منو تاثيره اقوى عليه.. أنتي ولا .... أهلــه ؟؟

[om MaRyooM]

الســــــــــــــــــــلام









تدرون ان المتزوجين كل واحد ياي من بيئة ولابد يكون فيه تضارب افكار واذواق واحيانا عقائد . .



وبما ان الزوج يكون عايش فترة مع اهله اطول من فترة علاقته مع زوجته .. بالتالي لابد يكون فيه تاثير من كلام اهله عليه .. خصوصا بداية الحياة الزوجية

والكلام اللي اقصده يكون مثلا نصائح او افكار (بيضة او سودة مايختلف) .. او احيانا يكون الكلام كتدخل فيضطر احيانا ان يتبع كلامهم من غير وعي ..


وهالشي طبعا احيانا يسبب مشاكل .. بس في حريم شطااار يمنعون هالشي من بداية الطريج وتلاقون تاثير مرته علي اقوى من تاثير اي بني ادم ثاني


فاللي بساله .. انتي شنو تحسين .. منو تاثيره اقوى على زوجج



انتي


ولا اهله ؟ ؟


ولو كان تاثير اهله في بداية حياتكم اهو المرتبه الاولى .. شلون قدرتي تخلين زوجج يتاثر من كلامج اكثر او ياخذ بنصايحج اكثر من اهله ؟؟




انا بداية زواجي عانيت لأقصى الحدود

وماقدرت ااثر على زوجي بشي كان كلام اهله سمعا وطاعة .. حتى لو على حسابي .. بس بعد تقريبا سنتين من زواجنا زوجي بروحه الله نور بصيرته واكتشف ان كل التاثير اللي حاصل من اهله سلبي .. وكان كلامي وافعالي اهما الصح ..

بس عقب شنو ؟؟ عقب ماتاذيت وانظلمت وطاح نص شعري :cxxxp: لوول



يللا الدور عليكم

 

[لجين]

رد : منو تاثيره اقوى عليه.. أنتي ولا .... أهلــه ؟؟

مشكلتي مع زوجي .. انه محفظينه كلمة وحده لا تسيطر عليك

لاني عندي اسلوب بالاقناع وهذا اكبر غلط اني كنت افتح قلبي

لهم واسولف معاهم فكانوا ينبهرون من اسلوبي

فلما اجي لزوجي بافتح معاه حوار يسوي هوشه وينحاش

او اذاتهاوشنا او اختلفنا على شي ونجي نتفاهم واقوله

تعال نتناقش قطها بوجهي لااااااا مابي احاجيج

انتي تشوفيني ضعيف بالاسلوب وتسيطرين علي بعدين

>>>> حطمني

سنة ونص وانا مو قادره اشيل هالفكره من راسه

ادعولي الله يخليكم

 

[om MaRyooM]

رد: رد : منو تاثيره اقوى عليه.. أنتي ولا .... أهلــه ؟؟

مشكلتي مع زوجي .. انه محفظينه كلمة وحده لا تسيطر عليك

لاني عندي اسلوب بالاقناع وهذا اكبر غلط اني كنت افتح قلبي

لهم واسولف معاهم فكانوا ينبهرون من اسلوبي

فلما اجي لزوجي بافتح معاه حوار يسوي هوشه وينحاش

او اذاتهاوشنا او اختلفنا على شي ونجي نتفاهم واقوله

تعال نتناقش قطها بوجهي لااااااا مابي احاجيج

انتي تشوفيني ضعيف بالاسلوب وتسيطرين علي بعدين

>>>> حطمني

سنة ونص وانا مو قادره اشيل هالفكره من راسه

ادعولي الله يخليكم

لجين

انا ماطرحت الموضوع الا وهذي كانت مشكلتي ... نفس مشكلتج بالظبط

وهذا اللي سبب مشاكل


يسوولهم غسيل مخ .....(لا تسيطر عليك...........خلك ريال............)

