منو الي ريلها يدخل بكل صغيره وكبيره

[ككاوة بدر]

مساء الجوري على الحلوين وادري كلكم حلوين:eh_s(7):

ابي اعرف منو الي ريلها يدخل ابكل اصغيره وكبيره واخر شي انرفزج مثلا::
وانا اطبخ اييلي وقولي لا موجذي اتقصين البصل مواتحطين ماي وايد حطي زيت عشان مايحترق واخر شي تخترب الطبخه واقطها ابراسي او ترتيب البيت موجذي اترتبين انتي ماتعرفين وعلمني من ابعيد لي ابعيد بس حجي واقوله تعال مافهمت تعال علمني ايي يعفسلي المكان واخر شي اقولي مادري كيفج كيفج او غسل ملابس لا اتحطين هالصابون واحطي الثاني وموجذي اتغسلين موجذي اتسوين جانزين اعلمني صح كله غلط:rgewrg: اوغسل المواعين لازم اطالعني اشلون اغسل اقولي ليش سريعه بالغسال غسلي على راحتج:dfgl::dfgl:
واخر شي اتنرفز منه واهو يزعل

منو الي ريلها مثل ريلي حبيبي وعمري:fun::fun:

 

[بتبوتااا]

لووول شوفي على حسب مرات يدخل ومرات لا ومرات انا اجبره انه يدخل

بس الاحسن انه يدخل بكل شي إلا شغل الحريم

 

[ككاوة بدر]

هلا بتبوتاا يعني اخليه يدخل
بس انا اتنرفزز كله بسوي روحه فاهم بالشغله واخر شي اخربهااا واقطها ابراسي
اهو حلاته ابدراسته وتصاميمه بس ومرااات طباخ اذا خليته اهو يطبخ الصراااحه افنتق بالاكل بكل انواعه

 

[tbola]

الحمدالله مو بكل شي

 

[chocolate-T]

وااااااااي ماعتقد اكو مثل ريلي يدخل باللي له فيه واللي مولزوم يعرفه وكل ما قتله مولزوم رد علي انا ريلج لازم اعرف كلشي وشباسوين ههههه حتى حليب البيبي يدخل فيه يحسسني ان توه والد اشكال المصاصه لااااااااااااازم يفتي اقوله مرات لي وصلت حدي اقوله انا الام في امور انا ادرى فيها وانا ام البيت مو انت يعصب بالنهايه انطم ههههههه عشان المركب يمشي اقوله امك اللي اهي خالتي ماتتدخل كثرك

 

[مسؤولة تعيين]

تصدقين هو مايدخل كلللش بس اليوم مادري شفيه فاصل علي اقول يمين يقول يسار ولله لو مو عمره 26 جان شكيت انه قعد يمر بفترة menopause الرجاليه
لووووول

 

[انصاريه قمره]

انا ريلي جذي
وكله عنده انا هله ما اعرف اشتغل ولا انظف ولا اكوي ولا اسوي شي واهو ابو الفهاميه

 

[Om zayd]

يدخل اذا في اشياء مقصرة فيها حقه مثلا طريقه الكوي وترتيب ملابسه ومتا اودي دشاديشه المصبغه يعني يدخل اذا حس في نقص

 

[كريزية]

مرات يتدخل اكثر شي بلبسي ومكياجي
يتدخل بمشاكلي مع امه يحاول يصلح بينا
مادري بس

 

[لمى الهاجري]

خخخخخخخخخ ذكرتيني بام نصيب الي بزوارة خميس

 

[*E.B.D.A.3*]

بيه هذا غير سالفه
شوفي هالنمونه يحب يكون له دور ، بس فاهم الدور غلط ،،
انتي الي عليج وعشان تفتكين من حنته
قبل لا تطبخين، اخذي نصايح منه ... خليه يتكلم يتكلم يتكلم، واذاخلص قولي انشالله ودشي المطبخ
اذا تبين تنظفين،، اخذي نصايح منه، وخليه يتكلم يتكلم يتكلم، واذا خلص قوليله قوم روح الغرفه الثانيه عشان انظف على راحتي

الزبدة قبل لا تبلشين اي شي،، ساليه ... خل ياخذ راحته بالنصايح
واذا خلص،، قوليله انشالله
وسوي الي تبينه !!

لول

 

[انثى عاشقة]

حتى ببهارات المطبخ حاشر خشمه
هذا وش الحل معاه ؟؟!!:eh_s(4):
​

 

[شادن33]

ككاوه انا ريلي مرات جذي هههههه
اقوله يبا روح اطلع وفكني
يعني اطلع له مشوار

 

[Beyoncee]

يا قلبي جنج تتكلمين عن ريلي ونفس التفاصيل
مو بس ينرفزنى
يعني شغلج وقولج انتى شاللى عرفج
حتى المملحه شلون انظفها فيها تعليم

 

[ككاوة بدر]

ههههههههههههههههههههههههههههه ضحكتيني بيونسيه
اشرايج ان حتى السجين اعلمني اشلون انظفها موبس جذي على قولت ابداع سويت الي قالتلي عليه اسمع لي الاخر واسوي الي ابه
اقولي انتي اتعاندين واااايد احن واااايد
وانتي يا شادن اشسويتي ابنفس الحاله
طلعه مايطلع يوقف فوق راسي عشان اشوف كل شي
ومشكورين عالرد والله يهدي رياييلنا

 

[حبيبه هيثم]

والله عبالى بس الى عندي المشكله اثاري وايد مثل حالتى الله يعين

 

[ككاوة بدر]

لا حبيبتي عندنا وعندج خييييير والله اعينه عليهم

 

[عنووشه]

انا الغالب يتدخل في اللي يعرفه واللي مايعرفه


غصب طيييييب

وبالاخير عرفت له وقمت اطنشه

 

[مارشميلو..]

اكثر شي ينرفزني لما يسوي نفسه طبيب اطفال ويعلمني شلون اسوي الرضاعه وشلون افوح الماي ومتى ابدل الحفاضه حق البيبي اووووووووووووف اعصب

 

[Patcholli]

ككاوه انا نفسج بالظبط :]

ريلي دايما يمدح بطباخي وكرش على ايدي

بس لا يشوفني اطبخ ايي يرتز ويأذيني ويعفسني ..

لا مو جذي ولا مو جذاك

عاد ذاك اليوم قتله فلان انت مو كل مره تاكل ويعجبك ..؟؟ جان يقول اي ... قتله خلاص عيل مالك شغل بهالسوالف

بس اتصدقين الحين صار مايساعدني نفس قبل لان كل مره يعفسني واتنرفز والله ولهت على السالفه هاذي الحين قاعده ايريره مره ثانيه وناسه لما يشاركج ويساعدج انتي استمتعي بهالشي ترى مو كل ريال يسوي هالسوالف احسن من واحد جامد انتي تطبخين واهو طالع وكاشت فيج حسيت ان ايام الي كان يشاركني كان يحبني ويستانس لما يوقف معاي بالمطبخ