منو جربت تروح اوروبا بسيارة

[بساطه]

هاى بنات
حبايبى انصحونى شرايكم حلوه هالرحله اننا نروح انا وزوجى جولة لاوروبا بسيارة؟ جم التكاليف والمدة والايجابيات والسلبيات

 

[&& غـــســق &&]

اهليييييييييين

بصراحه مادري يعني من الكوييت لي اوربا ....؟


اذا بسيارة تأجرينها بأوربا اييي حلوة اذا ريلج ادل يعني ونده خبرة وايد حلو

 

[بساطه]

مشكورة حبيبتى غسق ما يدل ريلى ولا مرة رحنا نقدر ناخذ خريطة مو؟ بس لان انا وياه نعتبرها مغامرة وايد احب المغامرات والحرية

 

[العجميه سبشل]

متى بتوصلين

 

[&& غـــســق &&]

ايي مغامرة مافهمت يعني من الكويت بتروحون اوربا ولا شنوو فهميني نيتكم شنو بالظبط

 

[d-k_group]

احنا جربنا التنقل بالسياره في اوربا


بصراحه متعه مو طبيعيه ووناسه


ما رااح تحتاجون خراايط اخذوا وياكم الgarmin gps


بس حطي العنوان اللي تبينه واهو يدليج لووووووووووول

 

[سنفورة]

متعه لابعد الحدود رحت العام انا وريلي بروحنا واول مرة نروح وماكنا ندل بس الله يخلي القارمن بصراحه انصحج فيها حجزنا السيارة من الكويت شركة يورب كار واستلمناها بمطار ميونخ المانيا وسلمناها بجنيف بسويسرا واذا تبين تعرفين مسار الرحلة بالضبط قوليلي الرحله كلها كانت 22 يوم تقريبا بس انصحج بالسيارة تغنيج عن القطارات واللوية وتكتشفون وايد اشياء بالطريج وكل ماعجبكم مكان توقفون

 

[بساطه]

غسق حبيبتى
اى انشالله من الكويت لى اوروبا بالسيارة

 

[بساطه]

العجمية سبشل
انا ما سافرت ناوية حبيبتى اذا يسر الله

 

[بساطه]

d c group وسنفورة بعد عمرى شكرا عالرد بس تعتقدون عادى مافى خطر يعنى امان انا وريلى نسافر كل هالمسافه بروحنا عادى؟ بنات انا قصدى من الكويت لى اوروبا مو صعبه؟ منو جربها؟ طيب اذا مثل ما تقولون استلمها من هناك يعنى اطير من الكويت بطيارة واروح هناك استلمها وادخل على اوروبا فيها؟ شنو الدول للى دخلتوا عليها فيها وجم كلفتكم الشغله هذى من تذاكركم بلكويت ليما تذكرة العودة ؟ يعنى الفين ونص خلاص اسبوعين تكفى بنات؟وللى يعافيكم ابى التفاصيل المملة ؟؟ سنفورة حبيبتى عطينى خط سير الرحلة ترى انا ولا مره رحت اوروبا وودى هلمرة امر عليها كلها .. وترى انا ما اشترى من الاسواق وجذى عشان اوفر لان الميزانية مو هلكثر بس احب اتعرف عالاوادم واشوف جمال ... وشنو القارمن وعلى وين تنصحينى اطير من الكويت على وين ؟ انا كنت مفكرة بالنمسا او سويسرا واندخل على اوروبا بس انتى شرايج ؟ومن وين نصرف العمله من هنى ولا من هناك او من المطار يعنى احسن صرف ؟ وجم حجز السيارة للى حجزتوه من الكويت

ساعدونا بنات عفيه والكل راح يستفيد مشكورين بعد عمرى

 

[Dr.Nouf]

احنا اجرنا سيارة ما رحناا فيها !! احس قوية

ويا حلوو الجرامن ، اي مكاان نطق طق فييها ويودينا ، عجييب والله انصجح فيه

 

[سنفورة]

d c group وسنفورة بعد عمرى شكرا عالرد بس تعتقدون عادى مافى خطر يعنى امان انا وريلى نسافر كل هالمسافه بروحنا عادى؟ بنات انا قصدى من الكويت لى اوروبا مو صعبه؟ منو جربها؟ طيب اذا مثل ما تقولون استلمها من هناك يعنى اطير من الكويت بطيارة واروح هناك استلمها وادخل على اوروبا فيها؟ شنو الدول للى دخلتوا عليها فيها وجم كلفتكم الشغله هذى من تذاكركم بلكويت ليما تذكرة العودة ؟ يعنى الفين ونص خلاص اسبوعين تكفى بنات؟وللى يعافيكم ابى التفاصيل المملة ؟؟ سنفورة حبيبتى عطينى خط سير الرحلة ترى انا ولا مره رحت اوروبا وودى هلمرة امر عليها كلها .. وترى انا ما اشترى من الاسواق وجذى عشان اوفر لان الميزانية مو هلكثر بس احب اتعرف عالاوادم واشوف جمال ... وشنو القارمن وعلى وين تنصحينى اطير من الكويت على وين ؟ انا كنت مفكرة بالنمسا او سويسرا واندخل على اوروبا بس انتى شرايج ؟ومن وين نصرف العمله من هنى ولا من هناك او من المطار يعنى احسن صرف ؟ وجم حجز السيارة للى حجزتوه من الكويت