واحنا نكون الظحية


وانا نفس مشكلتج .. موقادرة اشيل هالفكرة من باله !!!!! والغلطة تدرين شنو ؟؟
انج نفس ماقلتي كنتي تفتحين قلبج وتسولفين على طبيعتج وهالشي بهالدنيا غلط بغلط .. لازم الوحدة تكون رسمية ولازم نكون ملف مسكر محد يشوفه غير الزوج


ومشكووووورة على المرور .. وعسى الله يسخرلج زوجج

 

[ريمـا]

الله يسخر لي ريلي
ويبعد عننا
المؤثرات الخااارجيه

 

[eman84]

والله شوفي مو المهم منو الاقوى

المهم منو اللي رايه صح وبمكانه يعني مرات اهله ومرات انا عادي

وتقبلي مروري

 

[أشبـاهـ المطـر]

الموضوع حلو يعطيج العافيه

انا زوجـي انسان عصامي صارم جداً ..!
لايمكن احد يتدخل في حياته والله الحمد اهله مو فضولين
وبصراحه انا اشوفهم مع كل مالهم شغل بحياة اعيالهم ...

بالعكس انا تعلمت منهم يعني انا باول زواجي
كنت منقثه من زوجي مايتغرض لشقتي طبعاً انا المح
واسوي مقدمات وعمك اصمخ لووووووووول
واهله بس يقولون له نبي على طول يجيبه !!


بالاخير اكتشفت ان صغيه الامر والوضوح اهيا صح
الحين صرت اعطيه كاش لووووووووووووول

 

[أو عبوش]

اهم شي عوضي نص شعرج اللي طاح لووول والله الحياه الزوجيه مانستفيد منها الا الصلع والسيلولايت >> هذي مدري ليش


المهم كاااااااااان فعل ماضي طبعا كان كله يسمع اهله

مع اني ما اعارض

بس كنت كل مايطيع اهله بشغله انا مو مقتنعه فيها بعدين تخترب خطتهم اقوله شفت؟؟ اللي مايطيع يضيع؟؟ واللي مايسمع النصيحه خسران........... بالعربي كنت اخليه يأنبه ضميره انه ماخذا رايي لانه لو كان ماخذ رايي مثلا كان نجح بالشي اللي استشارنا فيه

الحين الحمدالله كل شي ياخذ رايي مع انه يعاند لووول بس الحمدالله افضل من قبل 100 مره

وماني من النوع اللي اعاند بالراي للامانه....... انا رايي اشوفه للشي اللي فيه منفعه يعني ما اخذ راي عكس اهله بالعكس...

 

[a7la MUM]

رد : منو تاثيره اقوى عليه.. أنتي ولا .... أهلــه ؟؟

الف الحمددددالله ماعندي حموله لووووووول
امه انقليزيه وخواته اهناك يعني ماعنده احد غير ابوه وبالعكس ماعنده هالسوالف
والله صج لما اقرى اهني عن سوالف الحموله ساعات اقول ودي اجربها وساعاااااااااااات احمد ربي عالنعمه اللي عندي

موضوعج وايد حلوو

 

[ام الدرر]

زوجي علاقته من قبل زواجنا باهله مو ذاك الزود مافيه ترابط ماعندهم مشاكل بس ماعندهم سوالف الاخوان والخوات
لا سلبيين ومتقلبين يوم تلقينهم 24 ساعة معاج ويحبونج ويوم طاف جنج مو بالوجود
صرت انا اقرب لاهله منه هو
فالحمدلله مافي تاثير لهم على شخصيته وقراراته​

​

 

[فاقده ابوهاااا]

رد : منو تاثيره اقوى عليه.. أنتي ولا .... أهلــه ؟؟

حبيبتي دايما الزوجه تكون اقوى بس لازم اتعرف اشلون تيي حق زوجها وطريقتها بالاقناع والعياره

 

[DooLy88]

مرات اكون انا اللي تأثري اقوى
وساعات اهله
اذا بالامور اللي تخص العايلة من ناحية اكبر - ياخذ برايي ويسمعه ويسمع كلام اهله
عاد ويطبق الشي الصح (بمساعدتي)
وباقي الاشيا الشخصية اللي بيني وبينه مانحب احد يتدخل موعشان شي
بس هالشي راجع لنا احنا


والحمدلله احنا مايمشي عندنا ان الريال كلمته وبــــس اهي اللي تمشي ولازم مايسمع كلام زوجته << لانه حجي مال اول وناس متعقدة ماتعرف الديمقراطية << شرايج فيني ؟؟

وانا قبل لايتزوجني كنت معاه على علاقة حب :$ وكنت اقول له
محد اعلى من احد
الريال له احترامه والمرة اكيـــــــــــــــد لها احترامها
علاقة الزوجين مبنية على الاحترام والاخذ والعطا بالنقاش
علشان اذا تزوجني يعرف طريقة تفكيري شلون ويسوي اللي انا ابيه ويتعود << وانا وجهة نظري صحيحة عشان لايظلمني بيوم من الايام ويمشي كلمته وبس - والحين الحمدلله

تسمع رايي وان ياز لك طبقه ونفس الشي انا

لكن للأمانة زوجي ياخذ برايي اكثر من اهله - موعشان يحبني اكثر او مايعطيهم اهتمام @@ لالالااا

بس يسوي الشي اللي يجوفه صح - سواء مني او منهم


"موضوع حلو"

 

[الناعمة]

رد: رد : منو تاثيره اقوى عليه.. أنتي ولا .... أهلــه ؟؟

انا والحمدالله

 

[Sweetq8]

الحمدلله من اول ماتزوجت وانا دايم راي يمشي مع اني ما احن وا احب الحنه بس هو الله لايحرمني منه مايحب يشوفني متضايقه و والله مادري مامر علي موقف ان يحتار بين رأي او رأي اهله لان اهم مالهم شغل بولا شي بحياتنا


والله يوفقكم يارب

 

[فوفو22]

رد : منو تاثيره اقوى عليه.. أنتي ولا .... أهلــه ؟؟

بلا ادني شك

يعتمد على نضوج وعقل الزوجه

اذا صار عقلها كبير وتعطي الراي الزين بعقل وبضمير

تلاقينه على طول يستشيره بصغيره وكبيره


واذا عقلها صغير وغيوره وانانية بآراءها واجاباتها له

يصير تحفظ منه لها

ويبحث عن مصدر آخر يفضفض له ويستشيره



فوفو

 

[درة أهل الطولات]

رد : منو تاثيره اقوى عليه.. أنتي ولا .... أهلــه ؟؟

على حسب الموقف

 

[حياتي فراغ]

رد : منو تاثيره اقوى عليه.. أنتي ولا .... أهلــه ؟؟

انا لأن ماكو أهل

 

[مجبوس]

رد : منو تاثيره اقوى عليه.. أنتي ولا .... أهلــه ؟؟

وااااي ام مريوم موضوعج حده عجيب


انا حاسه فيج ليش اني ماره بنفس ظروفج انا تزوجت اصغيره وما اعرف شئ من الدنيا وبحكم ان ريلي علاقته بامه
حيل قويه واهوه المفضل بين اعيالها فكان داااااااااااااااائما ياخذ رايها وكلامها اهوه اللي يمشي وانا اسكت وما اتكلم
وايه نسيت اني اقولج كان كل شئ يعلمها في وين رحنا وين يينا اشسوينا اشوي اشوي بديت ابينله اني اتضايق
خالتي اتعرف كل خصوصياتنا وبدت المشاكل والنجره وبعدين لما يانا اعيال بدا عمي بعد يدخل في تربيتنا حق اعيالنا
سنه سنتين ثلاث لين تزوج حماي وشاف ريلي الفرق بينا وبينهم تخيلي انه يقول حق امه اسف يمه بس مرتي تبي جذيه حس ريلي اشكثر انا مدقوره والحمدلله بفضل دعائي ان الله يسخره لي وبعض المناقشات والمهاوشات استقرت حياتنا للافضل بس الحين يستشيرني بكل اصغيره وكبيره ولا افرض راييعليه وعليهم استقويت ههههههههههههههه

:lkmnkl:

 

[So0oKaRa]

والله ريلي محد مأثر عليه لا انا ولا اهله
ماشاءالله شخصيته قويه وقراراته حكيمه
ومحد يأثر عليه
والحمدلله عاجبني حاله دام يفكر عدل وشخصيته مستقله ومحد يتحكم فيه

 

[om MaRyooM]

تسلمون حبايبي

قريت كل الردود واحترم كل وجهات النظر


مشكورين ع التفاعل .. وننطر اراء المتبقين

 

[FeShinGoOo]

محد يأثر عليه اتصدقين عمري مافكرت بهالشي