قريباتها أو رفيجاتها اخافني اغامر واشتريه ومايجييب نتيجة

الى متىً تبقون حقل تجارب؟!؟!؟!؟!
وتبقون تسمعون من هنا وهناك؟؟
اختي حتىً تشترين اي منتج لازم يكون مفحوص ومرخص وموثوق بيه
يعني من الاخير خاضع لتجارب وخالص مو يتجرب عليكم!!!!
وبعدين تشتريه مو العكس

لاحول ولاقوه الا بالله

صحيح تنويه الاثار الجانبيه مو تبين باسبوعين من الاستخدام لا على مدى سنين تمتد لعشره او اكثر
يعني الجيل الي استخدم هالخرابيط اعذريني بالتعبير بس هذا راي
شوفي ورا عشر سنين صابه سرطانات او لا وتاثيره على الجيل الثاني (الاطفال) وراها مكدر نكول مبدئيا امن او لا

ارجو تكون الفكره وضحت والله يصلح حال امه المسلمين

 

[عود ذخيرة]

:eh_s(17):مشكورة أختي (نوني الحلوة) ربي يجزيج الخير أسأل الله ان يوفقك وييسر لك جميع امورك ويهبك السعادة في الدين والدنيا والآخرة

 

[عود ذخيرة]

:eh_s(17):مشكورة اختي (sverige) على النصيحة والمشورة فما اجمل أن ننصح ونتناصح فديننا هو دين النصيحة جزاك الله خيرا أسأل الله أن يكفيني وإياك وجميع المسلمين الأمراض والأسقام ويرزقك سعادة الدارين الدنيا والآخرة

 

[sverige]

:eh_s(17):مشكورة اختي (sverige) على النصيحة والمشورة فما اجمل أن ننصح ونتناصح فديننا هو دين النصيحة جزاك الله خيرا أسأل الله أن يكفيني وإياك وجميع المسلمين الأمراض والأسقام ويرزقك سعادة الدارين الدنيا والآخرة

امين يارب
وهذا كل الي اتمناه واشكر تفهمج والله يحميج ويحفظج وكل امه المسلمين

 

[sharoo_e5]

ااااااااااااااااب

 

[تبيني آرضى عليك]

آآآآآآآآآآآآآب

 

[Killer^Girl]

تجارب وايد بالانستغرام
Beautyandm0re

وبالنسبة للاخت الي خلته فلم رعب .. اهو منتج طبيعي ومكمل غذائي ومرخص بكل مكان وفي انواع وايد متوفرة بالصيدليات اهو مثل الفيتامينات
اذا الفيتامينات تضر يعني هذا يضر

 

[خبيرة اعشاب]

اختي انا لي اكثر من 5 سنوات استعمل منتجات الكولاجين
البداية استعملت حبوب عادية من الصيدلية مدعمة بالكولاجين نصحني فيها الطبيب لان كان فيني بداية احتكاك بصابونة الركبة , و استعملتها فترة مع الياف طبيعية لانها تسبب امساك عزكم الله
بعدين ظهر على الساحة المنتجات اليابانية .. الميجي كولاجين الذهبي و غيرهم و طبعا استعملتهم فترة يمكن 6 شهور
** و على فكرة انا انسانه جدااا منتظمة بالاستعمال يعني ما اطوف يوم ..
النتائج :
- ملمس البشرة افضل بنسبة 50%
- ما في مسامات
- بشرة صحية
- اظفر تحسنت بنسبة 30% و كذلك الشعر
- رونق و نضارة بالبشرة

طبعا هذا ما لاحظته على نفسي و النتائج تتفاويت من شخص للثاني
ووقفت لان صراحة سعره غالي , العلبه ب 28 و ما تكمل شهر تاخذين علبتين اذا بتستعملين بشكل صحيح
فالتكلفة غير مجدية بالمقارنة مع المبلغ

بعدين جربت قبل شهر كولاجين ايلا فون مدعم بالهاليورونك اسيد طبعا اعتقد سعره 30 و شي
من اول يوم استعمال شربته بالليل قعدت الصبح و لا وجهي مشرق ما شاء الله ,, شفايف وردية
الكمية اللي بالعلبه تكفي 13 يوم اذا بتستعملينه 3 مرات باليوم يعني 100 دينار بالشهر
بعد 3 ايام من الاستعمال ظهرت حبوب بوجهي لان جسمي يتحسس من فيتامين سي ,, و طبعا اللي باعته علي قلت لها انا معاي حساسيه و ما نصحتني ان استعمله بس انا تحمست من تجارب البنات اللي شفتهم و قلت بحاول يمكن يضبط
بس للاسف ما ناسبني و اضطريت اوقفه


الخلاصة : منتجات الكولاجين نتائجها مضمونه و تتفاويت من شخص للثاني ... انما كتكلفه .. فهي مكلفة و ممكن تحصلين امور ثانية ارخص و تجيب معج نفس النتائج

اتمنى اكون افدتج

تقبلي مروري


ام خالد الهاجري
خبيرة اعشاب منتدى كويتيات

 

[Killer^Girl]

اختي خبيره اعشاب . . مشكورة على ذكر التجربه
بس ترا الي سبب لج حساسيه ان الجرعه وايد كبيره
3 مرات باليوم وايد
المفروض مره او مرتين باليوم
جربي مرة باليوم
راح تلاقين نتايج حلوة
والحمدلله انا سعري مناسب واقل من 30

 

[عود ذخيرة]

:eh_s(17)::eh_s(17):جزيتن خيرا خواتي ..كلير جيرل..،،..أم خالد .. ربي يعطيكن العافية ان شاء الله
ان شاء الله انا ناوية اجرب واتوكل على الله .....اسأل الله ان يرزقكن ماتتمنين ويهبكن سعاادة الدارين الدنيا والآخرة اللهم اميين
دمتم بود:eh_s(7):