ساعدونا بنات عفيه والكل راح يستفيد مشكورين بعد عمرى

لا لا من الكويت قويه هههههههههه
بقولج مسار الرحلة بالضبط خلج معاي :
طرنا من الكويت لي

مطار ميونخ المانيا قعدنا ليلتين بعدها شوفي مسار الرحلة وشكثر تبعد كل ديرة عن الثانيه


زلمسي المسافه ساعه ونص : 5ايام وطبعا القارمن معانا تحطين العنوان ويوديج

بس هالخمس ايام مو بس بزلمسي طبعا بسيارة طلعنا رحنا سالزبورغ وكابرون نروح ونرد بنفس اليوم يعني فندقنا بزلمسي هذي ميزة السيارة اي مكان يطق فبالج تروحين

فينيسيا ايطاليا تبعد 5 ساعات من زلمسي وهذي كانت اطول مسافه قطعناها بس والله ما حسينا مرت جنها ساعه متعه والجو والمناظر ما تحسين قعدنا فيها يوم بس كافي عليها بس تستاهل الروحه

ميلان ايطاليا تبعد 3 ساعات عن فينيسيا قعدنا فيها 3 ايام

ا نترلاكن سويسرا المسافه ساعتين ونص قعدنا فيها 4 ايام اروع طريج كان بهاليوم لان حدود سويسرا وجبال الالب وانتي داشه قمة بالروعه وصج رووووووعه هالمنطقه اللي يروح سويسرا ومايمرها خسران


اخر محطة جنيف والمسافه تقريبا ساعتين ونص قعدنا فيها 4 ايام وسلمنا السيارة هناك وردينا الديرة وبس




كل منظقه حاطتها بلون عشان تركزين

 

[ظلال القرآن]

لا طبعا ما انصحج كلش
تروحين بالطياره وهناك تأجرين ايه وايد حلو بس من الكويت لاااااااااااااااااا

 

[Samurai]

اي والله ما انصحج من الكويت بالسياره .. بتمرين سوريا وتركيا وبلغاريا .. وهالدول يلعوزون على الحدود وتخوف بعد ..
طيري من الكويت لميونخ واجري سياره من هناك وروحي الاماكن اللي تبينها .. والسياره عليها تأمين شامل يعني اي خراب او حادث يعطونج بديل بلاش .. بس اهم شي القارمن ..

 

[بساطه]

dr nouf : اشكرج على ردج وانشالله بجرب القارمن واسمع بنصيحتكم بس اهو شنو بالضبط ؟ واشتريه ولا استاجره ؟ ومن وين اخذه؟

سنفورة شكلى صدمتج ها ؟ هههههه اخترعتى ؟ بس والله اعرف ناس راحوا من الكويت ليما اوروبا بس تعبت حيل خلاص انشالله بطير على ميونيخ باذن الله,,, شوفى المكتب اللى قلتى اسمه بلكويت ممكن تعطينى رقمه؟ وشلون عالفيزا بجم ومتى نسويها؟ وبعدين بجم يومية السيارة؟ ووين ندفع الفلوس هنيه ولا هناك؟ وتطلع ارخص لو اخذ سيارة او قطارات؟وشلون الناس هناك تعاملهم؟وين قعدتى بميونيخ؟ حجزتى من هنيه او هناك؟ اى لغه يتحجون؟ وجم ليلة الفندق؟وتنصحين بالشقق احسن او بالفنادق؟وارخص تحجزين بريوق ولا بدون ريوق؟والقارمن شنو بالضبط جهاز مو؟ طيب تشترينه من هنيه او هناك؟ او يكون مع السيارة؟ وشنو تكتبين عشان يدلج القارمن ميخالف ترى انا عليميه والله ماعرف ولا شى باوروبا ولا بحياتى رحتلها.... ترى ركزت معاج كل منطقة حطيتها بلون بعد عمرى ما قصرتى بس الله يعينج على اسالتى طيب كل ديرة وين سكنتى فيها واحسن شقق او فنادق ؟ وشلون عالاكل احسن من الفندق او مطاعم؟ ومتى يسكر كل شى عندهم ؟ لان فيه بعض الدول من يصير المغرب يصير صخه... ابى اعرف كل ديرة وين سكنتى فيها .؟؟ والاماكن الحلوه اللى نروح شى على قد فلوسنا يعنى انتظر ردج سنفورة

 

[بساطه]

