منو تكسب فيني أجر وتعلمني

[هيبة ملك]

شلونكم بنات

لحقوا علي هالسنة بصوم عندزوجي ويبي طباخي لرمضان خاصة اللقيمات والفطاير

وأنا ماعمري سويتهم بعمري كله ولا أعرف شئ فالمطبخ خاصة طبخات رمضان إلا

الشوربة والمكرونة يمكن اسويها عدل

منو تكسب فيني أجر وتعلمني طريقة سهلة ومجربة للقيمات والفطاير؟

 

[الغضى]

لازم تجربين وتشوفين العجينه اللي تضبط وياج
كلنا بالبداية كنا جذيه
اللقيمات اخذ لقمة القاضي وازيد قفشتين حليب بودر
ولا يومج كل ماسمعت وصفة جربت.

 

[هيبة ملك]

مشكورة حبيبتي

أمممم

شلون لازم تصير سماكة العجينة

 

[فيلسوفة تتفلسف]

لقيمات ع طريقة حلوة ومملوحة

http://www.q8yat.com/t411656.html
​

 

[فيلسوفة تتفلسف]

فطاير احلى همبه البنات يمدحونها
http://www.q8yat.com/t468563.html

وهذي بعد طريقة حلوه
http://www.q8yat.com/t1051985.html

​

 

[فيلسوفة تتفلسف]

للامانه مو مجربتهم

بس حبيت اساعدج ودورتلج بالمنتدى :eh_s(17):
​

 

[هيبة ملك]

حبيبة قلبي

الله يجزاج خير منيه للسفر راح أجرب

 

[فيلسوفة تتفلسف]

اجمعــين

الله يـــوفقــــج
​

 

[جارة القمر]

ما قصروات الله يعطيكم العافيييييييييييييييه

http://www.q8yat.com/t1071557.html


http://www.q8yat.com/t1050018.html


http://www.q8yat.com/t687806.html


http://www.q8yat.com/t382002.html




لقيمات


http://www.q8yat.com/t706741.html


http://www.q8yat.com/t98769.html


http://www.q8yat.com/t921156.html

 

[أم عزيـز]

احلى عجينة جربتها وضبطت معاي وانصحج فيها

2ونص كوب طحين

قفشه كبيرة خميره
قفشة كبيرة باكنج باودر
3 قفاش كبار سكر
قفشة صغيره ملح
واحد روب
نص كوب لبن المراعي
وربع كوب زيت


تخلطين المقادير الناشفه مع بعض وبعدين تضيفين المقادير السائله وعجنيها بئدج او بالعجانه لي مدرة 7 او 10 دقايق
وتالي غطيها وخليها في مكان دافي تتخمر تقريبا تاخذ من ساعه الى ساعه ونص

تالي شكليها على كيج واحشيها باللي تبين

تره انا جربتها بنفسي حدها عجيبه وترفه

 

[3 العراقية]

احسن طريقه للفطاير مجربه ومستحيل تخرب حتى لو اول مره اسوينها عجينه العشر دقايق طلعيها من النت اكتبي بس عجينة العشر دقايق وشوفي شلون سوينها واكو صور طرق تبدعين فيها بلحشوات والاشكال راح يتعجبون عليج والله عن تجربة واعذريني عن اللقيمات انا بعد ادور طريقه حلوه مثلج

 

[kuwaitgirl22]

انا عن نفسي كلما اجرب وصفات النت ماتضبط معاي لحد ماجربت بنفسي ومحاولات كثيره ..والحمدلله ضبط معاي لاني اكتب المقادير عشان ماانساها..وبعدها ضيعت الورقه الي كتبت فيها رحت رديت اجرب ..المهم المقادير سهله بس اهم شي الكميه من المقادير لازم تكون عدل ..
تجربتي:
عجينه تصلح للبيتزا +الخليه+فطائر
المقادير :
2 كوب ونصف طحين
كوب ماء دافيء
1 ملعقة اكل خميره
ثلاثة ارباع زيت (استكانة الجاي)
3 ملاعق حليب بودر
نصف ملعقة صغيره ملح
نصف ملعقة صغيره سكر
الطريقه :
تخلط السوائل اول شي بعدها تحطين الطحين ...وتعجن
وتتركينها الافضل 3 ساعات
وبعدها تردين تعجنينها مع رشة طحين خفيف

