**منو تعرف شنو علاج الكحه الناشفه والكحه مع البلغم**

[alooq8]

خواتي مع موجة هالبرد كثرت أمراض الكحة فالله يخليكم منو تعرف علاج زين للكحه الناشفه والكحه اللي مع بلغم. وأسأل الله الأجر والشفاء لي ولكم من كل داء. آآآمين
تكفون لا تخلوني أبي علاج :
1- للكحه الناشفه.
2- الكحه اللي مع بلغم.
ومشكورين مقدما

 

[أم الحلويين]

مرحبا حبيبتي
الكحه الناشفه شربي ماي دافي مع عسل على فكة الريج وحطي بالكمام ماي شوي مع ملعقة عسل مكان دوا الكمام
والكحه مع البلغم وحده بوحده ليمون شوي وزيت زيتون وشوي عسل على فكة الريج صدقيني بترجعين البلغم كرمكم الله
دعواتج لي بصلاح عيالي ويسخر لي زوجي

 

[<< أزيان >>]

اذا تبين شي طبيعي خلطي عسل مع زيت زيتون هذا عن تجربه واذا تبين ادويه واكيد الدواء مفعوله اسرع عندك شراب اسمه (ساكيسان)

علبته ابيض فيها خط ازرق امانه تدعيلي الله يهديلي زوجي وينجحني ويرزقني بالولد اللي يسد حلج اهل ريلي يارب آمين لأن هذا الدواء

مفعوله سريع من اول يوم يبين

 

[رجاوي_الكويت]

يمدحون ورق الجوافه تغلينها وتشربين مايها
حتى الحلبه الحصى يمدحونها
وما تشوفين شر ان شاء الله

 

[وصرت غايب]

ورق الجوااافه دايم نجربه جدا مفيد

وبعد لبان الذكر تنقعينه بماء وتشربينه

 

[جوجو.]

والله انا اشوف ان يستخدمون ماي النخي ويكون دافي الى حار شوي
وبعد عندج الكركم اتحطينه مع الحليب
سلامات

 

[شهد سبرنغ]

انا مرات تجيني كحه احسها بتطلع روحي وجربت ادويه شكثر مانفعني مثل هالمشروب
الزنجبيل الطازج تغلين قطعه منه وتعصرين عليها ليمونه وتحلينها اما بسكر او عسل تشربينه دافي
وشوفي البلغم شلون يطلع كتل ( عزكم الله)

 

[F.A]

مشكورين خواتى

 

[بنوته جامعية]

في دوا وايد زين جربته حق ولدي عمره6اشهر وخفت الكحة وايد والكبار يستخدمونه بعد
اسمه ميكوسولفان
بس ما تحصلينه بكل الصيدليات الحين لانه خالص انا شريته من بوتس الافنيوز

 

[الريشة]

شربي ينسون
و شربي مرقدوش

 

[(كويتيه عسل)]

انا مثلج عندي ربو وساعات تصير فيني كحه مع بلقم

عن تجربه

صج العسل عجيب موشرط مع خلطات

حتى لو تتريقين فيه مع توست وجبن او قيمير او تحطينه في الحليب بدال الشكر

لا تشربين اشياء بارده وخري عنها لحد ماتطيبين

لان الماي البادر والبرد وهالسوالف البارده تزيد الكحه والبلقم

كلا شربي اشياء دافيه وكثري من الشوربه وهالسوالف

وحطي زنزبيل في المرق والصلصات والاكل

والجاي الاخضر اينن

والله يشافيج حبيبتي

 

[(كويتيه عسل)]

والله انا اشوف ان يستخدمون ماي النخي ويكون دافي الى حار شوي
سلامات

صح هم النخي زين للبلقم والكحه انا مجربته

 

[(كويتيه عسل)]

انا مرات تجيني كحه احسها بتطلع روحي وجربت ادويه شكثر مانفعني مثل هالمشروب
الزنجبيل الطازج تغلين قطعه منه وتعصرين عليها ليمونه وتحلينها اما بسكر او عسل تشربينه دافي
وشوفي البلغم شلون يطلع كتل ( عزكم الله)

امي تحط الزنجبيل تخلطه في الاكل مثل في المرق والصلصات ملوت الباستا ومانحس بطعمه

 

[غير كل الناس]

مغلي ورق الجوافه من العطار

 

[مرااااحب]

وانا انصحج بعد بورق الجوافه تغلينه وتشربيه عن تجربه وتلاقينه عند الحواج
وسلامات ما تشوفين شر

تقبلي مروري
اختك
,
,
,
مرااااحب

 

[أميرة الحلا]

مشكوورين بنات

 

[سمسومه]

بصراحه أحتجت حق موضوعكم حيل و بتبع نصايحكم إن شالله

لأن اليوم ماقدرت أنام من كثر الكحه الله المستعان ماقصرتو كلكم الله يجزاكم خير يارب

 

[koky alnassar]

الجنزبيل ثم الجنزبيل ثم الجنزبيل
العسل ثم العسل ثم العسل

ان شاء الله بيشافيج بعد الدعاء و القران طبعا

وعلى فكره عن تجربه كان حتى صوتي يخرع من الربو

 

[koky alnassar]

وفي خلطه ثانيه تنفع للبرد بعد عصير الليمون مع البرتقال صج حامض بس ترا ينفع والله ينفع

 

[شقحى]

يسلمو ي بنات يعطيكن العافيه