ظلال القران : اشكرج حبيبتى خلاص مابى افكر اطلع من الكويت لان صج صعبه قولى انشالله بس ربى يسهل لنا هالسفره





sumaria : خلاص انشالله بروح على ميونيخ باذن الله اذا تيسرت هالسفرة وانشالله استانس اشكرج يا عسل

 

[ظلال القرآن]

الله يسهل لكم هالسفره ويسمح دربكم وتروحين وتردين بالسلامه
واي سؤال حاضرين

 

[&& غـــســق &&]

غسق حبيبتى
اى انشالله من الكويت لى اوروبا بالسيارة

من الكويت لي اوربا @@ من صجج


طبعاااا لااااااا

واول مرة بعد وبروحكم صعبة حييييييييييييييييييييييييييييييييييييييييل

 

[سنفورة]

dr nouf : اشكرج على ردج وانشالله بجرب القارمن واسمع بنصيحتكم بس اهو شنو بالضبط ؟ واشتريه ولا استاجره ؟ ومن وين اخذه؟

سنفورة شكلى صدمتج ها ؟ هههههه اخترعتى ؟ بس والله اعرف ناس راحوا من الكويت ليما اوروبا بس تعبت حيل خلاص انشالله بطير على ميونيخ باذن الله,,, شوفى المكتب اللى قلتى اسمه بلكويت ممكن تعطينى رقمه؟ وشلون عالفيزا بجم ومتى نسويها؟ وبعدين بجم يومية السيارة؟ ووين ندفع الفلوس هنيه ولا هناك؟ وتطلع ارخص لو اخذ سيارة او قطارات؟وشلون الناس هناك تعاملهم؟وين قعدتى بميونيخ؟ حجزتى من هنيه او هناك؟ اى لغه يتحجون؟ وجم ليلة الفندق؟وتنصحين بالشقق احسن او بالفنادق؟وارخص تحجزين بريوق ولا بدون ريوق؟والقارمن شنو بالضبط جهاز مو؟ طيب تشترينه من هنيه او هناك؟ او يكون مع السيارة؟ وشنو تكتبين عشان يدلج القارمن ميخالف ترى انا عليميه والله ماعرف ولا شى باوروبا ولا بحياتى رحتلها.... ترى ركزت معاج كل منطقة حطيتها بلون بعد عمرى ما قصرتى بس الله يعينج على اسالتى طيب كل ديرة وين سكنتى فيها واحسن شقق او فنادق ؟ وشلون عالاكل احسن من الفندق او مطاعم؟ ومتى يسكر كل شى عندهم ؟ لان فيه بعض الدول من يصير المغرب يصير صخه... ابى اعرف كل ديرة وين سكنتى فيها .؟؟ والاماكن الحلوه اللى نروح شى على قد فلوسنا يعنى انتظر ردج سنفورة

حبيبتي انتي عادي ماسويت شي

الفيزا اول شي طلعوها هي طبعا الشنغن اي مكتب سفريات يطلعها وتاخذ اسبوع تقريبا وعلى ما اعتقد انها ب30 دينار للشخص

والمانيا في يتحجون انجليزي والاغلب لا بس عادي قزرناها لغه الاشارة هههههههههههه وعندج هوليدي ان حلو هناك وقريب من السنتر


بالنسبه للسكن اكيد فنادق احسن واكيد حجز الفندق مع ريوق اغلى يا قلبي واحنا حجزنا من هالموقع دشي عليه وحطي اسم الدوله واختاري الفندق اللي يعجبج www.booking.com

والقارمن اي جهاز تشترينه من الكويت وفي انواع اختارو اللي يعجبكم ينباع بمحلات الالكترونيات بس حطو فيه خريطة اوروبا وبس هناك تحطون عنوان اي مكان بتروحون له ويوديكم والعناوين تاخذونها من الريسبشن بالفندق هناك او مكاتب الاستعلامات باوروبا تكون علانتهم ! علامة تعجب بس تشوفين هالعلامة يعني هذا مكتب استعلامات ويعطونكم فكرة عن كل الاماكن السياحية وعنوانيها وبس

وبالنسبه للسيارة اخذناها بكل المده طلعت علينا تقريبا 400 دينار بس كدينهاها كد ههههههههههههههه من شركة يورب كار

تلقونها بمطار ميونخ


والاكل المطاعم العربيه مترووسة باوروبا بكل مكان تلقينها وعندج مطاعم السي فود والبيتزا يعني عادي ما راح تحتارون بالمطاعم


بالنسبه اذا صار المغرب صار صخه تقدرين تقولين بس هناك المغرب عالساعه 8 بالليل بس عادي والله كنا نطلع نتعشى بالليل امان وماكو شي وانتوا اساسا راح تتعبون لان راح تكونون طالعين مبجر

والاماكن الحلوة هناك انتي انشالله اذا قررتي تسافرين راح اقولج بس عطيني المناظق اللي بتروحين لها


:bye22:

 

[بساطه]

خلاص بعد عمرى سنفورة انشالله بس نحجز راح ارد اسالج ما قصرتى يا سنفورة اشكرج:e3: