منو تعرف د.منتهى بستشفى العرف؟

[البنفسجه]

مرحبا بنات
بغيت أسألكم منو عالجت عند الدكتورة منتهى بمستشفى العرف؟
ابي رايكم فيها؟

 

[&رعبوووبه&]

هلا حبوووبه اول مرة اسمع فيها

اتمنى البنات يفيدونج

موفقه

 

[البنفسجه]

مشكورة حبيبتي رعبووووووووووووبه
على اهتمامج

 

[ام الاسمر]

مرحبا
حبيبتي انا عالجت عند دكتورة منتهى صار خمس سنين ماحملت وراجعت عنده من كم سنه جربت معاي كل العلاجات وبالاخير سويت حقن مجهري عندها والحين لله الحمد توني والدة لي 23 يوم بس ولدت قيصري ولله الحمد هذا اللي خرب علي فرحتي
المهم انا راجعت عند دكاترة واجد منهم ماجدة اليتامى وسكينه عباس وحتى الدكتور منصور العرف ومستشفى الحكومه بس والله ماشفت مثل هالدكتوره لو فيك تعب وهموم الدنيا كلها تطلعين من عندها مرتاحه ومستانسه الله يوفقها ان شاء ويبارك لها ويوسع رزقها والله انا اهلي الحين كلهم يدعون لها على اللي سوته معاي وحريم عايلتنا كلهم يراجعون عندها من كثر ماامدح فيها يعني مسويه لها دعايه مجانا لانها تستاهل وموفقه ان شاءالله

 

[بـــطوووطه]

شوفي حبيبتي للامانه انا ما جربتها لاني كنت اعالج عند د.منصور العرف والحمدالله مرتاحة معاه لان نفسيته مو طبيعيه ماشاءالله عليه

المهم انا سمعت عنها الكل يمدحها

وعسى الله يرزقنا ويرزق كل محروووم
اللهم امييييييييين

 

[عروسه 99]

انزين ممكن رقم الدكتوره منتهى لو سمحتي اختي واهيا وين موجوده وانا اول مره اسمع بمسشتفى العرف ممكن رقمها او رقم المستشفى ولكم مني الف شكر حبايبي

تقبلوااااااااااااااااااااااااااااااااا مروري

 

[البنفسجه]

مستشفى العرف في الجهرا 4555050

 

[البنفسجه]

مشكوره ام الاسمر طمنتيني ومشكوووووووووووورة على اهتمامج

 

[ام الاسمر]

حياك ياقلبي ..انا حبي افيدك مثل لاني عانيت اللي عانيتوه
زاللي تبي رقم الدكتوره مااقدر اعطيه بدون اذنها ..اعذريني
بس حطت لك الاخت رقم المستشفى

 

[البنفسجه]

حبيبتي ام الاسمر بغيت اسألج بكم سويتي الحقن المجهري وإذا تعرفين سعر التلقيح الصناعي بعد؟ وشنو كان اللي مأخر حملج؟

 

[ام الاسمر]

حبيبتي ام الاسمر بغيت اسألج بكم سويتي الحقن المجهري وإذا تعرفين سعر التلقيح الصناعي بعد؟ وشنو كان اللي مأخر حملج؟