القيمات :
عندي طريقتين
الطريقه الاولى : جاهزه لقمة القاضي +علبة وحده زبادي او كوب لبن المراعي +الماي حطي كوب وشوفي العجينه ماتكون متماسكه لازم خفيفه شوي
الطريقة الثانيه :2كوب طحين + سكر+ملح+ملعقة اكل خميره+ملعقه صغيره نشا
اذا تبينها بالزعفران تخلطين زعفران مع الماي وتصفينه بعدين تخلطين فيه العجينه

 

[الغضى]

لقيمات بطريقة أختي لذيييييييييييييذة

لقمة القاضي احسن ماركة "فوستر كلاس" جنه جذيه اسمها احسن نوعية عن تجربة
قفشتين روب
قفشتين قيمر
شوية سكر
نص قفشة نشا

تخلطينهم بماي دافي شوي وتخلينها مائلة للسيولة
وتغطينها بفوطة مبلله بالماي ساعه الا ربع
وتصبينها بالزيت


بنات اللي تجربها تدعي لي آنا و أختي ,,,,ولكم بالمثل

 

[هيبة ملك]

بعد عمري أنتم ماقصرتوا

راح أجرب وأقولكم

الله لايحرمني منكم

 

[اسيرة زوجها]

حبوبه آْنَـỳǑŲـْتي نفس حالتي اول ماتزوجت وانا كنت اطبخ لاهله صدمه عِمـْرريّے كانت ‏​بِــ̯͡سّ ولله الحمد عدت ع خير وتعلمت
‏​ٱ‏​نـِْ♡̨̐ـِْا للحين عليميه بالعجين والفطاير ‏​بِــ̯͡سّ القيمات لا وتبين طريقتي
كوب ونص طحين وعليه روب وقفشه خميره وقفشه شكر وفنجان زيت ورشه ملح وكاستر اذا تحبين حطي قفشه او قفشتيتين يخليها مقرنشه اكثر
وطبعا ماي دافي للعجن
اخلطي المواد الجافه تالي حطي الروب والزيت وضيفي ماي لي تصير عجينه سايله ‏​بِــ̯͡سّ مو حيل اللےْـي تنصب معاج وتتقطع نفس عجينه الكيك وعقب غطيها بفوطه وحطيها بمكان دافي نص ساعه الي ساعه بالكثير عقب حطي مقلاه عميقه فيها زيت حار وخلي النار عاليه صبي قيماتج وعطول قصري عالنار خليها اقل من نص وخل يتحمرون من گـل صوب بالملاس طبعا تقلبينهم عقب طلعيهم وخل يتصفون من الدهن بمشخال



القطر او الشيره كوبين شكر كوب ماي شريحه ليمون حبتين هيل وشوي زعفران
ذوبي الشكر بالماي وعالنار الين يغلي قطي شريحه الليمون وطفي النار

 

[noor salam]

انا طريقتي خذيتها من وحدة بالنت الله يجازيها كل خير و الحمدلله اضبطت معاي بس حطيت عليها زيادات
في الخلاط :
1.5 كوب ماء دافئ
فنجان قهوة زيت
3 ملاعق حليب بودرة
1 ملعقة كبيرة خميرة
1 ملعقة صغيرة سكر
ذرة ملح
ملعقة كبيرة نشا
ملعقة صغيرة بيكنج باودر
وتخلط لمدة 5 دقائق
يضاف الطحين و تترك لتتخمر

لمدة ساعة و نصف الى ساعتين
تقلي و تغمس بالشيرة الباردة (القطر)

وبالعافية وصحتين على قلبك يا عسل

 

[مسك الجنه]

بقولج طريقتي حدها سهله شفتي لقيمات القاضي كرتون وتعجينهم مع ٢ لبن المراعي الصغار وبس وخليهم يتخمرون شوي لان فيها خميره والشيره عاد توني مسويتها حق رمضان حطيت ٥ اكواب سكر و٣ اكواب ماي وخليتهم علي النار وحطي شوي حب هيل وبودره هيل وزعفران ونص ليمونه اعصريها وقطي فوقهم شريحه ليمون وخليها تطبخ تقريبا ربع ساعه وقصري علي النار واذا تبينها لونها اصفر حطي صفار العيش شويه نتفه وبس سلامتج