منو الي ما تحب ريلها

[كويتيه قطوه]

قووووووه
شلونكم شخباركم
بنات انا مالجه من زمان تقريبا من 8 شهور وبصراحه مااكلمه لانه اهوا ما طلب يكلمني ومو حلوه انا ادق عليه
وطول هال8شهور ماشفته الا مره وحده وبنات مااحس اني احبه كلش كلش كلش تتوقعون يمكن عشان مااعرف
وبغيت اسأل منو الي ما كانت تحب ريلها قبل الزواج وبعده حبته لانه انا مالي اي مشاعر اتجاااهه
ومنو الي كانت تحب ريلها وبعد الزواج قل الحب
؟؟؟؟
وبلييييز الكل يجاااوب

 

[كويتيه قطوه]

يله ابي تفاااعل

 

[حلوه ولمآحه]

اهلين حبوبه مااعليه الحب الصجي يجي بعد الزوآآج

انتي ماحبيته عشانج ماتعرفينه بس بعدين راح يتغير الوضع
انتي لاتحطين هلشي في بالج ،،
وخلي الامور تمشي شوي شوي
ترى اذا بتحاتين ومادري شنو وماحبيته ويمكن مايحبني بتتعبين

 

[.،:"$الـعـوبــــة$":،.]

رد : منو الي ما تحب ريلها

أنا نفسك ، ماكلمته ولا كلمني !
وماشفته ولا مرة !!
حتى لما مرة جا البيت بياخذ أوراق لي ، رحت فوق انا والجادل نطل عليه ! وكان ظلما وماشفته عدل ، بس اللي ميزته انه كان طويييييييييييييييييييل ! ولما شغل سيارته عيت تشتغل !!!!!!!!:s141:
خخخخخخخخخخخخخخخخخخخخخخخخخخخخخخخخخخخخخ ضحكت عليه ضحك !!
وشفته ثاني يوم العرس وبدون ماينتبه لي ! أول يوم من الحيا والله ماقدرت ارفع عيني واشوفه ،
وطبيعي ماكنت احبه لأني ماكنت اعرفه ، بس الحين مااقول الا الله لايحرمني منه ياربي ،،​

 

[كويتيه قطوه]

مشكووووره فديتج يله كملو

 

[نـعـومـه]

رد : منو الي ما تحب ريلها

شلون تحبينه وانتي ماكلمتيه ولا عشتي معاه !!!

انا فتره الخطبه شفت زوجي لما خطبني بالنظره الشرعيه وشفته بالفحص

ماحبيته

بس ملجت وكلمته وطلعت معاه حبيته الحمدالله

 

[FeShinGoOo]

رد : منو الي ما تحب ريلها

اشلون اتحبينه وانتي ماعاشرتيه ..؟؟
انا اول ايام كنت انحاش من بيت ريلي كله نايمه عند اهلي كلش ماكنت حابته ولا كارهته ماكان في مشاعر ..
وكنت انساه ساعات لوول وساعات انسى شكله وقتله بعد ماحس انك شخص موجود بحياتي مو قادره احس بوجودك ..
تعالي شوفي الحين واهو نايم ابجي ابيه يقوم يقعد معاي وبس اقعد اطالع ويهه والعب بشعره حتى بيت اهلي مايهون علي اروح واخليه بروحه بس مابي اقطع الرحم قمت اروح اليمعه بيت اهلي والسبت اخذه معاي يعني بس يوم اليمعه اقعد عند اهلي وقبل كنت انام الحين لو تذبحيني ما اهده وانام بمكان اهو مو فيه
عادي قلبي هالاحساس طبيعي جدا وماراح تحبينه من اول اسبوع ولا اول شهر يبيلج تعاشرينه وتعرفينه وبتحبينه من المواقف والعلاقه اللي بتكون بينكم .. الحين مابينكم غير عقد وشوفه وحده .. اشلون بيتكون حب وعلى اي اساس ابينبني ؟؟

 

[ام غازي الصواغ]

الحب يجي بعد الزواج
شلون تحبين واحد ماشفتيه ولا قعدتي معاه
الله يزرع حبكم بقلوب بعض ويوفقكم

 

[BiiShOoO]

الحب بعد الزوااج

 

[فخامه كبريائي]

رد : منو الي ما تحب ريلها

بالعقل يعني ..ترا الحب يجي من العشرة ..