منو الي يطبخ ..؟؟ انتي و لا الخدامة ...؟؟

[خبيرة اعشاب]

السلام عليكم

الموضوع مبين من عنوانه؟؟ منو الي يطبخ انتي او الخدامة ؟؟ و لييييييييييش ؟؟

بالنسبة لي ااشوف حريم واجد لا هم موظفات و لا شي ..و هم بعد يعتمدون على الخدامة في الطبخ ؟؟ ما ادري ليش ؟؟

لو الوحدة موظفة ممكن انقول دوام و ما تقدر و ما في وقت ..انما وحدة مو موظفة و هم بعد اتخلي الخدامة اتحوس طبخها ...احس السالفة ملييييييييييقة حييييييل


بالنسبة لي انا شخصيا ما احب الخدامة اتجيس طبخي ...يعني حدها حدها اتغسل المواعين و اتنظف و تكوي الملابس ..حتى الغسيل انا احطهم بنفسي بالغسالة اخاف اتخرب ملابسنا ...

فما ادراك بعيشتنا no way مستحيل اخليها تلمس الطبخ


شرايكم ؟؟​

 

[أمـ طلال ــ]

والله يا حبيبتي كلامج صح ...

وطريقتج حلوه ..

اما بالنسبه لنا ..

فنخلي الخدامه تطبخ ..

لان امي ترجع من الدوام تعبانه .. ويزاها الله خير هم تضغط على روحها وتنزل تطبخ بس احنا ما نخليها يعني لانها ترد تعبانه فمانخليها تتعب بالطبخ ندلعها شوي .. وبالنسبه لي احب الطباخ .. يعني انا اغلب المرات اللي اسوي العشى .. بس الحين انا طالبه .. فأقعد اغلب وقتي دراسه .. ما افضى الا حزه العشى فأقوم اطبخ لهم احسن واحلى من الخدامه ..

وامي اذا ما نخليها تطبخ تنزل تشرف عالطبااخ .. يعني قلبها حار ما تقدر تخليها بروحها ..

وآسفه عالاطاله

 

[بنت عبدالغني شربت]

اهلي او اهله

 

[*دنــيـQ8 ــا الوله*]

انا اللي اطبخ او امي الله يخليها لنا انشالله .... لانه اساسا ماعندنا خدامه
حتى لو عندنا مانخليها تطبخ بالمره

 

[خشف العرب]

تسلمين ام خالد حبيبتي انا مثلج ماحب الخدامه تطبخ بس الشكو لله بعد هالدوامات مشكله اخبصتنا >>>>>>متي اتقاعد مليت ماصار لي 6 اسنين بس بس زهقت ## المهم لاداومت اهي تسوي الغدا وبالليل انا اللي اسوي العشا واهي معاي تساعد بالتحضير بس برمضان اجي احضر شغلي ومودايم بعد افطلر بالبيت وزوجي مره بدوامه او عند ابوه ومرات عندي يعني اذا اهو موجود احوس واسوي اشياء تهبل >>>>مره سنعه ههههههههههه واذا ماراح يفطر اجي انام واهي تسوي الشوربه واي شي بسيط حقي بس ومرات اقعد اروح افطر عند اهلي او اهله بس السحور اسوي سحور لي وله ومن صنع ايدي والله لو بكيفي اقعد من الدوام وانا اللي اطبخ ياحلو مقابل بيتج وعيالج ولا احب اخليهم عند الخدامه ااااااااااااااااااه دستي عالوتر الحساس يام خالد وانا بطيت اللي عندي كله واقرقتكم معللللللش

 

[irresistible]

انا اللي اطبخ اولا ما عندي خدامة ثانيا ما احبهم وتلوع جبدي منهم حتي امي الله يخليها لنا اهي اللي تطبخ بالبيت لو شنو ما اكل من خدم حتي اكل مطاعم ما احبة

 

[ضحكة الدنيا]

انا اللى اطبخ بس اهى تقصص لى البصل وتدق الثوم هالشيين مااحب اجيسهم

 

[أغلى حبيبه]

[frame="8 50"]انا كل شي اسوي
حتى التقصص بالمكينه ماتجيس شي

واهيا عليها التنظيف فقط[/frame]

 

[lolo77]

انا حاليا اللي اطبخ
بس لانه الخدامه يديده واول مره تدش ديره
وفي وقت ارجع اطبخ

اما اول فكنت انا اطبخ اول مره وتالي الخدامه كانت شاطره
وكل شي تعرف اخليها المره الثانية اهي اللي تطبخ
وعملتها على كل شي
من اعرف شي يديد اسوي مره وحده وبعدين اهي تسويه

بس شيين ما اخليهم تسويهم
العجين بيتزا ما بيتزا
و والورق العنب
احس انه تخصصي
والحلويات

طبعا الحين انا ميه ميه اطبخ واعفس المطبخ وااوصخ الموعين
بعدين اهي تدش تنظف

 

[kankona]

انا اطبخ لانة ما عندي خدامة و لمى اييب ان شاء الله ماراح اتجيس شي بس اتجهزلي و انا من راي اختي خبيرة اعشاب و شكلي ماراح اخليها اتجيس الغسالة

 

[رفرف]

انا اطبخ لأن خدامتي يديدة ..
ومو فاضية اعلمها لأن بالوقت اللي اطبخ فيه اهيه تجابل بناتي وبس تساعدني ..

بس قبل كانت عندي خدامة تبرد القلب كان الطباخ كله عليها ..
الصراحة حتى لو انا قاعدة بالبيت افضل احد يطبخلي وانا بس اشرف على كلشي واقعد بالبراد واجابل ريلي وعيالي احسن من اني اطحس بالمطبخ بين البصل والثوم والحمسات تالي مالي خلق اطل بويوهم ولا اجابلهم ...

 

[كويتية صغيرة]

اذا عندك خدامة انتى عودتيها على النظافة و تبرد الجبد ...... طبعا اخليها تطبخ و اريح نفسي
الا اذا في طبخات جديدة ابي اسويها

لكن

اذا والله الخدامة شغلها مو شي و ما يعتمد عليها
مافي مجال تطبخ

 

[خبيرة اعشاب]

رد : منو الي يطبخ ..؟؟ انتي و لا الخدامة ...؟؟

للرفع

 

[غلا فهد]

لاواللة الخدامة اهي اللي تطبخ علمتها علي الطبخ من لة خلق ررررررررريحة الحمسة والبصل والثوم هذا الغدا وبعدين انا موظفة ماعندي وقت اطبخ وثانيا العشااااا سندويجات اي شي علي السريع ولا مطعم يكفي طبخ الغدا ماحب ريحة الحمسة بالشقةةةةة ووووايد

 

[q8tyah]

قبل ماكنت اخلى الخدامه تقرب صوب الطبخ حتى البصل ماتقصه

بس يبتلى خدامه وطلعت طباخه درجه اولى ماشاءالله عليها تخصص بريانى وعيوش وتسوى بوفيهات بعد

عاد قمت وقدمت خدامه ثانيه لعيالى وخليت هذيك للطبخ

 

[مي الحلوة]

رد : منو الي يطبخ ..؟؟ انتي و لا الخدامة ...؟؟

انا بعد ما احب الخدامة تطبخ انا اللى اطبخ..واحناااا متعودين الخدم ما يلمسون اكلنااااا..يادوب تنظيف وغسيل الصحون..

 

[*ماي الورد*]

رد : منو الي يطبخ ..؟؟ انتي و لا الخدامة ...؟؟

انا اطبخ لأن خدامتي يديدة ..
ومو فاضية اعلمها لأن بالوقت اللي اطبخ فيه اهيه تجابل بناتي وبس تساعدني ..

بس قبل كانت عندي خدامة تبرد القلب كان الطباخ كله عليها ..
الصراحة حتى لو انا قاعدة بالبيت افضل احد يطبخلي وانا بس اشرف على كلشي واقعد بالبراد واجابل ريلي وعيالي احسن من اني اطحس بالمطبخ بين البصل والثوم والحمسات تالي مالي خلق اطل بويوهم ولا اجابلهم ...

انتي نفسي :icon30:

 

[مطيريه ماركه]

رد : منو الي يطبخ ..؟؟ انتي و لا الخدامة ...؟؟



مآمآتي تطبخ آنآ مآعرف وبعدين يخآفون علي من آلفرن
> يآي بس هذآ آلصج حدي سلطة

 

[الصعيريه]

رد : منو الي يطبخ ..؟؟ انتي و لا الخدامة ...؟؟

بالنسبه لي
كنت دااايم اطبخ واسنع الأكل
بس هالحماال هد حيلي فمره انا اطبخ ومره خدامتي

بس خدامتي ماشالله عليهاا نظييفه وطباخهاا حييل حلوووو

وقبل مآأحمل كله انا اللي أطبخ

 

[يـاسمينا]

رد : منو الي يطبخ ..؟؟ انتي و لا الخدامة ...؟؟

والله الحين ماكو مرا تطبخ الا ماندر
وحتى اللي ماتشتغل معتمدا عالخدامه اعتماد كلي بكل شي حتى هدومها وهدوم ريلها عالخدامه

انا عن نفسي ان اللي اطبخ وماعندي خدامه والله يديم علي هالوضع