منو الي حولت الفيستا الي xp?

[سويتي الحلوه]

السلام عليكم


خواتي انا حابه اشتري لابتوب ثاني
واحوله من فيستا الي xp

بغيت اسالكم جم سؤال
1- شنو نوع لابتوبج الي حولتيه حق xp
2- عند اي محل حولتيه
3- جم خذوا منج
4- هل حاسه ان جهازج صار للاحسن او الاسؤ

وشنو ملاحظاتج؟؟؟

 

[عالي مستواها]

والله انا احول كل فترة نظام غير .. فيرجن للوندوز غير عادي ماكو مشكلة

يعيب على الفيستا بطئه لكن كبيئة رسومية حلو يعني بس شكل إذا تبين أداء وسرعة فالأكس بي أحسن

بس بنفس الوقت الاكس بي له مدة معينة وبعدين بيصير قديم راح يسبب لج مشاكل لانه ماراح يتوافق مع البرامج الجديدة أو قطع الهاردوير الجديدة

انتي عادلي بين الامور وشوفي الأحسن لج .. لان الاكس بي الحين يعد حل " مؤقت " سنة بالكثير وخلاص بيتعبج مثل ما تعبني الملينيوم تميت ليما كم سنة وانا احب نسخة الملينيوم وبعدها اضطريت اغير

اما وين غيرته فانا أغيره بنفسي أفرمت وأركب الإصدار اللي ابيه للوندوز .. وعملية الفورمات ممتعة حيل بالنسبة لي تاخذ مني مرات يوم كامل لما أضبط جهازي بتعريفاته والبروقرمز اللي أبيه .. بس بشكل عام كل المحلات ممكن يفرمتونه لج ويركبون وندوز اكس بي عادي يعني والفرومات سعره 5 بأغلب المحلات

 

[سويتي الحلوه]

هلا والله عالي مستواها وتسلمين علي المرور

وتسلمين علي ردج


انا اصلا عندي لابتوبي اتش بي نظامه فيستا

وحابه اني اشتري لابتوب ثاني يكون رخيص وزين حق شغل الدوام المدرسه

وطبعا كل الابتوبات الموجوده نظامها فيستا
بس انا حابه احوله للاكس بي واخلي شكا تطبيقاته نفس الفيستا_03ba:
اسهل لي وايد بشغل
علشان البرامج وعلشان اشياء ثانيه وووووووووووايد

 

[عالي مستواها]

على فكرة سويتي إذا تبين تقدرين تنزلين النظامين على الجهاز يعني يكون " بارتشن " فيه الاكس بي و " بارتشن " ثاني يكون فيه الفيستا .. بس حبيت أفيدج بهالمعلومة إذا ما تعرفينها

تدرين تنفع إذا بتنزلين نظامين وتجربينهم مثل ليونكس و نسخة من نسخ الوندوز .. او حتى نسختين وندوز وحده اكس بي ووحده فيستا .. احسن لج من انج تشترين جهازين

ايه وتقدرين تحولين شكل الاكس بي للفيتسا من ناحية " الايكونز " والجرافيكس بس يعني القوائم وجذي ياخذ شكل الفيستا فيه برامج تعطيج هالميزة

 

[سويتي الحلوه]

اي ادري انا

مشكوره حبيبتي

بس ابي جهاز الصراحه حق الدواااااااام يكون له بروحه
ومااخاف عليه وايد لوووول

 

[سويتي الحلوه]

مشكوره اختيq6ss

 

[سويتي الحلوه]

بنات منو بعد حوولت جهازها؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[*بسبوسه*]

انا توني شرايه لاب توب فيه vista ولاعت جبدي منه بصراحه ما تاخذين منه الا بس الشكل اما التقنيات ولا ابيزه

اصلن الكل يقول ان فيستا مو شي وحتى شركة مايكرو سوفت قاعده تطوره

بقولج شنو حسيت بالفرق بينهم

اول شي الفيستا
بطىء
ونظام الفاره اللي اهيا الماوس يغث فيه000ولاحظي انج اذا تبين تختاري اي شي لازم تطقين على الاختيار بالفاره مليون مره عشان يتسقبل الامر

