منو تدرس ماجستير بجامعة لكويت ؟؟؟؟

[$نسيم الصباح$]

السلام عليكم ياحلووات .
أنا عندي استفسارات أنا مدرسه وخاطري أكمل دراستي بجامعة لكويت . رحت لكلية الدراسات العليا بالجامعه وسألتهم أنا مستوفيه الشروط بس ماعندي توفل .
إذا في وحده تكمل دراسته بجامعه لكويت يارت تفيدني .
شنو أحسن مكان أدرس فيه حق توفل؟ عشان أجتازه ؟
الدراسه صعبه ؟ لاني خايفه ؟
المواد هل هي بالعربي ولا بالأنجليزي ؟؟
أنا راح أدرس أصول تربية أو إدارة تربويه ؟ لاني خريجت كلية التربية الأساسية ,
ياريت في وحده تجاوب علي حتي لو علي الخاص . عندي طموح بس خايفه ماأقدر عليهاا .

 

[$نسيم الصباح$]

يريت ترفعون الموضوع عشان البنات يستفيدون

 

[وحدة من الناس *]

للرفع

 

[nadoo]

رفع
رفع

 

[طالبة1990]

اذا بتاخذين توفل محلي بجامعة الكويت

عندج كتاب ل عباس الشمري بمكتبة الجامعة ينباع

وهمن في دورات توفل بجامعة الكويت


وعندج بعد الامديست عندهم دورات للتوفل بس اظن ل ibt

وتقدرين تقدمين امتحان الايلتس بالبرتش كاونسل هالامتحان مكافئ للتوفل

 

[MISS __Fato0]

اب
اب
اب

 

[:: Diva ::]

انتي اول امتحني تجربه
شوفي مستوى الاختبار

تالي اخذي دوره و اطلعي على النت
المواد باللغه العربيه


لكن توني حاضره مناقشه
كل الدراسات و الاطروحه عربي
لكن الدكتور المناقش طلب المصطلحات الانجليزيه !!!


بعدين راح تحتاجين اللغه في الترجمه و المصادر الغير عربيه
يارب الله يكتبها لج و لي


متى اعلان القبول ؟

 

[اللولو000]

الله يكتب لج ما فيه الخير والصالح

في البدايه جربي الامتحان وشوفي مستواه وطريقته انا قريت ان كتاب عباس الشمري وايد زين مثل ما اذكروا خواتي الي فوق

انا السنه اللي طافت قدمت ويبت 430 لاني قدمت بكلية الاداب قسم اللغه العربيه اهم يبون 400
وسويت كل اوراقي وكان كل شي سهل ولله الحمد

بس اخر خطوه كانت المقابله الشخصيه من الكليه نفسها بس للاسف ما قبلوني لان عدد المتقدمين كان وايد

والخيره في ما اختارها الله
وانشالله ناويه هالسنه بعد اقدم يمكن ربي يكتب لي نصيب


الله يوفقج ويوفقنا جميعا حبيبتي *

 

[كويتيه cool]

درسي من الكتاب اللي قالو لج عنه اذا ما تحبين سوالف المعاهد نفسي
انا قدمت توفل امس وكان صعب وحاسه اني ساقطه
فبدرس من الكتاب أللي قالو عنه البنات مره ثانيه عشان أعيد الامتحان
بس ان شاء الله أتمني أكون ناجحه عشان بس يبقى لي المقابلة

*

 

[^_^NANOSA^_^]

الله يوفقكم يا رب ، لكن اختي بغيت أسألج شنو شروط اكمال الماجستير اذا كنت خريجه كليه التربيه الاساسية ؟

 

[ترف بابا]

اذا بتاخذين توفل محلي بجامعة الكويت

عندج كتاب ل عباس الشمري بمكتبة الجامعة ينباع

وهمن في دورات توفل بجامعة الكويت


وعندج بعد الامديست عندهم دورات للتوفل بس اظن ل ibt

وتقدرين تقدمين امتحان الايلتس بالبرتش كاونسل هالامتحان مكافئ للتوفل

نفس كلامها بس الدوره امتع واوضح من الكتب

وشرط التوفل عشان الاعتماد الاكاديمي مال الجامعه وبعد عشان تقليص الاعداد المتقدمين

 

[LA TROO7]

الايلتس اسهل من التوفل

انا ادرس اصول تربيه
الشروط خبرة 3 سنوات ومعدل عام 3 نقاط

 

[:: Diva ::]

وفي معدل تخصص بعد

كتاب عباس وين الاقيه و بجم ؟

 

[كويتيه وافتتخر]

بنات تكفوووون .... لاتردون طلبي ... انا معدلي مايسمح اني اكمل الماجستير فيه طريقه ثانيه عشان اكمل ويكون علي احسابهم

 

[LA TROO7]

بنات تكفوووون .... لاتردون طلبي ... انا معدلي مايسمح اني اكمل الماجستير فيه طريقه ثانيه عشان اكمل ويكون علي احسابهم

عادي تكملين بسهوله

يعطونج مادتين او ثلاث واذا اجتزتيهم تبلشين ماستر بالتخصص اللي اخترته

وهذا يسمونه نظام الغير مقيدين

اذا رحتي تقدمين اوراقج قول نظام الغير مقيدين

مادتين او ثلاث الماده الوحده ب150 دينار

ترا كانوا مسكرين هالنظام ومن حظج من السنه اللي فاتت بطلوة

 

[لـيلـى]

بنات اللي تكمل دراستها بالماستر تاخذ اجازه دراسيه من اداومها او شلون الطريقه؟؟

 

[:: Diva ::]

في تفرغ دراسي بس يشترط خبره 5 سنوات
و في تفرغ جزئي


في كل الحالات في خصم من الراتب
و شروط

 

[LA TROO7]

التفرغ الدراسي مو شرط 5 سنوات
تقدر تاخذه اول ماتحصل موافقه عالدراسه

 

[طالبة1990]

الدوام الجزئي خصم من الراتب؟؟!!

لييييش ومنو قال؟!

اذا قاعدة اداوم بشغلي مالهم شغل ليش يخصمون

 

[:: Diva ::]

والله قبل شهر قالت لي وحده بادارة الماجستير
ان يخصمون منها
لكن ما عندي شي رسمي