منو برايكم اسهل واريح تربية اسلاميه ام رياض اطفال؟

[بـآربيـآ]

بلييز بنات كل وحده تكتب رايها واكون شاكرتلهاا:yaaaaaarb:

 

[حنطاويه عسل]

هلاااا والله بباربيااااا

شوفي برأيي تربيه اسلاميه اريييح صج انه رياض اطفال دراستهم اسهل

بس الاغلبيه يشتكووون من الوظيفه دخلي قسم معلمات رياض اطفال وشوفي

الكل يذم يمكن جم وحده الي تقول لا حلووو انتي استخيري وشوفي الي ترتاحيله

 

[حنطاويه عسل]

اي صح سحبتي من الجامعه ولالا

لان رياض اطفال الي بالاساسيه سكرووه اكتفاء

 

[^^طالبه^^]

طبعاا وبكل تآكيد التربيه الاسلاميه صح دراستها صعبه وحفظ بالكليه ودسمه
بس والله راحه عقبها
تدرسينهم بس طريقة الصلاة و تقرين لهم ايات قصيره وتحضرين
واللوحات مو بشكل مستمر تقطين من جيبج
اما رياض اطفال اوووف اجابياته بس انج تطلعين الساعه 12 ونص هذا الي اشوفه
اما من الساعه 7 الي الساعه12ونص غثا×غثا وتقطين من معاشج الا يقل عن 75 دينار شهريا بس علشان ترضين الناظره والموجهه

 

[بـآربيـآ]

اي سحبت من الجامعه لان اساساا رياض الاطفال رافعينه بالجامعه ومواد دايم مسكره وبتعب فيه


انااا ناويه ادش دين واذا فتحو رياض اطفال حولت بس الظاهر بقعد فيه لان وظيفته ارريح ومشكورين فديتكم

 

[حنطاويه عسل]

موووووفقه يااارب

 

[فـــخـــر]

اسلاميه احسن تعطينهم الماده وتطلعين : )

اما رياض اطفال تعب ومسؤولة عن صف

وعادي تقعدين تنطرين آآآخر طالب ناسينه اهله : \

 

[stop ana top™]

رياض أطفال صح انه دراسته سهله بس بالوظيفه تعب تعب
بنت خالتي ثاني سنه توضيف و تشتكي الله يعينهآ

آآما الإسلاميه سهل بالدراسه بس الصعوبه بالمساند لأنه عربي
إكئد طبعا أريح الإسلاميه
و إذا ودج بماده مريحه فنيه حلوه بعد
الله يوفقج

 

[princess-m]

التربيه الاسلاميه حلو بالوظيفه
بس يقولون صعبه دراسته لان وياه عربي
وبعدي عن رياض الاطفال حووووسه بمعنى الكلمه
..

 

[كيكه الكويت]

انا متخصصة رياض اطفال كراف بالجامعه و كراف بعدين
خليج ع اسلامية احسن بس احلا شي برياض انه شرح المعلمة بس 15 دقيقة
و هذا اللي عاجبني فيه

 

[أمـ مبارك]

ترررربية اسلاااميه احسننننن



دنيا واخرة



ورياض اطفال كل اللي اعرفه يسبونه لانه تعب بس اذا انتي تحبين الاطفال ةعند مجال تبدعين بالوسائل وهالاشيا دخليه


اولا واخرا عليج بصلاة الاستخارة

 

[! تئبر تسبدي !]

تربية اسلامية اسهل من رياض اطفال بالوظيفة !
موفقة .

 

[gala q8]

^ مآ قصروآ البنــآآأت ,, رآيـي من رآيهـمْـمُ

 

[شقاوتي غير]

اممم كدراسة 4 سنين رياض اطفال اسهل بكثيرررررر عكس دراسة الاسلامية كلها حفظ وتسميع وكل كورس مواضيع جديده اما رياض اطفال كل كورس نفس الموضوع

اممم اما كتوظيف اسلامية احلى من رياض الاطفال واسهل

 

[فتاة أعمال]

حاليا بنات جامعه و تربية كلهم حاطين ببالهم هالتخصصين بالاضافه للاجتماعيات .... توقعاتي للسنوات القادمه بيصير فلل ..و يمكن ما يوظفون -.-

 

[كلااسيكيه]

موووفقين

 

[Alrem_q8]

ليييييييييييش سحبتي من الجامعه !، المواد من قال مسكره انا تو مسجله للكورس الثاني كل المواد اللي ابيهم حصلتهم وولله الحمد ولا بعد عند احسن الدكاتره ) انا تخصص رياض اطفال
واللي تقول تعب رياض اطفال ترا ماكو وحده تشتغل ماتقول عن وضيفتها تعب
خالاتي ٢ اسلاميه كلهم يسبون التدريس !
ووحده كم مره تفكر تستقيل بس تغير رايها
وهم بعد رياض اطفال وااااااااجد يسبونه
يعني بالاخير كل الوضايف تعب !
واللي تقول كت فلوس ! هذا ع حسب الروضه وناضرتها ومشرفاتها
ابلات يقولون لازم نغير وسائلنا وبعضهم يقولون احنا عادي الوسائل نخشهم للسنه الجايه ماكو مشكله
وانا ام رفيجتي رياض اطفال وبنتها دشت رياض اطفال ! اتوقع الام تعرف مصلحة بنتها
ورفيجة خالتي مدرسة رياض اطفال تقول تمممدحه وتقول الناس يبالغون وضيفتنا حلوه والحمدلله
وع قولة جدتي كلام الناس اخذي نصه وقطي نصه !
وحتى خدامة خالتي تقول لنا لا تصيرون الا مدرسات رياض اطفال ))) هههههههه صج والله اهي تودي بنت خالتي الروضه وتجيبها تقول كل مارحت اشوف الابلات متجمعات ويسولفون تقول ليه هما مافي شغل !
هههههههه


