منو تراجع عند د.ناهد العلي و د.ناهد العلي؟؟؟؟عاجل للي كان عندهم ضعف في التبويض

[strawberryq8]

السلام عليكم ورحمة الله وبركاته

كويتيات
خواتي عسا الله يتمم عليكم حملكم يارب
ويرزقني ويرزق كل اللي يبي بيبي يارب

كويتيات

منو منكم كانت تعالج عند الدكتورة.ناهد العلي؟؟؟؟ والا د.هدى الناصر


انا عندي ضعف في التبويض(ضعف هرمون البروجسترون)
واعالج عند د.عالية
وبصراحة
ودي استشير احد غيرها
بس عشان اتاكد



منو منكم تعرفها؟؟؟؟؟

عفية عاجل​

 

[++The DuchesS++]

الله يرزقج ان شاء الله الذريه الصالحه

 

[strawberryq8]

غفران مشكورة حبوبة
محد عبرني غيرج

 

[ni3ssani]

حبيبتي ستروبري

انا كنت اعالج عند ناهدة العلي الصراحة وما عجبتني كلش حسيت انها تجارية مادري يمكن البنات عندهم غير راي بس بالنسبة لي انا ما عجبتني ولا ساعدتني تصدقين كانت ساعات تنام وهي تكتب الوصفة

 

[لمسة فن انثى]

لا لا لا بعدي عن ناهده اتنام وهي تكتب الوصفه من كثر التعب والله اني كنت انا وريلي نضحك لما نشوفها تنام بس كليتها بعدين يوم افتحت بطني وشقت لي المثانه

 

[لمسة فن انثى]

روحي عند معصومه مخصيد شااااااطره بهالسوالف بس غاليه

 

[كويتيه مذهله 87]

أنا كنت أراجع عند ناهده العلي هي حبوبه وتهبل تحسينها أمج الثانيه وأسعارها أرخص من غيرها بس هي شاطره تعالج حمل مو إلي تبي تحمل أنا جربتها يوم أبي حمل ماعندها خبره كافيه بس ترتاحين لها
بس لو أدورين ماراح تلقين
مثل شطاره فوزيه القطان

 

[strawberryq8]

والله حيرتوني بصراحة

انا سمعت عن ناهد العالي وهدى الناصر اشياء حلوة
ومدحولي اياهم ووصلوهم لي السما

وانتو اللحين كلامكم عكس كلامهم

ياربي

وين اروح؟؟؟؟

فوزية القطان مااعرفها ولا سمعت عنها الا من المنتدى هني


الله يكتبلي اللي فيه الخير
ويكتب لكم اللي فيه الخير قولو امين

 

[q.u.e.e.n]

فوزيه القطان ممتـــــــــازه بس غاليه

 

[غيـ الناس ـر]

انا رحت لها مراجعه وحده الطبيبه عن الظليمه والله تهبل .. بس عيادتها وسكرتيرتها تعبانه

 

[ريم و بس]

انا كنت اراجع عند د.ناهده والله تهبل بس انا ولادتي كانت طبيعيه والحمدلله بس اهيا عيادتها زحمه وايد و هذا الي كنت اتضايق منه- واهيا حليوه لأبعد درجه و رخيصه وايد ولا تتطلب وايد.

 

[strawberryq8]

مشكورين بنات

 

[<<لمار>>]

جربى نداء بوخضورشاطرة وعندج دكتور فى الشعب التخصصي الرميح بس مادرى شسمة لاكن يمدحونة

 

[strawberryq8]

فايزة
مشكورة
اختي
بس بصراحة
مااقدر اضيف احد عالماسنجر

ياليت اذا في مجال

تحطين لنا
موضوع كاااااااااامل عنج
وعن خبرتج
واللي تبي تستشيرج

تستشيرج بالموضوع الخاص فيج
وراح اكون انا
اول وحدة


مشكورة عالرد

 

[ام الكتكوته]

صح كلام البنات ناهده شاطره بمتابعة الحمل والولادة

مو بالمساعده على الحمل

بس روحي حق حازم الرميح حق الاستشاره

ما شاء الله عليه دكتور حبيب وتحسينه يكلمج جنه ابوج والله

وريال عود وفاهم شغله

واذا استشاره بس عادي ريال اهو ما راحح يكشف

والله انا رحت حق دكتورات والله ما ارتحت حق احد منهم مثل دكتور حازم

توكلي على الله وروحي له

وان شاء الله راح تلاقين الخير

واهو من النوع الي يساعد

يقول لج انا بفتح لج ملف بالصباح

واسوي لج التحاليل والسونارات والاشياء الغاليه اهناك ابلاش

لان اهو مدير فسم طفل الانبوب بالصباح

والله يرزقج الذريه الصالحه يااااااااااارب

 

[المهذبه]

أنا راجعت عندالدكتوره ناهده وماعجبتني وخليتها...الدكتوره هدى ماعرفها.

 

[strawberryq8]

ما قصرتو خواتي

 

[ام عفاف الكويت]

ناهده ممتازه كمتابعه حمل

بس ماسمعت عن علاج حمل عندها

سمعت عن معصووومه بس اسعارها ناااااااااار

 

[<Miss ROoSe >]

السلام عليكم
حبيبتى أنا حابة أقولج تجربتى لعل وعسى انج تستفيدين منها
حبيبتى أنا كنت أراجع قبل 5 سنوات عند د0 لطيفة الدويسان وبصراحة هى اخصائية هرمونات وغدد وااااااااااااااااااااايد ممتازة وكانت تعالجنى أنا وبنت خالتى حق ضعف المبايض والتكيسات والحمد الله كل وحدة فينا طلعت منها حامل بعد شهرين والفضل يرجع لله ولها
ولما فكرت أحمل مرة ثانية رحت لها طبعا بمجمعها الطبى اليديد بعد ما كانت بروحها ذيج الفترة لكن الحين استاف طبى بهالمجمع
المهم عالجت عندها فترة لكن ما حسيت بفرق ولا حملت وحسيت بصراحة بس تنهب منج فلوس بس عكس يوم اول ما فتحت فتركتها وراجعت بدار الشفا عند د0 مجدى وبصراحة وااااايد مدحوه لى وفعلا هو خوش دكتور والحمد الله عالجنى وصرت أوكى لكن المشكلة طلعت بزوجى يبيله فترة علاج طويلة
والحين انا ناطرة يخلص زوجى العلاج ونشوف انشاء الله ربى يكتب لنا الذرية ويرزقنا معاكم ويرزق كل وحدة ناطرة البيبى
وسامحينى قرقت عليج​

:dddds:​

 

[strawberryq8]

الله يرزقني ويرزقكم بالذرية قولو امين