منو تقولي عن عشبة القشعة؟

[شمس؟]

السلام عليكم ورحمة الله وبركاته

خواتي انا اعاني من التصاقات بالرحم وانسداد الانابيب بسبب كثرة القيصريات ومتبهدلة وقالولي لازم منظار

وسبحان الله حاولوا بس ما صار المنظار لاسباب..

الحين سمعت عن عشبة القشعه في احد مجربها .. ولازم اخذها وقت الدورة والا عادي باي وقت لان الالتصاقات تمنع نزول الدورة اصلا .. فهذي العشبة ممكن تنزلها ؟؟

خالص الشكر

 

[جاكم الزين كلة]

السلام عليكم

عشبة القشعة اللي اعرفة ان تستخدم للمرا الحامل وياها نزيف تستخدم هذي العشبة للتاكد اذا كان الجاهل حي في بطن امة يرتفع ويوقف النزيف واذا كان ميت ينزل

واهذا اللي عندي بس اذا تبين في وحدة بالفردوس اسمها ام محمد الرشيدي ما شاء الله عليها تعرف كل شي اذا كان رحمج صاد او فية شي بس انتي اذا رحتي لها قولي لها سالفتج وهي تشوف انشاء الله تحصلين عندها اللي تبينة

هذا عنوانها الفردوس قطعة 5 جادة 5 قريبة عليها الفرع وروضة الياسمين واسالي اي شخص يدليج عليها

ترى ما اعرف اوصف بس شوفي اول ما تدشين قطعة 5 راح تصير روضة الياسمين جدامج اخذي يمين ( راح تصير براحة تراب على ايدج اليمين ) بعدين يمين بيتها على اليمين لونة اصفر وبالتوفيق
اذا تبين شي طرشي على الخاص

 

[* ورود *]

حبيبتي شوفي تجربتي على الخاص

 

[شمس؟]

هلا وغلا بالزين كله

مشكورة اختي على تفاعلج معاي وسجلت العنوان رحم الله والديج

 

[شمس؟]

هلا وغلا باختي وروود

الله يوفقج ياااارب

 

[حب من طرف واحد]

انا بعد اعرف انها تسخدمها اللي ميت الجاهل بطنها اذا ميت ينزل واذا حي يثبت
بس بصراحه عن تجربتي اول ماحملت وصار لي شهرين مات البيبي من غير سبب وخذيتها ابيه يطيح بس بصراحه منفعتني في النهايه رحت الطبيب نزل البيبي

 

[حنين3]

بالنسبه لي يابنات انا كنت والده واول بيبي لي وفي نهاية الاربعين جاني عوار جنه عوار الدوره وقعد كم يوم ومانزل شي ولاني ماكنت فاهمه شالطبخه رحت الحواج وقلتله السالفه فعطاني اعشاب اسويهم شاي واشربهم انا رحتله المغرب وشربت الشاي بعد صلاة العشا ولما قعدت الصبح شفت البلاوي اللي كانت طالعه وانا مادري عنها يعني مو بس نزل الدوره ونظف الرحم بعد من بقايا النفاس شي عجيب وانا خذيته من حواج مراحب اللي بالاندلس وله فرع بالفردوس قطعه 3 وهذي القشعه