وانا شخصيا رحت الروضه في اول دوام لهالسنه
كل صف له ٣ ابلات بهالوقت ماعدا بعض الروضات
وبالصف كان مداوم بس ١٤ طفل )) صف ثاني روضه وشكثر اللي يغيبون
ووالله اني انا انصدمت من النظام اللي شفته مع انه اول يوووم بالروضه لما جا وقت الاكل صفوهم طابور وكلهم يمشون ورا بعض ويضحكون وعاااادي عندهم هذا ثاني روضه انا ماشفت اولى
واكككيد في اطفال يبجون بس قليل بنت عمي لما دخلناها عيونها دمعت بس دخلناها واخذتها الابله وطلينا عليها ع طوول سكتت !
وفي بعضهم كانو يبجون والابله تسحبهم داخل الصف بالغصب )) هالشي ماعجبني لكن مع الوقت بيتعود
واذا ماتعود امه ماراح يطاوعها قلبها تقط ولدها وتمشي وهو يبجي ويصيح صح ولا لا


شكلي طولت ههههههههه
انا مااقولج ان الاسلاميه مو زين اههو زين وحاله حال اغلب المواد الثانيه
لكن كل اللي قلته كنت ادافع عن تخصصي
وموفقه ان شاءالله وان شاءالله ترتاحين بالدراسه وبوضيفتج المستقبليه سواء اسلاميه ولا رياض اطفال ولا غيره

 

[kustudent1]

أختي اختيار التخصص اللي يحدد الوظيفه اللي راح تشتغلين فيها طول حياتج المفروض ما يكون على اساس "الأريح" !!
ادري كلنا نبي الراحه, بس بالعلم والدراسه الراحه تيي من دراسة الشي اللي انتي تحبينه وتشدين حيلج فيه.
ممكن يكون فعلا في تخصص مافيه شغل وعلى قولتج "مريح", بس صدقيني ترى الملل وفقد المعنى بالوظيفة مشكله وايد اكبر من التعب او الراحه اثناء الشغل.
أما اذا كنتي محتاره بين تخصصين بناء على رغبتج (يعني انتي حابه التربية الاسلامية ورياض الاطفال) فهني استخيري وشوفي ايهو فيهم تحسين انج صج مستعده انج تتعاملين معاه طووول حياتج! المشكله ان في ناس عبالهم التخصصات لعبة وما يستوعبون الا لما يصيرلهم جم سنه يشتغلون ان مو هذا اللي كانو يبونه بالاساس, فلا تحطين نفسج بهالموقف على بو ان تبين شي مريح, صدقيني الراحه ما تيي من السهاله!!, الراحه شي اعمق من بس ان يكون شي سهل وما يتعبج! وعلى فكره الراحة ما اتيي الا من عقب تعب, فمفهوم "وظيفة مريحه" ما اعتقد ان موجود.
أما بالنسبه لهالتخصصين, فرأيي الشخصي فيهم..
اولا: رياض الاطفال: كل البنات داشينه عشان الهده امبجر... لا تعليق!! من جذي الحمدلله خفضو عدد المقبولين بشكل كبير لان مو معقوله كل الكويت بيدرسون روضه! فيعني الطلبه اكثرهم بهالتخصص يدورون "الاختصارات" ومو جادين بالجامعه ومطلبهم الاول والاخير "الفكه" وموداشينه رغبة او حبا فيه! طبعا هذا الاغلبية, اما في ناس ما شا الله تشوفين الشغف بعينهم لما يتكلمون عن هالتخصص وشلون صج حابينه ويبون ينجزون فيه! فيعتمد عالشخص نفسه, وبعد على نسبة الناس اللي داشته, يعني احتمال كبير ما يقبلون اكثر اللي يقدمون على هالتخصص..
اما التربية الاسلامية: هذا التخصص انا اعتبره خطر جدا خاصه للي ما يفهمون, يعني اذا انتي حاسه انتج مو داشته عشان رغبتج صج تدرسين الطلبه وتعلمينهم وتاخذين فيهم اجر وتحبين هالشي لا تفكرين تدشين هالتخصص! لان اذا وحده داشته بس عشان "سهل" او "مريح" هذي معناته بتكره جيل كامل بالدين, وماراح تدرس من قلب, وهذا من اكبر المشاكل الموجوده فالتربية الان, فاتمنى انج تكونين حاطه ابالج هالتخصصين لانج حابتهم صج مو عشان شي ثاني.
بالنهايه هذا كله رايي الشخصي فقط.
موفقه ان شاء الله.

 

[Bnt Salwa]

تربيه اسلاميه طبعا