منو تبى هـ الكتب

[الكــادى..]

السلام عليكم ورحمة الله وبركاته

عندى مجموعه من الكتب , اللى تبى اى كتاب منهم تراسلنى
لاتخافون بلااااش

وهذى اسماء الكتب :

- العدوان العراقى على الكويت ....
- دليل معرض العمله الكويتيه عبر التاريخ ...المؤلف عادل محمد
- صناعة السفن الشراعيه فى الكويت ...يعقوب يوسف الحجى
- الموسوعه المختصره للازياء والحلى الكويتيه ....سلوى المغربى
- نساء شريرات ... مارغريت نيكولاس
- الحداق موسوعه صيد الاسماك فى الكويت ... محمد يعقوب بكر البكر
- الغدر .. عن الغزو ...ادارة المعلومات
- الفلوكلور الكويتى ... صفوت كمال
- تاريخ الخدمات البريديه فى الكويت .... محمد عبدالهادى
- تاريخ الخدمات الصحيه فى الكويت ...خالد فهد
- اسواق الكويت القديمه .... محمد عبدالهادى
- خنادق النفط وتدمير البيئه ...اكثر من مؤلف​

 

[بنوتة طموحة]

صراحة كتب قيمة

بس كنت بسأل ليش بتتخلين عنهم

الله يخليج لا تقولين لي نفس بعض المحلات للانشغال ؛؛؛؛؛ اعذريني أحس نفسي فاصلة

بس كنت بسأل اللي يبيهم شلون بتوصله الكتب؟

 

[الكــادى..]

اسوى تصفيه للكتب اللى عندى
والحين قلت اللى يحب هالنوعيه من الكتب خل يستفيد
واللى تبى تاخذهم تمر والخدامه تعطيها الكتب وهى بسيارتها

 

[al-musk]

مشكورة ماقصرتي .. ان شاء الله يناسبون ذوق احد او يكون احد محتاجهم

 

[راعية الطويلة]

 

[عهود الحب]

انا محتاجة اي شي قديم عن الغزو
الاصدارات القديمة الي كانت وقت الغزو انقرضت تقريبا
اذا ممكن أبيهم
بس شلون و شحقه بتخلصين من هالكتب هذول ثروة !
راجعي نفسج

 

[تاليا sody]

مشكووورة حبيبتي و ما قصرتي .. تسلمين يا رب

 

[الكــادى..]

الله يسلمكم يارب
عهود الحب
تامرين , وان شاء الله تستفيدين منهم
واذا بغبتى اعطيك العنوان و تمرين تاخذينهم
او اذا حابه اقرب مكان صوب مكتبه او جمعيه وتاخذينهم

 

[عهود الحب]

اوكي تمت
بس ارسلي لي عنوانج او المكان برسالة خاصة
الجمعة يناسبني بس مبجر شوي
تدرون مواعيد شياب

 

[Little_Queen]

حبيبتي الكتب اللي عنج هذي قيمة جدا !

ليش بتتخلين عنهم ؟؟ مكررين ؟؟؟؟؟؟؟؟؟؟؟؟؟؟


بصراحة مستغربه جدا لأن العناوين واحد احلى من الثاني !

 

[qaz123]

السلام عليكم ورحمة الله وبركاته

عندى مجموعه من الكتب , اللى تبى اى كتاب منهم تراسلنى
لاتخافون بلااااش

وهذى اسماء الكتب :

- العدوان العراقى على الكويت ....
- دليل معرض العمله الكويتيه عبر التاريخ ...المؤلف عادل محمد
- صناعة السفن الشراعيه فى الكويت ...يعقوب يوسف الحجى
- الموسوعه المختصره للازياء والحلى الكويتيه ....سلوى المغربى
- نساء شريرات ... مارغريت نيكولاس
- الحداق موسوعه صيد الاسماك فى الكويت ... محمد يعقوب بكر البكر
- الغدر .. عن الغزو ...ادارة المعلومات
- الفلوكلور الكويتى ... صفوت كمال
- تاريخ الخدمات البريديه فى الكويت .... محمد عبدالهادى
- تاريخ الخدمات الصحيه فى الكويت ...خالد فهد
- اسواق الكويت القديمه .... محمد عبدالهادى
- خنادق النفط وتدمير البيئه ...اكثر من مؤلف​

جزاج الله خير
فكرة أكثر من رائعة
ويجعله في ميزان حسناتج
والمفروض المنتدى يتبنى فكرتج ويساهم في اعادة توزيع الكتب بين البنات لتعم الفائدة
مشكورة وان شاء الله انضم لكفي توزيع وتدوير الكتب

 

[عيون منوعه]

يـ ع ـطيج العآآفيه

 

[noorq8]

شدني عنوان كتاب نساء شريرات أذا بعده موجود أنا ابيه دزيلي عنوانج عالخاص .

 

[ام بنتها]

يعطييج العافيه

هذا موجود ؟
- الموسوعه المختصره للازياء والحلى الكويتيه ....سلوى المغربى

 

[أنا و ليلى]

قواااج الله اختي عالخدمه الحلوه ..
بصراحه انا ما أهتم بالكتب اللي ذكرتيهم ..
اهتمامي وميولي غير ..

بس عندي طلب واحد وأتمنى من كل قلبي انج تفيديني فيه ..
اي تصفيه ثانية للكتب عندج علميني وعطيني أول بأول

ادري طلبي ثقيل بس تحمليني الله يخليج

 

[شمع تحترق]

حلوه طريقتج


و ان شاء الله بميزان حسناتج

 

[الكــادى..]

شكرا لكم على ردودكم الطيبه
وشكرا "qaz123"
على ردج الحلو ,وان شاء الله تكون الفكره مفيده
أنا و ليلى
الله يقويج حبيبتى
ولا يهمج ماطلبتى شى
والحمد لله تم توزيع الكتب