منو تحاورني؟؟؟؟؟؟؟؟؟؟؟؟

[رينااااد]

بنات بكتب بيت شعر ووحدة ترد بنفس الوزن والقافية

العاشق اللي هد حيلة غيابك

ليتك دريت بضيقته والتياعه

 

[loony]

مشتاق لك موت بغيابك

ويتمنى وجودك باحضانه

 

[رينااااد]

حبيبتي اشكرج ع الرد بس البيت مكسور

 

[أم محمد A@W]

أنا بجاريك ما يسمونها محاورة تسمى مجاراة

طيفك معه والعين تتبع سرابك
وكل ما قرب منك تزيده قطاعه

 

[رينااااد]

بالله قلي وين وقتي غدابك
ياكيف بنسى وقتنا واجتماعه

 

[صياهد تخاديد]

ريناد ياريناد با طق بابك.....................شريان قلبي لاع والعشق لاعه
ياشين من تعشق وهو ما درى بك.................يكوي جهله وغيبته كل ساعه

 

[صياهد تخاديد]

ياليت لو تغيرين البحر!

 

[أم محمد A@W]

وبالله قلي ليه قلبك سهابك
وقلبي على فرقاك يشكي ضياعه

 

[رينااااد]

ابرتجي وصلك وابنسى عذابك
لاني من الصدمات جتني مناعه

 

[رينااااد]

ام محمد وصياهد صح لسانكم ولا هنتو

والبحر حلو ياقلبي

انتي اكتبي بيت واحنا نرد عليج

 

[صياهد تخاديد]

ايا ريناد قولي لي صراحه........ايمكن ان يكون الحب راحه؟
انا سبع السنين اللي مضت لي.......سهير العين لين اسمع صياحه
صياح الديك وتغريد الحمايم.......تعودنا عليها من صباحه
ايا ريناد قولي لي وقولي ....... غريق الحب فاشل بالسباحه؟

 

[.Miss Ana.]

بنات بكتب بيت شعر ووحدة ترد بنفس الوزن والقافية

العاشق اللي هد حيلة غيابك

ليتك دريت بضيقته والتياعه

هذا انا شف وقفتي عند بابك ,,

قلبي من بعدك يبكي ضياعه.

العذر و السموحه هذا اللي قدرت عليه لاني ما لقيت قافيه على

وزن التياعه إلا كلمة ضياعه ,,​

 

[رينااااد]

ترى قلبي من همومه تعذب
سكن في القلب ومن ثم استباحه
حبيبي كم ترافقنا سويه
قضينا الحب في شوقه ومراحه
ترفق ثم ترفق في عذابي
ابطلب منك ساعت استراحه
دخيلك لا تخليني لوحدي
ابنسى البعد وطعناته وجراحه

 

[رينااااد]

صح لسانج مس ون

 

[صياهد تخاديد]

صح لسانك ((وأصباعك !))

تكفين ! تكفين ! ياريناد...................ماج البحر بي وغرقني
الشوق زاد الهجر بعناد.................وهذا هو اللي يوهقني !
ريناد شوقي اذا ما عاد...................للموت ماحد ٍ يسابقني (استغفر الله)




"امتعتيني حقيقةً"

 

[رينااااد]

مافاد دمعك ترى مافاد
واللي رحل لابد يذكرني
ياقلب خله على ماراد
خلة يباعد عنك وارحمني
دامه رجى في حبنا بعاد
ربي معه والله يعوضني!

 

[ml7_q8]

وان كان قلبه على الفراق معتاد
خله على الذكرى ولابد تنفعني
ويآ صآحبي من عرفتك رآعي عنآد
عل الليآلي تمر وعنك تآخذني


:

هذآ اللي قدرت عليه

 

[صياهد تخاديد]

الظاهر بحر الهجيني صعب عليكم
وش رايكم في بحر الحداء
.
تكفين ! تكفين ! ريناد ........... صابر على الهجر دايم
صابر على الهجر بعناد........... وش حيلتي وانا هايم

والا هذا البحر

عيني اللي ساهره ! طول الليال
............................................ما تنام الليل ! والرب الرحيم
من خدود ٍ زاهره ! وا يّا الجمال
...........................................عاشق ٍ جميل ! والرب الرحيم
عاشق اللي طاهره ! زين وكمال
..........................................ياهوا عليل ! والرب الرحيم

واذا ما عجبكم نرجع على اللي تبونه

 

[.Miss Ana.]

عيني اللي ساهره ! طول الليال
............................................ما تنام الليل ! والرب الرحيم
من خدود ٍ زاهره ! وا يّا الجمال
...........................................عاشق ٍ جميل ! والرب الرحيم
عاشق اللي طاهره ! زين وكمال
..........................................ياهوا عليل ! والرب الرحيم

واذا ما عجبكم نرجع على اللي تبونه

سبايب نحرٍ تحدر منه سلسال

غدى متني نحيل و الرب الرحيم

و ان زال الامل حبها بقلبي ما زال

باقي امل رغم الالم و الرب الرحيم

و ان طال البعد طال عنادي طال

صابر على المسافه و لي الرب الرحيم

من تأليفي >> كذا زين و لا المحاوره غلط ؟​

 

[صياهد تخاديد]

ههههههههههههههههههههههههههههههههههههههه
شكرا على المشاركة
يستحسن نغير البحر