هلا ياقلبي ..الحقن المجهري 1200 دينار .. والتلقيح الصناعي 99 دينار من غير الادويه وطبعا في مثبتات ومراجعات والله يعين ..
وانا بعد حملي الاول طبعا كان طبيعي بس تأخرت شويه 7 شهور .. وبعد ماولدت اخذت مانع ياسيمين لمدة سنه ونص وقطعته وقعدت سنه وماصار شي عقبها تميت سنتين اراجع وهم ماصار شي .. صار معاي تكيس وارتفع هرمون الحليب شوي وطلع معاي ضعف بالمبايض وعالجت كل شي بس بدون فايده اخر شي طلبت مني الدكتوره تحليل لزوجي وطلع فيه ضعف ..واستخدم ادوية شكثر وحتى ام هزاع النصابه اللي بالحفر رحت لها وخذت مني 500 دينار وكانت تبي بعد 500 بس شرطت عليها امي ان لما يحلل زوجي وتبين نتيجه الحيوانات المنوية نعطيها الباقي بس ماكو فايده وماعطيناها ..
سويت تلقيح صناعي بس ماسوته لي الدكتورة كانت عندها ولادة وسوته لي دكتوره ثانيه مصريه .. بس ماضبط معاي لان كان المفروض اني ارتاح ومااتحرك لمدة اسبوعين بس انا ماالتزمت لاني ماكنت ادري قالت لي الدكتوره عادي الحركة وانا من رديت صعدت شقتي بالدور الثالث وتسبحت وبعده كنت امشي واروح للسوق ... ونزلت الدورة
وعندي بنت خالتي تزوجت من سنتين وماصار عنده شي وراجعت لين ماعجزت اخر شي قلت لها تروح عند الدكتوره منتهى وتسوي تلقيح صناعي وفعلا راحت وسوت لها الدكتوره منتهى ووصيتها ترتاح طول الاسبوعين وتسوي نفس اللي سويته لما سويت الحقن المجهري وهو مافي حركه لاسبوعين يدوب الحمام وانتي بكرامه ومافي سبوح عالاقل اول اسبوع طبعا انا وياها سوينا بالشتا ارحم لنا لو بالصيف كان يوم وطلعت الريحه الله لايوريك .. وفي بعد ممنوعات منها العطر واكل التمر وشرب الحلبة ..وكنت اقرى يوميا البقره وال عمران والملك ومريم والتزمت باذكار الصباح والمسا وكنت اقرا رقيه على بطني بعد صلاة العصر والمغرب .. نسيت لااقولك بنت خالتي حملت بتوم بنت وولد والحين هي تعبانه حيل ادعي لها معاها ضغط ومعطينها موعد ولادة بعد العيد عشا ن تدخل التاسع بيسون لها عملية لان الجهال جايين بالعرض ..
ونرد على قصتي " سوري دوختك ""وعقبها قالو لي مالكم الا الحقن المجهري حطيت موعد بالصباح بعد مراجعات وروح وتعال واخرتها قالو انت الحين انتظار دفعه 2007 قلت انتم الحين باي دفعه قالو 2003 يعني يجي دوري بعد 3 او 4 سنين وياعايش .. وبع سنه صارت لي مشاكل بالدوام وتعبت نفسيتي حيل وكنت ابي اخذ اجازه باي طريقه وصارت خيرة وقررت اسوي الحقن ..المهم توكلت على الله واستخرت وسويته صج تعبت بالحمل يمكن لاني تاخرت وتعبت بالولادة بس الحمدلله الله رزقني ولد متعافي ونسيت كل التعب
والله يرزقك ان شاء مثل مارزقني واحسن بعد ويقر عيونك ان شاء الله ويفرح قلبك وتحملين وتجيبين توم ولد وبنت
وان نويتي تسوين التلقيح ولا الحقن التزمي بالنصايح اللي قلتها انا هذيت اللي عندي كله لاني خاف ماادخل النت او انسى اني امر ..واذا تبين شي بعد دزي لي عالخاص اذا مارديت لاني مثل ماقلت لك خاف انسى ارد ..
وقبل لاانسى انتي ان شاءالله لما تحملين وانا متفائلة خير خلك مع الدكتورة لاخر لحظه الا وقت الولادة ماانصحك الا بالحكومة اسألي مجربة الاثنين صج الخاص راحه لكن الحكومة يعرفون لكل الحالات انا علساس اولد طبيعي بس وقت الولادة ارتفع الجنين فوق والتف عليه الحبل السري واضطروا يسون لي عملية قيصرية والله تبهدلت وشفت الموت واخرتها قيصري ووالله الدكتوره ماقصرت معاي لاخر لحظه لدرجه انها قعدت معاي من الساعه 11 الصبح للساعه 6,30 بالليل وهي اللي سوت لي العملية وحتى فطور ماتفطرت بس شنو انا احس انها ارتبكت لاني وقت ماكنت اطلق كان نبض الجاهل يقل ومايدرون ليش وبالعمليه دروا ان الحبل السري التف علية لكن الحمدلله اللي الله سلمه لي وانا وديت هدية للدكتورة وكتبت لها كلمة شكر لانها والله ماقصرت معاي واللي صار مو بيدها بس تداركت الموقف وانقذت ولدي الله يجزاها خير بس اللي خلاني اقول هالكلام لان عقب الولادة يقولون لي عن حريم شكثر التف الحبل السري على الجنين وصعد الجنين فوق بس قدروا يولدون طبيعي لان الدكاترة الرجاجيل تدرين اشطر من الحريم ويقدرون يتحكمون ويتصرفون اكثر من الحريم
وهذا كل اللي عندي ادري دوختك بس شسوي ابي لك الفايده
يالله باي