ناهيج عن الاكسلبورر اللي يطفي معاج كل شوي والمسنجر اللي نفس الشغله يطفي
وبرنامج بور بونت معقد وصعب بهالنظام

بصراحه متعجبني
تبين تقولين لي جهازج يمكن يبي له فورمات بقولج جهازي مارصار له عندي شهر بس

الاكس بي
بصراحه سريع
صج شكله عادي يعني اقصد الايكن وشكل الملفات بس عادي الشكل مو مهم حيل مقابل الجوده
ما كنت اتشكى منه وسهل
حتى البور بونت كان سهل

الحين ناطره المعاش عشان اروح احوله حق Xpواريح نفسي00

بس بصراحه كلام اختي عالي مستواها حلو ان اقدر احط النظامين عشان استفيد من مزايا الاكس بي وشكل الفيستا

 

[سويتي الحلوه]

بسبوسه

شنو نوع جهاز ورقم موديله


وبعدين اذا حولتيه جهاز من الفيسا لل xp
تقدرين تقوليله يحطلج شكل الشاشه جنه شكل الفيستا




ومشكوره علي ردج حبيبتي

 

[سوسووو22]

انا امس حولته اكس بي
وجهازي ايسر
بس احس جني تعودت على فيستا كشكل
واحس جهازي صار بطئ
وحولته عن محلات الكمبيوتر شارع بن خلدون
ب7دنانير

 

[سويتي الحلوه]

هلا سوسو

غريبه جهازج صار بطيء مع ان اذا حولتيه الي اكس بي المفروض يصير اسرع
لان الاكس بي حجمه اصغر من الفيستا


واذا كنتي تبين شكل الفيستا في برنامج يحطونه المحلات يخلي شكل اكس بي نفس الفيستا



وسلامتج

 

[!!wawie!!]

اختي ماانصحج تحولينه اكس بي..
انا لابتوبي يديد وماحولته ..اول شي كن صعب علي بس بعدين تعودت وصار عادي
واذا على الوورد والبوربوينت ..روحي حق اي محل برامج خل يحطلج مايكروسوفت اوفيس الفين وسبعه..وعالنسخه متطابقه مع الفيستا..
وماانصحج تحولينه ..الفيستا مافي شي..
اول ماشريت الجهاز كل من قالي حولي صعب ومادري شنو..
انا ماحولت ومع الوقت تعودت عليه وصار اوكي

 

[دمعة يراع]

انا حولته بـ 5 .. عند هندي بالرقعي

والحمدلله صار احسن

الفيستا خاااااااااااايس

 

[دمعة يراع]

جهازي اتش بي البصمه ..

 

[سويتي الحلوه]

الفيستا ينن

بس انا بحوله علشان شغلي

 

[الكرملين]

انا بعد حولت جهازي لل اكس بي
نوعه اتش بي


قبل غثيث وبطئ والمسنجر يطفي

الحين احسن وايد

سويته عند محل خلف الغانم الفحيحيل يهبل بخمسه

 

[سويتي الحلوه]

زين سويتي

 

[سوسووو22]

تصدقون انا الهندي قص علي بالسعر وثاني شي جهازي كله يعلق ولازم اسكره ما اقدر اشغل فيديو مايصير الضاهر مومنزلي مشغل الفيديو وكله يعلق لوع جبدي....

شسوي؟؟

 

[سويتي الحلوه]

ودي الجهاز

خليه يجيك عليه

 

[مناوي]

زين بنات اللي لاب توبهم اتش بي البصمه مو لما يحوله من فيستا لي اكس بي ما تقدرين تشغلين البصمه صح ؟؟

لاني حولته من فيستا لي اكس في بس ما تشتغل معاي البصمه ولمن سألته قال البصمه لنظام الفيستا بس

انتوا تشتغل عندكم بعد التحويل ولا لا ؟